ਪ੍ਰੇਮਿਕਾ ਦੀ ਹੈਵਾਨੀਅਤ : ਦੁੱਧ 'ਚ ਨਸ਼ਾ ਦੇ ਕੇ ਸੁੱਤੇ ਹੋਏ ਪ੍ਰੇਮੀ ਦਾ ਵੱਢਿਆ ਗੁਪਤ ਅੰਗ, ਇਲਾਕੇ 'ਚ ਦਹਿਸ਼ਤ

ਪੀੜਤ ਵਿਸਰਜੀਤ 24 ਫਰਵਰੀ ਨੂੰ ਦਿੱਲੀ ਆਇਆ ਸੀ ਅਤੇ ਵਜ਼ੀਰਾਬਾਦ ਦੇ ਸੰਗਮ ਵਿਹਾਰ ਇਲਾਕੇ ਵਿੱਚ ਆਪਣੀ ਦੋ ਸਾਲ ਪੁਰਾਣੀ ਜਾਣਕਾਰ ਅਮੀਨਾ ਖਾਤੂਨ ਕੋਲ ਰੁਕਿਆ ਸੀ। ਦੋਸ਼ ਹੈ ਕਿ ਰਾਤ ਵੇਲੇ ਔਰਤ ਨੇ ਵਿਸਰਜੀਤ ਨੂੰ ਦੁੱਧ ਵਿੱਚ ਕੋਈ ਨਸ਼ੀਲੀ ਚੀਜ਼ ਮਿਲਾ ਕੇ ਪਿਲਾ ਦਿੱਤੀ। ਜਦੋਂ ਉਹ ਗੂੜ੍ਹੀ ਨੀਂਦ ਵਿੱਚ ਸੀ ਤਾਂ ਰਾਤ ਦੇ ਕਰੀਬ 2:30 ਵਜੇ ਅਮੀਨਾ ਨੇ ਤੇਜ਼ਧਾਰ ਹਥਿਆਰ ਨਾਲ ਉਸ ਦੇ ਗੁਪਤ ਅੰਗ (Private Part) 'ਤੇ ਹਮਲਾ ਕਰਕੇ ਉਸ ਨੂੰ ਗੰਭੀਰ ਜ਼ਖ਼ਮੀ ਕਰ ਦਿੱਤਾ। ਜ਼ਖ਼ਮੀ ਹਾਲਤ ਵਿੱਚ ਵਿਸਰਜੀਤ ਨੇ ਰੌਲਾ ਪਾਇਆ ਅਤੇ ਖੁਦ ਹੀ ਹਸਪਤਾਲ ਪਹੁੰਚਿਆ। ਹਿੰਦੂ ਰਾਓ ਹਸਪਤਾਲ ਵਿੱਚ ਮੁਢਲੀ ਸਹਾਇਤਾ ਤੋਂ ਬਾਅਦ ਉਸ ਨੂੰ ਸਫਦਰਜੰਗ ਹਸਪਤਾਲ ਰੈਫਰ ਕਰ ਦਿੱਤਾ ਗਿਆ, ਜਿੱਥੇ ਉਸ ਦੀ ਸਰਜਰੀ ਹੋਈ ਹੈ।