ਈਰਾਨ-ਇਜ਼ਰਾਈਲ ਟਕਰਾਅ: ਜੇਕਰ ਜੰਗ ਲੰਬੀ ਚੱਲੀ ਤਾਂ ਮਹਿੰਗੇ ਹੋਣਗੇ ਡ੍ਰਾਈ ਫਰੂਟਸ, ਆਉਣ ਵਾਲੇ ਦਿਨਾਂ 'ਚ ਬਾਜ਼ਾਰ 'ਤੇ ਪਵੇਗਾ ਅਸਰ

ਫੁਟਕਰ ਵਪਾਰੀਆਂ ਵਿੱਚ ਇਸ ਗੱਲ ਨੂੰ ਲੈ ਕੇ ਸ਼ੰਕਾ ਜ਼ਿਆਦਾ ਹੈ ਕਿ ਜੇਕਰ ਜੰਗ ਦੀ ਸਥਿਤੀ ਗੰਭੀਰ ਹੋਈ, ਤਾਂ ਵੱਡੇ ਥੋਕ ਵਪਾਰੀ ਮਾਲ ਨੂੰ ਹੋਲਡ ਕਰਨਾ ਸ਼ੁਰੂ ਕਰ ਸਕਦੇ ਹਨ। ਅਜਿਹੀ ਸਥਿਤੀ ਵਿੱਚ ਬਾਜ਼ਾਰ ਵਿੱਚ ਬਣਾਉਟੀ ਕਮੀ ਪੈਦਾ ਹੋਵੇਗੀ, ਜਿਸ ਨਾਲ ਪਿਸਤਾ ਅਤੇ ਬਦਾਮ ਵਰਗੀਆਂ ਪ੍ਰੀਮੀਅਮ ਵਸਤੂਆਂ ਦੀਆਂ ਕੀਮਤਾਂ ਅਸਮਾਨ ਨੂੰ ਛੂਹ ਸਕਦੀਆਂ ਹਨ।

"ਅਜੇ ਬਾਜ਼ਾਰ ਵਿੱਚ ਸ਼ਾਂਤੀ ਹੈ ਕਿਉਂਕਿ ਪੁਰਾਣਾ ਮਾਲ ਗੋਦਾਮਾਂ ਵਿੱਚ ਪਿਆ ਹੈ। ਪਰ ਡ੍ਰਾਈ ਫਰੂਟਸ ਦਾ ਵੱਡਾ ਹਿੱਸਾ ਖਾੜੀ ਦੇਸ਼ਾਂ ਤੋਂ ਅਤੇ ਉਸੇ ਰਸਤੇ ਰਾਹੀਂ ਭਾਰਤ ਆਉਂਦਾ ਹੈ। ਜੇਕਰ ਰਸਤਾ ਪ੍ਰਭਾਵਿਤ ਹੋਇਆ ਤਾਂ ਟ੍ਰਾਂਸਪੋਰਟੇਸ਼ਨ ਚਾਰਜ ਵਧੇਗਾ। ਆਉਣ ਵਾਲੇ ਹਫ਼ਤਿਆਂ ਵਿੱਚ ਥੋਕ ਦੀਆਂ ਕੀਮਤਾਂ ਵਧ ਸਕਦੀਾਂ ਹਨ, ਜਿਸ ਨਾਲ ਆਮ ਗਾਹਕਾਂ ਦੀ ਜੇਬ 'ਤੇ ਬੋਝ ਪਵੇਗਾ।"

— ਹਿਮਾਂਸ਼ੂ ਖੇਤਾਨ, ਡ੍ਰਾਈ ਫਰੂਟ ਵਿਕਰੇਤਾ

"ਇਜ਼ਰਾਈਲ-ਈਰਾਨ ਜੰਗ ਸਿਰਫ਼ ਦੋ ਦੇਸ਼ਾਂ ਦਾ ਮਾਮਲਾ ਨਹੀਂ ਹੈ, ਇਹ ਪੂਰੇ ਵਪਾਰਕ ਰਸਤੇ ਨੂੰ ਪ੍ਰਭਾਵਿਤ ਕਰਦਾ ਹੈ। ਫਿਲਹਾਲ ਸਾਡੇ ਕੋਲ ਸਪਲਾਈ ਆਮ ਵਾਂਗ ਹੈ, ਪਰ ਜੇਕਰ ਵੱਡੇ ਕੇਂਦਰਾਂ ਤੋਂ ਮਾਲ ਆਉਣਾ ਘੱਟ ਹੋਇਆ ਜਾਂ ਵੱਡੇ ਵਪਾਰੀਆਂ ਨੇ ਰੇਟ ਵਧਾਏ, ਤਾਂ ਸਾਨੂੰ ਵੀ ਦਾਮ ਵਧਾਉਣੇ ਪੈਣਗੇ। ਖਾਸ ਕਰਕੇ ਬਦਾਮ ਅਤੇ ਪਿਸਤਾ ਦੀਆਂ ਕੀਮਤਾਂ ਵਿੱਚ 10 ਤੋਂ 20 ਫ਼ੀਸਦੀ ਦੇ ਵਾਧੇ ਦੀ ਸੰਭਾਵਨਾ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ।"

— ਪ੍ਰਮੋਦ ਕੁਮਾਰ ਬਾਲੋਦੀਆ, ਡ੍ਰਾਈ ਫਰੂਟ ਵਿਕਰੇਤਾ