- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਬਾਬਾ ਕੇਦਾਰ ਦੇ ਦਰਸ਼ਨ ਹੋਣਗੇ ਹੁਣ ਹੋਰ ਵੀ ਸੌਖੇ, ਹੈਲੀਕਾਪਟਰ ਦੀ ਬੁਕਿੰਗ ਅੱਜ ਤੋਂ ਸ਼ੁਰੂ, ਜਾਣੋ ਕਿਰਾਇਆ ਤੇ ਬੁਕਿੰਗ ਦਾ ਪੂਰਾ ਤਰੀਕਾ
ਉਤਰਾਖੰਡ ਦੀ ਵਿਸ਼ਵ ਪ੍ਰਸਿੱਧ 'ਚਾਰ ਧਾਮ ਯਾਤਰਾ' ਦਾ ਬਿਗੁਲ ਵੱਜ ਚੁੱਕਾ ਹੈ। ਦੇਸ਼-ਦੁਨੀਆ ਦੇ ਸ਼ਰਧਾਲੂਆਂ ਦਾ ਲੰਬਾ ਇੰਤਜ਼ਾਰ ਹੁਣ ਖ਼ਤਮ ਹੋਣ ਜਾ ਰਿਹਾ ਹੈ ਕਿਉਂਕਿ 19 ਅਪ੍ਰੈਲ ਤੋਂ ਇਸ ਪਵਿੱਤਰ ਯਾਤਰਾ ਦਾ ਸ਼ੁਭਾਰੰਭ ਹੋ ਰਿਹਾ ਹੈ। ਜੇਕਰ ਤੁਸੀਂ ਵੀ ਇਸ ਸਾਲ ਬਾਬਾ ਕੇਦਾਰਨਾਥ ਦੇ ਦਰਸ਼ਨਾਂ ਲਈ ਹੈਲੀਕਾਪਟਰ ਰਾਹੀਂ ਜਾਣਾ ਚਾਹੁੰਦੇ ਹੋ ਤਾਂ ਇਹ ਖ਼ਬਰ ਤੁਹਾਡੇ ਲਈ ਬਹੁਤ ਮਹੱਤਵਪੂਰਨ ਹੈ।
Posted By alisha
Publish Date: Sat, 11 Apr 2026 02:49 PM (IST)
Updated Date: Sat, 11 Apr 2026 02:55 PM (IST)
ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ : ਉਤਰਾਖੰਡ ਦੀ ਵਿਸ਼ਵ ਪ੍ਰਸਿੱਧ 'ਚਾਰ ਧਾਮ ਯਾਤਰਾ' ਦਾ ਬਿਗੁਲ ਵੱਜ ਚੁੱਕਾ ਹੈ। ਦੇਸ਼-ਦੁਨੀਆ ਦੇ ਸ਼ਰਧਾਲੂਆਂ ਦਾ ਲੰਬਾ ਇੰਤਜ਼ਾਰ ਹੁਣ ਖ਼ਤਮ ਹੋਣ ਜਾ ਰਿਹਾ ਹੈ ਕਿਉਂਕਿ 19 ਅਪ੍ਰੈਲ ਤੋਂ ਇਸ ਪਵਿੱਤਰ ਯਾਤਰਾ ਦਾ ਸ਼ੁਭਾਰੰਭ ਹੋ ਰਿਹਾ ਹੈ। ਜੇਕਰ ਤੁਸੀਂ ਵੀ ਇਸ ਸਾਲ ਬਾਬਾ ਕੇਦਾਰਨਾਥ ਦੇ ਦਰਸ਼ਨਾਂ ਲਈ ਹੈਲੀਕਾਪਟਰ ਰਾਹੀਂ ਜਾਣਾ ਚਾਹੁੰਦੇ ਹੋ ਤਾਂ ਇਹ ਖ਼ਬਰ ਤੁਹਾਡੇ ਲਈ ਬਹੁਤ ਮਹੱਤਵਪੂਰਨ ਹੈ।
ਕਦੋਂ ਖੁੱਲ੍ਹਣਗੇ ਕਿਹੜੇ ਧਾਮ ਦੇ ਕਪਾਟ
19 ਅਪ੍ਰੈਲ: ਯਮੁਨੋਤਰੀ ਅਤੇ ਗੰਗੋਤਰੀ ਧਾਮ।
22 ਅਪ੍ਰੈਲ: ਕੇਦਾਰਨਾਥ ਧਾਮ।
23 ਅਪ੍ਰੈਲ: ਬਦਰੀਨਾਥ ਧਾਮ।
23 ਮਈ: ਹੇਮਕੁੰਟ ਸਾਹਿਬ।
ਬੁਕਿੰਗ ਕਦੋਂ ਤੇ ਕਿੱਥੇ ਹੋਵੇਗੀ
ਕੇਦਾਰਨਾਥ ਲਈ ਹੈਲੀਕਾਪਟਰ ਟਿਕਟਾਂ ਦੀ ਆਨਲਾਈਨ ਬੁਕਿੰਗ 11 ਅਪ੍ਰੈਲ 2026 (ਅੱਜ) ਸ਼ਾਮ 6 ਵਜੇ ਤੋਂ ਸ਼ੁਰੂ ਹੋ ਜਾਵੇਗੀ।
ਆਧਿਕਾਰਿਤ ਵੈੱਬਸਾਈਟ: ਬੁਕਿੰਗ ਸਿਰਫ਼ IRCTC ਦੀ ਅਧਿਕਾਰਤ ਵੈੱਬਸਾਈਟ heliyatra.irctc.co.in ਰਾਹੀਂ ਹੀ ਕੀਤੀ ਜਾ ਸਕਦੀ ਹੈ।
ਯਾਤਰਾ ਦਾ ਸਮਾਂ: ਮੌਜੂਦਾ ਬੁਕਿੰਗ 22 ਅਪ੍ਰੈਲ ਤੋਂ 11 ਮਈ ਦੇ ਵਿਚਕਾਰ ਯਾਤਰਾ ਕਰਨ ਵਾਲੇ ਸ਼ਰਧਾਲੂਆਂ ਲਈ ਹੋਵੇਗੀ।
ਹੈਲੀਕਾਪਟਰ ਦਾ ਅਨੁਮਾਨਿਤ ਕਿਰਾਇਆ (ਆਉਣ-ਜਾਣ ਦਾ)
ਯਾਤਰੀ ਤਿੰਨ ਮੁੱਖ ਥਾਵਾਂ ਤੋਂ ਹੈਲੀਕਾਪਟਰ ਸੇਵਾ ਦਾ ਲਾਭ ਲੈ ਸਕਦੇ ਹਨ।
ਸਿਰਸੀ ਰੂਟ: ਲਗਪਗ ₹6,390
ਫਾਟਾ ਰੂਟ: ਲਗਪਗ ₹10,164
ਗੁਪਤਕਾਸ਼ੀ ਰੂਟ: ਲਗਪਗ ₹12,762
ਬੁਕਿੰਗ ਲਈ ਜ਼ਰੂਰੀ ਨਿਯਮ
ਰਜਿਸਟ੍ਰੇਸ਼ਨ ਲਾਜ਼ਮੀ: ਟਿਕਟ ਬੁੱਕ ਕਰਨ ਤੋਂ ਪਹਿਲਾਂ ਉਤਰਾਖੰਡ ਟੂਰਿਜ਼ਮ ਦੇ ਪੋਰਟਲ 'ਤੇ 'ਚਾਰ ਧਾਮ ਯਾਤਰਾ ਰਜਿਸਟ੍ਰੇਸ਼ਨ' ਕਰਵਾਉਣੀ ਲਾਜ਼ਮੀ ਹੈ।
ਸੀਟਾਂ ਦੀ ਸੀਮਾ: ਇੱਕ ਯੂਜ਼ਰ ਆਈਡੀ ਤੋਂ ਵੱਧ ਤੋਂ ਵੱਧ 6 ਟਿਕਟਾਂ ਬੁੱਕ ਕੀਤੀਆਂ ਜਾ ਸਕਦੀਆਂ ਹਨ।
ਰਿਫੰਡ ਸਹੂਲਤ: ਜੇਕਰ ਕਿਸੇ ਕਾਰਨ ਟਿਕਟ ਕੈਂਸਲ ਹੁੰਦੀ ਹੈ ਤਾਂ 5 ਤੋਂ 7 ਦਿਨਾਂ ਦੇ ਅੰਦਰ ਪੈਸੇ ਵਾਪਸ ਖਾਤੇ ਵਿੱਚ ਆ ਜਾਣਗੇ।
ਸਾਈਬਰ ਠੱਗਾਂ ਤੋਂ ਸਾਵਧਾਨ
ਭਾਰੀ ਮੰਗ ਕਾਰਨ ਠੱਗ ਨਕਲੀ ਵੈੱਬਸਾਈਟਾਂ ਬਣਾ ਕੇ ਸ਼ਰਧਾਲੂਆਂ ਨੂੰ ਲੁੱਟਣ ਦੀ ਕੋਸ਼ਿਸ਼ ਕਰਦੇ ਹਨ। ਉਤਰਾਖੰਡ ਪੁਲਿਸ ਨੇ ਸਲਾਹ ਦਿੱਤੀ ਹੈ ਕਿ ਵਟ੍ਹਸਐਪ ਜਾਂ ਸੋਸ਼ਲ ਮੀਡੀਆ 'ਤੇ 'ਸਸਤੀ ਟਿਕਟ' ਦੇ ਲਾਲਚ ਵਿੱਚ ਨਾ ਆਓ। ਸਿਰਫ਼ IRCTC ਦੀ ਅਧਿਕਾਰਤ ਵੈੱਬਸਾਈਟ ਦੀ ਹੀ ਵਰਤੋਂ ਕਰੋ।