ਦਰਿੰਦਗੀ ਦੀ ਹੱਦ: 2 ਸਾਲਾ ਮਾਸੂਮ ਨਾਲ ਜਬਰ-ਜਨਾਹ ਤੋਂ ਬਾਅਦ ਹੱਤਿਆ, ਦੋ ਨਾਬਾਲਗਾਂ ਨੇ ਕੀਤੀ ਹੈਵਾਨੀਅਤ

ਜਦੋਂ ਮਾਸੂਮ ਬੱਚੀ ਨੇ ਚੀਕਣਾ ਸ਼ੁਰੂ ਕੀਤਾ, ਤਾਂ ਦੋਸ਼ੀਆਂ ਨੇ ਉਸ ਦਾ ਮੂੰਹ ਕੱਪੜੇ ਨਾਲ ਦਬਾ ਦਿੱਤਾ, ਜਿਸ ਕਾਰਨ ਸਾਹ ਰੁਕਣ ਕਰਕੇ ਉਸ ਦੀ ਮੌਤ ਹੋ ਗਈ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਲਾਸ਼ ਨੂੰ ਸਕੂਲ ਦੇ ਪਿੱਛੇ ਪੇਂਡੂ ਸੜਕ 'ਤੇ ਸੁੱਟ ਦਿੱਤਾ। ਦੂਜੇ ਪਾਸੇ, ਬੱਚੀ ਦੇ ਲਾਪਤਾ ਹੋਣ 'ਤੇ ਪਰਿਵਾਰ ਵਾਲਿਆਂ ਨੇ 'ਬੱਚਾ ਚੋਰ ਗਿਰੋਹ' ਦਾ ਖ਼ਦਸ਼ਾ ਜਤਾਉਂਦੇ ਹੋਏ ਪੁਲਿਸ ਨੂੰ ਸੂਚਨਾ ਦਿੱਤੀ ਸੀ।

ਕੁਝ ਸਮੇਂ ਬਾਅਦ ਸੜਕ 'ਤੇ ਲਾਸ਼ ਮਿਲਣ ਦੀ ਖ਼ਬਰ ਮਿਲੀ। ਮੌਕੇ 'ਤੇ ਪਹੁੰਚੀ ਪੁਲਿਸ ਨੇ ਦੇਖਿਆ ਕਿ ਬੱਚੀ ਦੇ ਕੱਪੜੇ ਅਸਤ-ਵਿਅਸਤ ਸਨ ਅਤੇ ਸਰੀਰ 'ਚੋਂ ਖ਼ੂਨ ਵਹਿ ਰਿਹਾ ਸੀ, ਜਿਸ ਨਾਲ ਜਬਰ-ਜਨਾਹ ਤੋਂ ਬਾਅਦ ਹੱਤਿਆ ਦਾ ਖ਼ਦਸ਼ਾ ਹੋਰ ਵੀ ਪੱਕਾ ਹੋ ਗਿਆ।

ਪੁਲਿਸ ਨੇ ਕੀਤੀ ਤੁਰੰਤ ਕਾਰਵਾਈ

ਸੂਚਨਾ ਮਿਲਦੇ ਹੀ ਐੱਸ.ਪੀ. (SP) ਉਪੇਂਦਰਨਾਥ ਵਰਮਾ ਖ਼ੁਦ ਘਟਨਾ ਵਾਲੀ ਥਾਂ 'ਤੇ ਪਹੁੰਚੇ ਅਤੇ ਡੌਗ ਸਕੁਐਡ ਤੇ ਫੋਰੈਂਸਿਕ ਟੀਮ ਰਾਹੀਂ ਡੂੰਘਾਈ ਨਾਲ ਜਾਂਚ ਕਰਵਾਈ। ਮਾਮਲੇ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਬੇਲਹਰ ਐੱਸ.ਡੀ.ਪੀ.ਓ. ਰਵਿੰਦਰ ਮੋਹਨ ਪ੍ਰਸਾਦ ਦੀ ਅਗਵਾਈ ਹੇਠ ਬੇਲਹਰ, ਜਿਲੇਬੀਆ ਮੋੜ, ਸੁਈਆ ਥਾਣਾ ਪੁਲਿਸ ਅਤੇ ਕਟੋਰੀਆ ਸਰਕਲ ਇੰਸਪੈਕਟਰ ਦੀ ਇੱਕ ਸਾਂਝੀ ਟੀਮ ਗਠਿਤ ਕੀਤੀ ਗਈ।

ਜਾਂਚ ਦੌਰਾਨ ਮਿਲੇ ਅਹਿਮ ਸਬੂਤ ਅਤੇ ਗ੍ਰਿਫ਼ਤਾਰੀ

ਪੁਲਿਸ ਦੀ ਛਾਪੇਮਾਰੀ ਦੌਰਾਨ ਇੱਕ ਨਾਬਾਲਗ ਦੇ ਘਰ ਦੇ ਕੋਲੋਂ ਬੱਚੀ ਦੀ ਖ਼ੂਨ ਨਾਲ ਲੱਥਪੱਥ ਪੈਂਟੀ ਬਰਾਮਦ ਹੋਈ। ਇਸ ਅਹਿਮ ਸੁਰਾਗ ਦੇ ਆਧਾਰ 'ਤੇ ਚਾਰ ਸ਼ੱਕੀ ਵਿਅਕਤੀਆਂ ਨੂੰ ਹਿਰਾਸਤ ਵਿੱਚ ਲਿਆ ਗਿਆ ਸੀ। ਪੜਤਾਲ ਦੌਰਾਨ ਇਨ੍ਹਾਂ ਵਿੱਚੋਂ ਦੋ ਨਾਬਾਲਗਾਂ ਦੇ ਕੱਪੜਿਆਂ 'ਤੇ ਖ਼ੂਨ ਦੇ ਧੱਬੇ ਪਾਏ ਗਏ। ਪੁਲਿਸ ਨੇ ਤੁਰੰਤ ਉਹ ਕੱਪੜੇ ਜ਼ਬਤ ਕਰ ਲਏ ਹਨ ਅਤੇ ਉਨ੍ਹਾਂ ਨੂੰ ਲੈਬ ਵਿੱਚ ਜਾਂਚ ਲਈ ਭੇਜ ਦਿੱਤਾ ਹੈ।