ਹਵਾਈ ਸਫ਼ਰ ਬਣਿਆ 'ਸਜ਼ਾ': 30 ਘੰਟੇ ਦੀ ਖੱਜਲ-ਖੁਆਰੀ ਤੋਂ ਬਾਅਦ ਵੀ ਨੇਪਾਲ 'ਚ ਨਹੀਂ ਉਤਰ ਸਕਿਆ ਜਹਾਜ਼; ਏਅਰ ਇੰਡੀਆ ਐਕਸਪ੍ਰੈੱਸ ਵਿਰੁੱਧ ਫੁੱਟਿਆ ਗੁੱਸਾ

ਮੁਸਾਫ਼ਰਾਂ ਮੁਤਾਬਕ, ਵੀਰਵਾਰ ਸਵੇਰੇ 10:30 ਵਜੇ ਹਵਾਈ ਜਹਾਜ਼ ਬੈਂਗਲੁਰੂ ਤੋਂ ਕਾਠਮੰਡੂ ਲਈ ਰਵਾਨਾ ਹੋਇਆ। ਹਾਲਾਂਕਿ ਕਾਠਮੰਡੂ ਵਿਚ ਉਤਰਣ ਤੋਂ ਬਿਨਾਂ ਹੀ ਵਾਪਸ ਆ ਗਿਆ ਅਤੇ ਇਸ ਦੇ ਪਿੱਛੇ ਦਾ ਕਾਰਨ ਮੁਸਾਫ਼ਰਾਂ ਨੂੰ ਸਾਫ਼ ਤੌਰ ’ਤੇ ਨਹੀਂ ਦੱਸਿਆ ਗਿਆ। ਹਵਾਈ ਜਹਾਜ਼ ਨੇ ਸ਼ੁੱਕਰਵਾਰ ਸਵੇਰੇ ਦੁਬਾਰਾ ਉਡਾਣ ਭਰੀ ਪਰ ਫਿਰ ਵੀ ਉਹ ਕਾਠਮੰਡੂ ਵਿਚ ਉਤਰਣ ਵਿਚ ਨਾਕਾਮ ਰਿਹਾ। ਇਸ ਨੂੰ ਲਖਨਊ ਵੱਲ ਮੋੜ ਦਿੱਤਾ ਗਿਆ। ਦਾਅਵਾ ਕੀਤਾ ਗਿਆ ਹੈ ਕਿ ਲਖਨਊ ਵਿਚ ਉਤਰਣ ਤੋਂ ਬਾਅਦ ਉਨ੍ਹਾਂ ਨੂੰ ਕਈ ਘੰਟੇ ਹਵਾਈ ਜਹਾਜ਼ ਦੇ ਅੰਦਰ ਹੀ ਬੈਠੇ ਰਹਿਣਾ ਪਿਆ। ਲੰਬੇ ਇੰਤਜ਼ਾਰ ਅਤੇ ਥਕਾਵਟ ਤੋਂ ਬਾਅਦ ਮੁਸਾਫ਼ਰਾਂ ਨੇ ਹਵਾਈ ਜਹਾਜ਼ ਦੇ ਅੰਦਰ ਪ੍ਰਦਰਸ਼ਨ ਕੀਤਾ ਜਿਸ ਕਾਰਨ ਏਅਰਲਾਈਨ ਨੂੰ ਉਨ੍ਹਾਂ ਨੂੰ ਮੁੜ ਬੈਂਗਲੁਰੂ ਲਿਜਾਣਾ ਪਿਆ।