- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਗੁੰਡਾਗਰਦੀ ਦੀਆਂ ਹੱਦਾਂ ਪਾਰ : ਸਪਾ 'ਚ ਵੜ ਕੇ ਮਹਿਲਾ ਨੂੰ ਘਸੀਟਿਆ, ਕੱਪੜੇ ਉਤਾਰੇ ਤੇ ਫਿਰ ਕੀਤਾ ਜਬਰ ਜਨਾਹ; ਇਲਾਕੇ 'ਚ ਭਾਰੀ ਦਹਿਸ਼ਤ।
1 ਫਰਵਰੀ ਨੂੰ ਦੁਪਹਿਰ ਕਰੀਬ 3:30 ਵਜੇ ਇਹ ਗੈਂਗ ਸਪਾ ਵਿੱਚ ਦਾਖਲ ਹੋਇਆ ਅਤੇ 50 ਹਜ਼ਾਰ ਰੁਪਏ ਦੀ ਮੰਗ ਕੀਤੀ। ਜਦੋਂ ਸਟਾਫ਼ ਨੇ ਪੈਸੇ ਦੇਣ ਤੋਂ ਮਨਾ ਕੀਤਾ ਤਾਂ ਸੁਬਿਨ ਅਤੇ ਉਸ ਦੇ ਸਾਥੀ ਜ਼ਬਰਦਸਤੀ ਅੰਦਰ ਵੜ ਗਏ ਅਤੇ ਮਹਿਲਾ ਮੁਲਾਜ਼ਮ ਨਾਲ ਕੁੱਟਮਾਰ ਕਰਨੀ ਸ਼ੁਰੂ ਕਰ ਦਿੱਤੀ।
Posted By alisha
Publish Date: Sat, 07 Feb 2026 03:07 PM (IST)
Updated Date: Sat, 07 Feb 2026 03:16 PM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ : ਕੇਰਲ ਦੇ ਤਿਰੂਵੱਲਾ ਵਿੱਚ ਇੱਕ ਸਪਾ ਮੁਲਾਜ਼ਮ ਨਾਲ ਕਥਿਤ ਤੌਰ 'ਤੇ ਗੈਂਗਰੇਪ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਦੋਸ਼ ਹੈ ਕਿ ਮਹਿਲਾ ਨੇ ਸੁਬਿਨ ਅਲੈਗਜ਼ੈਂਡਰ ਉਰਫ਼ 'ਮਰਾਨਾ ਸੁਬਿਨ' ਦੇ ਅਪਰਾਧਿਕ ਗੈਂਗ ਵੱਲੋਂ ਮੰਗੇ ਗਏ 'ਗੁੰਡਾ ਟੈਕਸ' (Extortion) ਨੂੰ ਦੇਣ ਤੋਂ ਮਨਾ ਕਰ ਦਿੱਤਾ ਸੀ, ਜਿਸ ਤੋਂ ਬਾਅਦ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ ਗਿਆ। ਪੁਲਿਸ ਨੇ ਸੁਬਿਨ ਅਤੇ ਉਸ ਦੇ ਦੋ ਸਾਥੀਆਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ, ਜਦਕਿ ਬਾਕੀ ਤਿੰਨ ਮੁਲਜ਼ਮਾਂ ਦੀ ਭਾਲ ਜਾਰੀ ਹੈ।
ਪੂਰਾ ਮਾਮਲਾ ਤੇ ਜ਼ਬਰਨ ਵਸੂਲੀ
ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਮੁਲਜ਼ਮਾਂ ਦਾ ਇਲਾਕੇ ਵਿੱਚ ਪੁਰਾਣਾ ਅਪਰਾਧਿਕ ਇਤਿਹਾਸ ਰਿਹਾ ਹੈ। ਉਹ ਤਿਰੂਵੱਲਾ ਦੇ ਮੰਜਾਡੀ ਸਥਿਤ 'ਲਕਸ ਲਿਊਮਿਨਰੀ ਵੈਲਨੈੱਸ ਸਪਾ' ਤੋਂ ਅਕਸਰ ਪੈਸਿਆਂ ਦੀ ਮੰਗ ਕਰਦੇ ਸਨ।
ਮਹਿਲਾ ਮੁਲਾਜ਼ਮ ਨਾਲ ਹੈਵਾਨੀਅਤ
1 ਫਰਵਰੀ ਨੂੰ ਦੁਪਹਿਰ ਕਰੀਬ 3:30 ਵਜੇ ਇਹ ਗੈਂਗ ਸਪਾ ਵਿੱਚ ਦਾਖਲ ਹੋਇਆ ਅਤੇ 50 ਹਜ਼ਾਰ ਰੁਪਏ ਦੀ ਮੰਗ ਕੀਤੀ। ਜਦੋਂ ਸਟਾਫ਼ ਨੇ ਪੈਸੇ ਦੇਣ ਤੋਂ ਮਨਾ ਕੀਤਾ ਤਾਂ ਸੁਬਿਨ ਅਤੇ ਉਸ ਦੇ ਸਾਥੀ ਜ਼ਬਰਦਸਤੀ ਅੰਦਰ ਵੜ ਗਏ ਅਤੇ ਮਹਿਲਾ ਮੁਲਾਜ਼ਮ ਨਾਲ ਕੁੱਟਮਾਰ ਕਰਨੀ ਸ਼ੁਰੂ ਕਰ ਦਿੱਤੀ।
ਐਫ.ਆਈ.ਆਰ. (FIR) ਮੁਤਾਬਕ, ਮੁੱਖ ਮੁਲਜ਼ਮ ਸੁਬਿਨ ਮਹਿਲਾ ਮੁਲਾਜ਼ਮ ਨੂੰ ਘਸੀਟ ਕੇ ਇੱਕ ਕਮਰੇ ਵਿੱਚ ਲੈ ਗਿਆ ਅਤੇ ਦਰਵਾਜ਼ਾ ਅੰਦਰੋਂ ਬੰਦ ਕਰ ਲਿਆ। ਉਸ ਨੇ ਮਹਿਲਾ ਦੀ ਗਰਦਨ 'ਤੇ ਚਾਕੂ ਰੱਖ ਕੇ ਉਸ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ, ਜ਼ਬਰਦਸਤੀ ਉਸ ਦੇ ਕੱਪੜੇ ਉਤਾਰੇ ਅਤੇ ਸਪਾ ਦੇ ਬੈੱਡ 'ਤੇ ਉਸ ਨਾਲ ਜਬਰ ਜਨਾਹ ਕੀਤਾ। ਇਸ ਦੌਰਾਨ ਮੁਲਜ਼ਮ ਨੇ ਸੈਲਫੀ ਵੀ ਰਿਕਾਰਡ ਕੀਤੀ ਅਤੇ ਮਹਿਲਾ ਦੇ ਚਿਹਰੇ ਤੇ ਸਰੀਰ 'ਤੇ ਹਮਲਾ ਕੀਤਾ।
ਗਾਹਕ ਨੂੰ ਵੀ ਬਣਾਇਆ ਨਿਸ਼ਾਨ
ਹੈਵਾਨੀਅਤ ਇੱਥੇ ਹੀ ਨਹੀਂ ਰੁਕੀ, ਗੈਂਗ ਨੇ ਇੱਕ ਗਾਹਕ ਨੂੰ ਵੀ ਅੰਦਰ ਬੁਲਾ ਲਿਆ ਅਤੇ ਪੀੜਤਾ ਤੇ ਗਾਹਕ ਦੋਵਾਂ ਨੂੰ ਇਕੱਠੇ ਲੇਟਣ ਲਈ ਮਜਬੂਰ ਕੀਤਾ। ਮੁਲਜ਼ਮਾਂ ਨੇ ਉਨ੍ਹਾਂ ਦੀਆਂ ਵੀਡੀਓਜ਼ ਵੀ ਰਿਕਾਰਡ ਕੀਤੀਆਂ ਅਤੇ ਗਾਹਕ ਨੂੰ ਵੀ ਪ੍ਰੇਸ਼ਾਨ ਕੀਤਾ।