ਭਗਵੰਤ ਮਾਨ ਦਾ PM ਖ਼ਿਲਾਫ਼ ਬਿਆਨ, ਮੰਚ 'ਤੇ ਮੌਜੂਦ ਸਨ ਬਾਲਿਆਨ... BJP ਹਾਈਕਮਾਂਡ ਵੱਲੋਂ ਜਵਾਬ ਮੰਗਣ ਦੀ ਹੋਣ ਲੱਗੀ ਚਰਚਾ

ਦੱਸ ਦੇਈਏ ਕਿ ਬੀਤੀ 29 ਮਾਰਚ ਨੂੰ ਅੰਤਰਰਾਸ਼ਟਰੀ ਜਾਟ ਸੰਸਦ ਨੇ ਮੇਰਠ ਦੇ ਸਕੌਤੀ ਵਿੱਚ ਮਹਾਰਾਜਾ ਸੂਰਜਮਲ ਦੀ ਪ੍ਰਤਿਮਾ ਦੇ ਘੁੰਡ-ਚੁਕਾਈ ਦਾ ਪ੍ਰੋਗਰਾਮ ਉਲੀਕਿਆ ਸੀ। ਇਸ ਵਿੱਚ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੂੰ ਮੁੱਖ ਮਹਿਮਾਨ ਵਜੋਂ ਬੁਲਾਇਆ ਗਿਆ ਸੀ। ਸੀਐਮ ਭਗਵੰਤ ਮਾਨ ਨੇ ਮਹਿੰਗਾਈ ਸਮੇਤ ਕਈ ਮੁੱਦਿਆਂ 'ਤੇ ਕੇਂਦਰ ਸਰਕਾਰ ਦੀ ਆਲੋਚਨਾ ਕੀਤੀ ਅਤੇ ਤੰਜ ਕਸਦਿਆਂ ਕਿਹਾ ਕਿ ਭਾਰਤ ਨੂੰ ਵਿਸ਼ਵਗੁਰੂ ਬਣਾਉਣ ਦੀਆਂ ਗੱਲਾਂ ਕਰਦੇ ਸਨ, ਪਰ ਪ੍ਰਧਾਨ ਮੰਤਰੀ ਨੇ ਦੇਸ਼ ਨੂੰ 'ਵਿਸ਼ਵਚੇਲਾ' ਬਣਾ ਦਿੱਤਾ ਹੈ।

ਬਾਲਿਆਨ ਨੂੰ ਮਾਨ ਦੀ ਸਿੱਧੀ ਚੁਣੌਤੀ

ਉਹ ਇੱਥੇ ਹੀ ਨਹੀਂ ਰੁਕੇ, ਸਗੋਂ ਉਨ੍ਹਾਂ ਕਿਹਾ ਕਿ ਮੰਚ 'ਤੇ ਸਾਬਕਾ ਮੰਤਰੀ ਸੰਜੀਵ ਬਾਲਿਆਨ ਮੌਜੂਦ ਹਨ, ਉਹ ਆਪਣੇ ਕੰਨ ਬੰਦ ਕਰ ਲੈਣ ਕਿਉਂਕਿ ਮੈਂ ਉਨ੍ਹਾਂ ਦੀ ਪਾਰਟੀ ਦੇ ਖਿਲਾਫ ਬੋਲ ਰਿਹਾ ਹਾਂ। ਉਨ੍ਹਾਂ ਅੱਗੇ ਕਿਹਾ, "ਇਹ ਤਾਂ ਸਮਾਜ ਦਾ ਪ੍ਰੋਗਰਾਮ ਹੈ, ਹੁਣ ਤਾਂ ਤੁਹਾਨੂੰ ਵੀ ਖੁੱਲ੍ਹ ਕੇ ਬੋਲ ਦੇਣਾ ਚਾਹੀਦਾ ਹੈ।"

ਹਨੂੰਮਾਨ ਬੇਨੀਵਾਲ ਦਾ ਯੋਗੀ ਸਰਕਾਰ 'ਤੇ ਨਿਸ਼ਾਨਾ

ਇਸੇ ਦੌਰਾਨ, ਪ੍ਰਤਿਮਾ ਦੇ ਸ਼ਿਲਾਲੇਖ ਤੋਂ 'ਜਾਟ' ਸ਼ਬਦ ਹਟਾਏ ਜਾਣ ਨੂੰ ਲੈ ਕੇ ਰਾਸ਼ਟਰੀ ਲੋਕਤੰਤਰਿਕ ਪਾਰਟੀ ਦੇ ਪ੍ਰਧਾਨ ਅਤੇ ਸੰਸਦ ਮੈਂਬਰ ਹਨੂੰਮਾਨ ਬੇਨੀਵਾਲ ਨੇ ਵੀ ਟਿੱਪਣੀ ਕੀਤੀ। ਉਨ੍ਹਾਂ ਕਿਹਾ ਕਿ ਪੁਲਿਸ ਨੇ ਜਾਟ ਸ਼ਬਦ ਹਟਵਾ ਦਿੱਤਾ, ਬਾਲਿਆਨ ਜੀ ਖੁਦ ਗੱਲ ਕਰ ਲੈਣਗੇ, ਨਹੀਂ ਤਾਂ ਜਾਟ ਯੋਗੀ ਜੀ ਨੂੰ ਹੀ ਹਟਵਾ ਦੇਣਗੇ।