- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਥਲਾਪਤੀ ਵਿਜੇ ਨੂੰ ਵੱਡਾ ਝਟਕਾ ! 'ਜਨ ਨਾਇਕਨ' ਦਾ ਸੈਂਸਰ ਸਰਟੀਫਿਕੇਟ ਰੱਦ, ਫਿਰ ਟਲੀ ਰਿਲੀਜ਼ ਡੇਟ
ਚੀਫ਼ ਜਸਟਿਸ ਐਮ.ਐਮ. ਸ੍ਰੀਵਾਸਤਵ ਅਤੇ ਜਸਟਿਸ ਜੀ. ਅਰੁਲ ਮੁਰੂਗਨ ਦੀ ਬੈਂਚ ਨੇ ਸਿੰਗਲ ਜੱਜ ਜਸਟਿਸ ਪੀ.ਟੀ. ਆਸ਼ਾ ਦੇ ਉਸ ਫੈਸਲੇ ਨੂੰ ਰੱਦ ਕਰ ਦਿੱਤਾ ਹੈ, ਜਿਸ ਵਿੱਚ ਸੈਂਸਰ ਬੋਰਡ (CBFC) ਨੂੰ ਤੁਰੰਤ ਸਰਟੀਫਿਕੇਟ ਜਾਰੀ ਕਰਨ ਦਾ ਹੁਕਮ ਦਿੱਤਾ ਗਿਆ ਸੀ
Posted By alisha
Publish Date: Tue, 27 Jan 2026 12:25 PM (IST)
Updated Date: Tue, 27 Jan 2026 12:35 PM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ : ਮਦਰਾਸ ਹਾਈ ਕੋਰਟ ਨੇ ਅੱਜ ਮੰਗਲਵਾਰ 27 ਜਨਵਰੀ ਨੂੰ ਸੁਪਰਸਟਾਰ ਥਲਾਪਤੀ ਵਿਜੇ ਦੀ ਚਰਚਿਤ ਫ਼ਿਲਮ 'ਜਨ ਨਾਇਕਨ' ਨੂੰ ਮਿਲੇ ਸੈਂਸਰ ਸਰਟੀਫਿਕੇਟ ਨੂੰ ਰੱਦ ਕਰ ਦਿੱਤਾ ਹੈ। ਇਸ ਫੈਸਲੇ ਨਾਲ ਫ਼ਿਲਮ ਦੀ ਰਿਲੀਜ਼ 'ਤੇ ਇੱਕ ਵਾਰ ਫਿਰ ਸੰਕਟ ਦੇ ਬੱਦਲ ਛਾ ਗਏ ਹਨ।
ਹਾਈ ਕੋਰਟ ਨੇ ਪਲਟਿਆ ਪੁਰਾਣਾ ਫੈਸਲਾ
ਚੀਫ਼ ਜਸਟਿਸ ਐਮ.ਐਮ. ਸ੍ਰੀਵਾਸਤਵ ਅਤੇ ਜਸਟਿਸ ਜੀ. ਅਰੁਲ ਮੁਰੂਗਨ ਦੀ ਬੈਂਚ ਨੇ ਸਿੰਗਲ ਜੱਜ ਜਸਟਿਸ ਪੀ.ਟੀ. ਆਸ਼ਾ ਦੇ ਉਸ ਫੈਸਲੇ ਨੂੰ ਰੱਦ ਕਰ ਦਿੱਤਾ ਹੈ, ਜਿਸ ਵਿੱਚ ਸੈਂਸਰ ਬੋਰਡ (CBFC) ਨੂੰ ਤੁਰੰਤ ਸਰਟੀਫਿਕੇਟ ਜਾਰੀ ਕਰਨ ਦਾ ਹੁਕਮ ਦਿੱਤਾ ਗਿਆ ਸੀ। ਅਦਾਲਤ ਨੇ ਕਿਹਾ ਕਿ CBFC ਨੂੰ ਆਪਣਾ ਪੱਖ ਰੱਖਣ ਲਈ ਪੂਰਾ ਸਮਾਂ ਮਿਲਣਾ ਚਾਹੀਦਾ ਸੀ।
ਹੁਣ ਕੀ ਹੋਵੇਗਾ
ਅਦਾਲਤ ਨੇ ਫ਼ਿਲਮ ਦੇ ਪ੍ਰੋਡਿਊਸਰ (KVN ਪ੍ਰੋਡਕਸ਼ਨ) ਨੂੰ ਇਸ ਮਾਮਲੇ ਦੇ ਜਲਦੀ ਨਿਪਟਾਰੇ ਲਈ ਦੁਬਾਰਾ ਸਿੰਗਲ ਜੱਜ ਕੋਲ ਜਾਣ ਦੀ ਇਜਾਜ਼ਤ ਦਿੱਤੀ ਹੈ। ਹੁਣ ਇਹ ਸਿੰਗਲ ਜੱਜ ਤੈਅ ਕਰਨਗੇ ਕਿ ਮਾਮਲੇ ਨੂੰ ਰਿਵਿਊ ਕਮੇਟੀ ਕੋਲ ਭੇਜਣਾ ਸਹੀ ਹੈ ਜਾਂ ਨਹੀਂ।
ਪ੍ਰਸ਼ੰਸਕਾਂ ਦੀ ਹੋਰ ਵਧੀ ਉਡੀਕ
'ਜਨ ਨਾਇਕਨ' ਪਹਿਲਾਂ ਇਸ ਮਹੀਨੇ ਪੋਂਗਲ ਦੇ ਮੌਕੇ ਰਿਲੀਜ਼ ਹੋਣੀ ਸੀ ਪਰ ਸੈਂਸਰ ਬੋਰਡ ਦੇ ਵਿਵਾਦ ਕਾਰਨ ਇਸ ਦੀ ਤਰੀਕ ਲਗਾਤਾਰ ਅੱਗੇ ਵਧ ਰਹੀ ਹੈ।
ਕੀ ਇਹ ਹੈ ਵਿਜੇ ਦੀ ਆਖਰੀ ਫ਼ਿਲਮ
ਸੋਸ਼ਲ ਮੀਡੀਆ 'ਤੇ ਚਰਚਾ ਹੈ ਕਿ 'ਜਨ ਨਾਇਕਨ' ਥਲਾਪਤੀ ਵਿਜੇ ਦੀ ਆਖਰੀ ਫ਼ਿਲਮ ਹੋ ਸਕਦੀ ਹੈ। ਖ਼ਬਰਾਂ ਮੁਤਾਬਕ ਇਸ ਫ਼ਿਲਮ ਤੋਂ ਬਾਅਦ ਵਿਜੇ ਫ਼ਿਲਮੀ ਦੁਨੀਆ ਨੂੰ ਅਲਵਿਦਾ ਕਹਿ ਕੇ ਪੂਰੀ ਤਰ੍ਹਾਂ ਰਾਜਨੀਤੀ ਵਿੱਚ ਸਰਗਰਮ ਹੋ ਸਕਦੇ ਹਨ। ਇਹੀ ਕਾਰਨ ਹੈ ਕਿ ਪ੍ਰਸ਼ੰਸਕ ਇਸ ਫ਼ਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।