ਵੈਸ਼ਣੋ ਦੇਵੀ ਧਾਮ 'ਤੇ ਟਲਿਆ ਵੱਡਾ ਹਾਦਸਾ, ਹੈਲੀਕਾਪਟਰ ਨਾਲ ਟਕਰਾਇਆ ਪੰਛੀ; ਸ਼ਰਧਾਲੂਆਂ ਦੀ ਵਾਲ-ਬਾਲ ਬਚੀ ਜਾਨ

ਜਾਣਕਾਰੀ ਅਨੁਸਾਰ, ਨਿਯਮਤ ਉਡਾਣ ਦੌਰਾਨ ਸ਼ੁੱਕਰਵਾਰ ਦੁਪਹਿਰ ਕਰੀਬ 2:15 ਵਜੇ 'ਗਲੋਬਲ ਵਿਟਰਾ' ਕੰਪਨੀ ਦਾ ਹੈਲੀਕਾਪਟਰ (ਫਲਾਈਟ ਨੰਬਰ 33) ਸ਼ਰਧਾਲੂਆਂ ਨੂੰ ਲੈ ਕੇ ਸਾਂਝੀਛਤ ਤੋਂ ਕਟੜਾ ਲਈ ਰਵਾਨਾ ਹੋਇਆ ਸੀ। ਕਟੜਾ ਦੇ ਨੇੜੇ ਅਚਾਨਕ ਇੱਕ ਪੰਛੀ ਹੈਲੀਕਾਪਟਰ ਦੇ ਅਗਲੇ ਹਿੱਸੇ ਨਾਲ ਟਕਰਾ ਗਿਆ। ਸਥਿਤੀ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਪਾਇਲਟ ਨੇ ਹੈਲੀਕਾਪਟਰ ਨੂੰ ਸੁਰੱਖਿਅਤ ਰੂਪ ਵਿੱਚ ਕਟੜਾ ਹੈਲੀਪੈਡ 'ਤੇ ਉਤਾਰਿਆ। ਹੈਲੀਕਾਪਟਰ ਵਿੱਚ ਸਵਾਰ ਸਾਰੇ ਸ਼ਰਧਾਲੂ ਪੂਰੀ ਤਰ੍ਹਾਂ ਸੁਰੱਖਿਅਤ ਹਨ। ਸ਼ਰਧਾਲੂਆਂ ਨੇ ਪਾਇਲਟ ਦੀ ਸ਼ਲਾਘਾ ਕੀਤੀ ਅਤੇ ਮਾਂ ਵੈਸ਼ਣੋ ਦਾ ਸ਼ੁਕਰਾਨਾ ਕੀਤਾ। ਹੈਲੀਕਾਪਟਰ ਨੂੰ ਜਾਂਚ ਲਈ ਖੜ੍ਹਾ ਕਰ ਦਿੱਤਾ ਗਿਆ ਹੈ, ਜਦਕਿ ਹੋਰ ਉਡਾਣਾਂ ਆਮ ਵਾਂਗ ਜਾਰੀ ਰਹੀਆਂ।