ਕੋਲਕਾਤਾ ’ਚ 'ਯੈਲੋ ਅਲਰਟ', ਕੀ ਬਾਰਿਸ਼ ਕਿਰਕਿਰਾ ਕਰੇਗੀ KKR vs LSG ਮੈਚ ਦਾ ਮਜ਼ਾ? ਪੜ੍ਹੋ ਮੌਸਮ ਦੀ ਪੂਰੀ ਡਿਟੇਲ
ਕੋਲਕਾਤਾ ਨਾਈਟ ਰਾਈਡਰਜ਼ ਅਤੇ ਲਖਨਊ ਸੁਪਰ ਜਾਇੰਟਸ ਵਿਚਾਲੇ ਵੀਰਵਾਰ ਨੂੰ ਈਡਨ ਗਾਰਡਨਜ਼ 'ਤੇ ਮੁਕਾਬਲਾ ਖੇਡਿਆ ਜਾਣਾ ਹੈ। ਹਾਲਾਂਕਿ, ਮੌਸਮ ਕਾਰਨ ਸਸਪੈਂਸ ਬਣਿਆ ਹੋਇਆ ਹੈ ਕਿ ਮੁਕਾਬਲਾ ਪੂਰਾ ਹੋ ਸਕੇਗਾ ਜਾਂ ਨਹੀਂ? ਅਸਲ ਵਿੱਚ, ਕੋਲਕਾਤਾ ਵਿੱਚ 'ਯੈਲੋ ਅਲਰਟ' ਹੈ ਅਤੇ ਸਵੇਰੇ ਇੱਥੇ ਤੇਜ਼ ਬਾਰਿਸ਼ ਵੀ ਹੋਈ। ਕੋਲਕਾਤਾ ਵਿੱਚ ਅੰਧੇਰੀ (ਝੱਖੜ) ਦੀ ਵੀ ਉਮੀਦ ਹੈ, ਜਿਸ ਕਾਰਨ ਯੈਲੋ ਅਲਰਟ ਜਾਰੀ ਕੀਤਾ ਗਿਆ ਹੈ। ਪਰ ਖ਼ਬਰ ਹੈ ਕਿ ਮੈਚ ਦੇ ਸਮੇਂ ਤੱਕ ਸਥਿਤੀਆਂ ਠੀਕ ਹੋ ਜਾਣਗੀਆਂ ਅਤੇ ਪ੍ਰਸ਼ੰਸਕਾਂ ਨੂੰ ਪੂਰਾ ਐਕਸ਼ਨ ਦੇਖਣ ਨੂੰ ਮਿਲ ਸਕਦਾ ਹੈ।
Posted By Anuradha Bains
Publish Date: Thu, 09 Apr 2026 04:19 PM (IST)
Updated Date: Thu, 09 Apr 2026 04:23 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ। ਕੋਲਕਾਤਾ ਨਾਈਟ ਰਾਈਡਰਜ਼ ਅਤੇ ਲਖਨਊ ਸੁਪਰ ਜਾਇੰਟਸ ਵਿਚਾਲੇ ਵੀਰਵਾਰ ਨੂੰ ਈਡਨ ਗਾਰਡਨਜ਼ 'ਤੇ ਮੁਕਾਬਲਾ ਖੇਡਿਆ ਜਾਣਾ ਹੈ। ਹਾਲਾਂਕਿ, ਮੌਸਮ ਕਾਰਨ ਸਸਪੈਂਸ ਬਣਿਆ ਹੋਇਆ ਹੈ ਕਿ ਮੁਕਾਬਲਾ ਪੂਰਾ ਹੋ ਸਕੇਗਾ ਜਾਂ ਨਹੀਂ? ਅਸਲ ਵਿੱਚ, ਕੋਲਕਾਤਾ ਵਿੱਚ 'ਯੈਲੋ ਅਲਰਟ' ਹੈ ਅਤੇ ਸਵੇਰੇ ਇੱਥੇ ਤੇਜ਼ ਬਾਰਿਸ਼ ਵੀ ਹੋਈ।
ਕੋਲਕਾਤਾ ਵਿੱਚ ਅੰਧੇਰੀ (ਝੱਖੜ) ਦੀ ਵੀ ਉਮੀਦ ਹੈ, ਜਿਸ ਕਾਰਨ ਯੈਲੋ ਅਲਰਟ ਜਾਰੀ ਕੀਤਾ ਗਿਆ ਹੈ। ਪਰ ਖ਼ਬਰ ਹੈ ਕਿ ਮੈਚ ਦੇ ਸਮੇਂ ਤੱਕ ਸਥਿਤੀਆਂ ਠੀਕ ਹੋ ਜਾਣਗੀਆਂ ਅਤੇ ਪ੍ਰਸ਼ੰਸਕਾਂ ਨੂੰ ਪੂਰਾ ਐਕਸ਼ਨ ਦੇਖਣ ਨੂੰ ਮਿਲ ਸਕਦਾ ਹੈ।
ਮੌਸਮ ਦੀ ਡਿਟੇਲ
ਐਕਿਊਵੈਦਰ (AccuWeather) ਨੇ ਸੰਕੇਤ ਦਿੱਤੇ ਹਨ ਕਿ ਟਾਸ ਦੇ ਸਮੇਂ ਤੱਕ ਬਾਰਿਸ਼ ਰੁਕ ਜਾਵੇਗੀ। ਮੈਚ ਦੌਰਾਨ ਬੱਦਲ ਛਾਏ ਰਹਿਣ ਦੀ ਸੰਭਾਵਨਾ ਹੈ। ਮਾਹਰਾਂ ਦੀ ਮੰਨੀਏ ਤਾਂ 40 ਓਵਰਾਂ ਦਾ ਪੂਰਾ ਮੁਕਾਬਲਾ ਦੇਖਣ ਨੂੰ ਮਿਲੇਗਾ।
ਮੈਚ ਦੇ ਸਮੇਂ ਤਾਪਮਾਨ 24 ਤੋਂ 27 ਡਿਗਰੀ ਸੈਲਸੀਅਸ ਤੱਕ ਰਹਿਣ ਦੀ ਉਮੀਦ ਹੈ। ਇੱਥੇ ਹਵਾ 11 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਚੱਲ ਸਕਦੀ ਹੈ। ਇਸ ਦਾ ਮਤਲਬ ਹੈ ਕਿ ਸ਼ੁਰੂਆਤ ਵਿੱਚ ਤੇਜ਼ ਗੇਂਦਬਾਜ਼ਾਂ ਨੂੰ ਫਾਇਦਾ ਮਿਲ ਸਕਦਾ ਹੈ।
ਓਸ ਦੀ ਵੱਡੀ ਭੂਮਿਕਾ
ਇੱਥੇ ਮੁੱਖ ਪਹਿਲੂ ਨਮੀ ਦੇ ਪੱਧਰ ਦਾ ਹੋ ਸਕਦਾ ਹੈ, ਜੋ ਕਿ 79 ਫ਼ੀਸਦੀ ਤੱਕ ਰਹਿਣ ਦੀ ਉਮੀਦ ਹੈ। ਇਸ ਦਾ ਮਤਲਬ ਹੈ ਕਿ ਈਡਨ ਗਾਰਡਨਜ਼ 'ਤੇ ਦੇਰ ਸ਼ਾਮ ਓਸ ਪੈ ਸਕਦੀ ਹੈ। ਓਸ ਕਾਰਨ ਗੇਂਦਬਾਜ਼ਾਂ ਨੂੰ ਗੇਂਦ 'ਤੇ ਗ੍ਰਿਫ ਬਣਾਉਣੀ ਮੁਸ਼ਕਲ ਹੋ ਜਾਵੇਗੀ ਅਤੇ ਬੱਲੇਬਾਜ਼ਾਂ ਦੀ ਮੌਜ ਲੱਗ ਜਾਵੇਗੀ।
ਮੈਚ ’ਚ ਹੋ ਸਕਦੀ ਹੈ ਦੇਰੀ
ਭਾਵੇਂ ਮੈਚ ਦੇ ਸਮੇਂ ਦੌਰਾਨ ਬਾਰਿਸ਼ ਦੀ ਸੰਭਾਵਨਾ ਨਹੀਂ ਹੈ, ਪਰ ਸਵੇਰ ਦੀ ਬਾਰਿਸ਼ ਕਾਰਨ ਮੈਦਾਨ ਦੀ ਆਊਟਫੀਲਡ ਦਾ ਸੁੱਕਣਾ ਮੁਸ਼ਕਲ ਹੈ। ਗਰਾਊਂਡ ਸਟਾਫ ਨੂੰ ਖੇਡਣ ਲਈ ਸਥਿਤੀਆਂ ਸੁਧਾਰਨ ਵਿੱਚ ਸਮਾਂ ਲੱਗ ਸਕਦਾ ਹੈ, ਜਿਸ ਕਾਰਨ ਮੈਚ ਸ਼ੁਰੂ ਹੋਣ ਵਿੱਚ ਦੇਰੀ ਹੋ ਸਕਦੀ ਹੈ।
ਯੈਲੋ ਅਲਰਟ ਕੀ ਹੁੰਦਾ ਹੈ?
ਯੈਲੋ ਅਲਰਟ ਨੂੰ ਸਰਲ ਸ਼ਬਦਾਂ ਵਿੱਚ ਸਮਝਿਆ ਜਾਵੇ ਤਾਂ ਖ਼ਰਾਬ ਮੌਸਮ ਨੂੰ ਦੇਖਦੇ ਹੋਏ ਸਾਵਧਾਨ ਰਹਿਣ ਦੀ ਲੋੜ ਹੁੰਦੀ ਹੈ। ਯੈਲੋ ਅਲਰਟ ਉਦੋਂ ਜਾਰੀ ਕੀਤਾ ਜਾਂਦਾ ਹੈ ਜਦੋਂ ਤੇਜ਼ ਬਾਰਿਸ਼, ਆਂਧੀ-ਤੂਫ਼ਾਨ ਅਤੇ ਜ਼ੋਰਦਾਰ ਹਵਾ ਚੱਲਣ ਦੇ ਸੰਕੇਤ ਹੋਣ।