ਸਾਊਦੀ ’ਚ ਨਿਕਾਹ, ਪੰਜਾਬ ’ਚ ਪਤਨੀ ਤੇ ਮੁਰਾਦਾਬਾਦ ’ਚ ਬਾਰਾਤ: ਲਾੜੇ ਦੀ ਚਲਾਕੀ ਪਈ ਭਾਰੀ, ਬਾਰਾਤੀ ਬਣੇ ਬੰਧਕ

ਓਥੇ ਹੀ ਉਸ ਦੀ ਮੁਲਾਕਾਤ ਪੰਜਾਬ ਦੀ ਇੱਕ ਮੁਟਿਆਰ ਨਾਲ ਹੋਈ ਸੀ। ਦੋਵਾਂ ਵਿਚਾਲੇ ਨੇੜਤਾ ਵਧੀ ਅਤੇ ਉਨ੍ਹਾਂ ਨੇ ਤਿੰਨ ਸਾਲ ਪਹਿਲਾਂ ਸਾਊਦੀ ਵਿੱਚ ਨਿਕਾਹ ਕਰ ਲਿਆ। ਕੁਝ ਸਮੇਂ ਬਾਅਦ ਸ਼ਾਕਿਰ ਆਪਣੇ ਘਰ ਵਾਪਸ ਆ ਗਿਆ, ਜਿੱਥੇ ਉਸ ਦਾ ਰਿਸ਼ਤਾ ਮੈਨਾਠੇਰ ਖੇਤਰ ਦੇ ਪਿੰਡ ਕੂਰੀ ਬਰੇਠਾ ਦੀ ਇੱਕ ਮੁਟਿਆਰ ਨਾਲ ਤੈਅ ਹੋ ਗਿਆ। ਵਿਆਹ ਲਈ ਪਾਕਬੜਾ ਖੇਤਰ ਦੇ ਰਤਨਪੁਰ ਕਲਾਂ ਸਥਿਤ ਇੱਕ ਮੈਰਿਜ ਹਾਲ ਬੁੱਕ ਕੀਤਾ ਗਿਆ ਸੀ।

ਵੀਰਵਾਰ ਰਾਤ ਬਾਰਾਤ ਪਹੁੰਚੀ ਅਤੇ ਸਮਾਗਮ ਚੱਲ ਰਿਹਾ ਸੀ। ਇਸੇ ਦੌਰਾਨ ਸਾਊਦੀ ਵਿੱਚ ਰਹਿ ਰਹੀ ਪਹਿਲੀ ਪਤਨੀ ਨੂੰ ਇਸ ਦੀ ਭਣਕ ਲੱਗ ਗਈ। ਉਸ ਨੇ ਪੰਜਾਬ ਵਿੱਚ ਆਪਣੇ ਪਰਿਵਾਰ ਵਾਲਿਆਂ ਨੂੰ ਸੂਚਨਾ ਦਿੱਤੀ, ਜਿਨ੍ਹਾਂ ਨੇ ਸਥਾਨਕ ਪੁਲਿਸ ਨਾਲ ਸੰਪਰਕ ਕੀਤਾ। ਇੱਧਰ, ਸ਼ਾਕਿਰ ਨੂੰ ਜਦੋਂ ਸ਼ੱਕ ਹੋਇਆ ਕਿ ਮਾਮਲਾ ਖੁੱਲ੍ਹ ਸਕਦਾ ਹੈ, ਤਾਂ ਉਸ ਨੇ ਚਲਾਕੀ ਨਾਲ ਆਪਣੇ ਛੋਟੇ ਭਰਾ ਨੂੰ ਲਾੜੇ ਵਜੋਂ ਅੱਗੇ ਕਰ ਦਿੱਤਾ।

ਮਗਰੋਂ ਉਸ ਨੇ ਖੁਦ ਸਹਿਰਾ ਬੰਨ੍ਹ ਲਿਆ ਅਤੇ ਬਾਰਾਤ ਲੈ ਕੇ ਮੈਰਿਜ ਹਾਲ ਪਹੁੰਚ ਗਿਆ। ਇਸੇ ਦੌਰਾਨ ਕਿਸੇ ਨੇ ਲੜਕੀ ਪੱਖ ਨੂੰ ਉਸ ਦੇ ਪਹਿਲੇ ਵਿਆਹ ਦੀ ਜਾਣਕਾਰੀ ਦੇ ਦਿੱਤੀ। ਇਹ ਸੁਣਦਿਆਂ ਹੀ ਲੜਕੀ ਵਾਲਿਆਂ ਵਿੱਚ ਹਫੜਾ-ਦਫੜੀ ਮਚ ਗਈ। ਗੁੱਸੇ ਵਿੱਚ ਆਏ ਪਰਿਵਾਰਕ ਮੈਂਬਰਾਂ ਨੇ ਲਾੜੇ ਅਤੇ ਬਾਰਾਤੀਆਂ ਨੂੰ ਰੋਕ ਲਿਆ ਅਤੇ ਹੰਗਾਮਾ ਸ਼ੁਰੂ ਕਰ ਦਿੱਤਾ। ਮਾਮਲਾ ਕੁੱਟਮਾਰ ਤੱਕ ਪਹੁੰਚ ਗਿਆ।

ਸੂਚਨਾ ਮਿਲਣ 'ਤੇ ਪੁਲਿਸ ਮੌਕੇ 'ਤੇ ਪਹੁੰਚੀ ਅਤੇ ਦੋਵਾਂ ਪੱਖਾਂ ਨੂੰ ਸਮਝਾ ਕੇ ਸ਼ਾਂਤ ਕਰਵਾਇਆ। ਪੁਲਿਸ ਲਾੜੇ ਸ਼ਾਕਿਰ ਅਤੇ ਕੁਝ ਹੋਰ ਲੋਕਾਂ ਨੂੰ ਥਾਣੇ ਲੈ ਗਈ। ਫਿਲਹਾਲ ਦੋਵਾਂ ਪੱਖਾਂ ਵਿਚਾਲੇ ਪੰਚਾਇਤ ਚੱਲ ਰਹੀ ਹੈ। ਥਾਣਾ ਮੁਖੀ ਯੋਗੇਸ਼ ਕੁਮਾਰ ਨੇ ਦੱਸਿਆ ਕਿ ਦੋਵਾਂ ਪੱਖਾਂ ਨੂੰ ਥਾਣੇ ਬੁਲਾਇਆ ਗਿਆ ਹੈ। ਗੱਲਬਾਤ ਜਾਰੀ ਹੈ ਅਤੇ ਸ਼ਿਕਾਇਤ ਪੱਤਰ ਮਿਲਣ ਤੋਂ ਬਾਅਦ ਕਾਰਵਾਈ ਕੀਤੀ ਜਾਵੇਗੀ।

ਪੰਜਾਬ ਦੀ ਮੁਟਿਆਰ ਦੂਜੇ ਧਰਮ ਦੀ, ਤਿੰਨ ਸਾਲ ਪਹਿਲਾਂ ਹੋਇਆ ਸੀ ਵਿਆਹ

ਦੱਸਿਆ ਜਾ ਰਿਹਾ ਹੈ ਕਿ ਪੰਜਾਬ ਦੀ ਜਿਸ ਮੁਟਿਆਰ ਨਾਲ ਨੌਜਵਾਨ ਨੇ ਤਿੰਨ ਸਾਲ ਪਹਿਲਾਂ ਵਿਆਹ ਕੀਤਾ ਸੀ, ਉਹ ਦੂਜੇ ਧਰਮ ਨਾਲ ਸਬੰਧ ਰੱਖਦੀ ਹੈ। ਉਸ ਨੇ ਇੱਕ ਬੇਟੇ ਨੂੰ ਵੀ ਜਨਮ ਦਿੱਤਾ। ਨੌਜਵਾਨ ਕੁਝ ਦਿਨਾਂ ਲਈ ਘਰ ਜਾਣ ਦੀ ਗੱਲ ਕਹਿ ਕੇ ਪਤਨੀ ਨੂੰ ਸਾਊਦੀ ਅਰਬ ਵਿੱਚ ਹੀ ਛੱਡ ਕੇ ਆ ਗਿਆ ਸੀ। ਉਸ ਨੂੰ ਕਿਸੇ ਤਰ੍ਹਾਂ ਦੂਜੇ ਵਿਆਹ ਦੀ ਜਾਣਕਾਰੀ ਮਿਲੀ ਤਾਂ ਸਾਰਾ ਮਾਮਲਾ ਸਾਹਮਣੇ ਆ ਗਿਆ।