India-EU FTA : ਕੱਪੜੇ, ਬੂਟ, ਗਹਿਣੇ ਸਭ ਕੁਝ ਹੋ ਜਾਵੇਗਾ ਇੰਨਾ ਸਸਤਾ, ਭਾਰਤ-EU FTA ਨਾਲ ਤੁਹਾਡੀ ਜ਼ਿੰਦਗੀ 'ਚ ਕੀ ਬਦਲ ਜਾਵੇਗਾ?

ਜਾਸ, ਨਵੀਂ ਦਿੱਲੀ : ਭਾਰਤ ਅਤੇ ਯੂਰਪੀ ਸੰਘ (EU) ਵਿਚਾਲੇ ਮੰਗਲਵਾਰ ਨੂੰ ਹੋਏ ਇਤਿਹਾਸਕ ਮੁਕਤ ਵਪਾਰ ਸਮਝੌਤੇ (FTA) ਨੂੰ ਭਾਰਤੀ ਉਦਯੋਗ ਜਗਤ ਨੇ ਇਸ ਨੂੰ 'ਗੇਮ-ਚੇਂਜਰ' ਕਰਾਰ ਦਿੱਤਾ ਹੈ। ਸੀਆਈਆਈ ਦੇ ਜਨਰਲ ਡਾਇਰੈਕਟਰ ਚੰਦਰਜੀਤ ਬੈਨਰਜੀ ਨੇ ਕਿਹਾ ਕਿ ਇਹ ਸਮਝੌਤਾ ਭਾਰਤ ਦੀ ਕੌਮਾਂਤਰੀ ਵਪਾਰਕ ਹਿੱਸੇਦਾਰੀ 'ਚ ਇਕ ਰਣਨੀਤਕ ਉਪਲੱਬਧੀ ਹੈ।

ਉਨ੍ਹਾਂ ਦੱਸਿਆ ਕਿ ਭਾਰਤੀ ਦਰਾਮਦਕਾਰਾਂ ਨੂੰ 99 ਫੀ਼ਸਦੀ ਤੋਂ ਵੱਧ ਉਤਪਾਦਾਂ 'ਤੇ ਅਦਭੁੱਤ ਪਹਿਲ ਪ੍ਰਾਪਤ ਹੋਵੇਗੀ, ਜਿਸ ਨਾਲ ਭਾਰਤੀ ਉਦਯੋਗ ਨੂੰ ਯੂਰਪ ਦੇ ਮਹਿੰਗੇ ਬਾਜ਼ਾਰ 'ਚ ਮੁਕਾਬਲੇਬਾਜ਼ੀ ਵਧਾਉਣ ਦਾ ਮੌਕਾ ਮਿਲੇਗਾ। ਬੈਨਰਜੀ ਨੇ ਕਿਹਾ ਕਿ ਇਸ ਨਾਲ ਨਿਵੇਸ਼, ਤਕਨੀਕੀ ਪ੍ਰਵਾਹ ਤੇ ਉਤਪਾਦਨ ਸਮਰੱਥਾ 'ਚ ਤੇਜ਼ੀ ਆਵੇਗੀ।

ਉਨ੍ਹਾਂ ਵਿਸ਼ੇਸ਼ ਤੌਰ 'ਤੇ ਕੱਪੜੇ ਤੇ ਪਹਿਰਾਵਾ, ਚਮੜਾ ਤੇ ਬੂਟ, ਰਤਨ ਤੇ ਗਹਿਣੇ, ਸਮੁੰਦਰੀ ਉਤਪਾਦ, ਇੰਜੀਨੀਅਰਿੰਗ ਸਾਮਾਨ, ਆਟੋਮਬਾਈਲ, ਖੇਤਰੀ ਤੇ ਖੁਰਾਕ ਸਪਲਾਈ, ਆਈਟੀ ਤੇ ਪ੍ਰੋਫੈਸ਼ਨਲ ਸੇਵਾਵਾਂ ਵਰਗੇ ਖੇਤਰਾਂ ਨੂੰ ਲਾਭ ਮਿਲਣ ਦੀ ਗੱਲ ਆਖੀ। ਇਹ ਸਮਝੌਤਾ ਕਿਰਤ-ਪ੍ਰਧਾਨ ਖੇਤਰਾਂ ਅਤੇ ਐੱਮਐੱਸਐੱਮਈ ਲਈ ਠੋਕ ਲਾਭ ਦੇਵੇਗਾ ਅਤੇ ਭਾਰਤੀ ਪ੍ਰਤਿਭਾ ਲਈ ਭਵਿੱਖ-ਮੁਖੀ ਗਤੀਸ਼ੀਲਤਾ ਢਾਂਚਾ ਤਿਆਰ ਕਰੇਗਾ।

ਫਿੱਕੀ ਦੇ ਚੇਅਰਮੈਨ ਅਨੰਦ ਗੋਇਨਕਾ ਨੇ ਵੀ ਇਸ ਸਮਝੌਤੇ ਨੂੰ ਇੱਕ ਵੱਡੀ ਉਪਲੱਬਧੀ ਦੱਸਿਆ ਤਅੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ 'ਚ ਹੋਇਆ ਇਹ ਸਮਝੌਤਾ ਭਾਰਤ ਦੇ ਹਾਲੀਆ ਐੱਫਈਏ ਸਮਝੌਤਿਆਂ 'ਚ ਸਭ ਤੋਂ ਵੱਡਾ ਅਤੇ ਸੰਭਾਵਨਾਵਾਂ ਨਾਲ ਭਰਿਆ ਹੋਇਆ ਹੈ।

ਗੋਇਨਕਾ ਨੇ ਕਿਹਾ ਕਿ ਯੂਰਪੀ ਸੰਘ ਭਾਰਤ ਲਈ ਸਭ ਤੋਂ ਵੱਡਾ ਅਤੇ ਉੱਚ ਸਮਰੱਥਾ ਵਾਲਾ ਬਾਜ਼ਾਰ ਹੈ, ਜਿੱਥੇ ਇਹ ਸਮਝੌਤਾ ਨਵੇਂ ਵਪਾਰ ਅਤੇ ਨਿਵੇਸ਼ ਦੇ ਮੌਕੇ ਖੋਲ੍ਹੇਗਾ। ਉਨ੍ਹਾਂ ਅਨੁਸਾਰ, ਇਸ ਨਾਲ ਮੁੜ-ਨਿਰਮਾਣ ਅਤੇ ਮਹਿੰਗੇ ਖੇਤਰਾਂ 'ਚ ਭਾਰਤੀ ਬਰਾਮਦ ਮੁਕਾਬਲੇਬਾਜ਼ੀ ਨੂੰ ਮਜ਼ਬੂਤੀ ਮਿਲੇਗੀ ਅਤੇ ਮੁੱਲ ਲੜੀ 'ਚ ਡੂੰਘੀ ਇਕਹਿਰੀ ਹਿੱਸੇਦਾਰੀ ਸੰਭਵ ਹੋਵੇਗੀ।

ਫਿੱਕੀ ਦਾ ਮੰਨਣਾ ਹੈ ਕਿ ਇਹ ਐੱਫਟੀਏ ਭਾਰਤ ਨੂੰ ਸੰਨ 2047 ਤੱਕ ਵਿਕਸਿਤ ਭਾਰਤ ਬਣਾਉਣ ਦੇ ਸੁਪਨਿਆਂ ਨੂੰ ਸਾਕਾਰ ਕਰਨ ਦੀ ਦਿਸ਼ਾ 'ਚ ਇੱਕ ਮਹੱਤਵਪੂਰਨ ਕਦਮ ਹੈ, ਜੋ ਲੰਮੇ ਸਮੇਂ ਅਤੇ ਸਮੁੱਚੇ ਵਿਕਾਸ ਨੂੰ ਰਫ਼ਤਾਰ ਦੇਵੇਗਾ।