ਹੈਵਾਨੀਅਤ ਦੀ ਹੱਦ ਪਾਰ : ਵਿਆਹ ਸਮਾਗਮ 'ਚੋਂ 2 ਸਾਲ ਦੀ ਮਾਸੂਮ ਅਗਵਾ, ਜਬਰ-ਜਨਾਹ ਦੀ ਕੋਸ਼ਿਸ਼

ਇਹ ਘਟਨਾ 19 ਫਰਵਰੀ ਦੀ ਰਾਤ ਕਰੀਬ 9 ਵਜੇ ਵਾਪਰੀ । ਪੀੜਤ ਪਰਿਵਾਰ ਇੱਕ ਵਿਆਹ ਸਮਾਗਮ ਵਿੱਚ ਸ਼ਾਮਲ ਹੋਣ ਆਇਆ ਸੀ। ਅਚਾਨਕ ਉਨ੍ਹਾਂ ਦੀ ਦੋ ਸਾਲ ਦੀ ਬੇਟੀ ਪੰਡਾਲ ਵਿੱਚੋਂ ਲਾਪਤਾ ਹੋ ਗਈ। ਪਰਿਵਾਰ ਵੱਲੋਂ ਕਾਫੀ ਭਾਲ ਕਰਨ ਤੋਂ ਬਾਅਦ ਬੱਚੀ ਦੇ ਮਾਮੇ ਨੇ ਨੇੜੇ ਹੀ ਇੱਕ ਬੰਦ ਪਏ ਪਲਾਟ ਵਿੱਚੋਂ ਬੱਚੀ ਦੇ ਰੋਣ ਦੀ ਆਵਾਜ਼ ਸੁਣੀ। ਜਦੋਂ ਪਿਤਾ ਅਤੇ ਮਾਮਾ ਕੰਧ ਟੱਪ ਕੇ ਅੰਦਰ ਗਏ ਤਾਂ ਉੱਥੇ ਬੱਚੀ ਬਹੁਤ ਬੁਰੀ ਤਰ੍ਹਾਂ ਰੋ ਰਹੀ ਸੀ ਅਤੇ ਉਸ ਕੋਲ ਸ਼ਹਿਜ਼ਾਦ ਨਾਮ ਦਾ ਇੱਕ ਨੌਜਵਾਨ ਮੌਜੂਦ ਸੀ।