ਕਹਿਰ ਬਣ ਕੇ ਟੁੱਟੀ ਤੇਜ਼ ਰਫ਼ਤਾਰ : ਈਕੋ ਕਾਰ ਤੇ ਬੱਸ ਦੀ ਟੱਕਰ 'ਚ 6 ਦੀ ਮੌਤ ਤੇ 9 ਜ਼ਖ਼ਮੀ, ਕਾਰ ਦੇ ਉੱਡੇ ਪਰਖੱਚੇ

ਇਹ ਘਟਨਾ ਮੰਗਲਵਾਰ ਸਵੇਰ ਯਮੁਨਾ ਐਕਸਪ੍ਰੈਸਵੇਅ, ਮਾਈਲਸਟੋਨ 141, ਸਾਦਾਬਾਦ (ਹਾਥਰਸ) ਵਿੱਚ ਵਾਪਰੀ। ਮੁਢਲੀ ਜਾਂਚ ਅਨੁਸਾਰ, ਈਕੋ ਕਾਰ ਦੀ ਰਫਤਾਰ ਬਹੁਤ ਤੇਜ਼ ਸੀ। ਡਰਾਈਵਰ ਅੱਗੇ ਜਾ ਰਹੀ ਬੱਸ ਦਾ ਅੰਦਾਜ਼ਾ ਨਹੀਂ ਲਗਾ ਸਕਿਆ ਅਤੇ ਕਾਰ ਪਿੱਛੇ ਤੋਂ ਬੱਸ ਵਿੱਚ ਜਾ ਵੱਜੀ। ਟੱਕਰ ਇੰਨੀ ਜ਼ਬਰਦਸਤ ਸੀ ਕਿ ਕਾਰ ਦੇ ਪਰਖੱਚੇ ਉੱਡ ਗਏ। 6 ਲੋਕਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਹਾਦਸੇ ਤੋਂ ਬਾਅਦ ਜ਼ਖਮੀਆਂ ਨੂੰ ਤੁਰੰਤ ਹਸਪਤਾਲ ਦਾਖਲ ਕਰਵਾਇਆ ਗਿਆ। 3 ਜ਼ਖਮੀਆਂ ਦੀ ਹਾਲਤ ਗੰਭੀਰ ਹੋਣ ਕਾਰਨ ਉਨ੍ਹਾਂ ਨੂੰ ਆਗਰਾ ਰੈਫਰ ਕਰ ਦਿੱਤਾ ਗਿਆ ਹੈ।