ਮੈਦਾਨ 'ਤੇ ਛੱਕੇ ਛੁਡਾਉਣ ਵਾਲੇ ਵੈਭਵ ਸੂਰਿਆਵੰਸ਼ੀ ਦੀ ਹੁਣ ਪੜ੍ਹਾਈ ਦੀ ਪ੍ਰੀਖਿਆ ! ਕੀ ਦੇਣਗੇ 10ਵੀਂ ਦੇ ਬੋਰਡ ਇਮਤਿਹਾਨ

ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਕ੍ਰਿਕਟ ਦੇ ਮੈਦਾਨ 'ਤੇ ਆਪਣੀ ਤੂਫ਼ਾਨੀ ਬੱਲੇਬਾਜ਼ੀ ਨਾਲ ਦੁਨੀਆ ਨੂੰ ਹੈਰਾਨ ਕਰਨ ਵਾਲੇ ਸਮਸਤੀਪੁਰ ਦੇ ਉੱਭਰਦੇ ਸਿਤਾਰੇ ਵੈਭਵ ਸੂਰਿਆਵੰਸ਼ੀ ਦੇ ਸਾਹਮਣੇ ਹੁਣ ਇੱਕ ਨਵੀਂ ਚੁਣੌਤੀ ਆ ਗਈ ਹੈ। ਖੇਡ ਦੇ ਮੈਦਾਨ ਵਿੱਚ ਵੱਡੇ-ਵੱਡੇ ਗੇਂਦਬਾਜ਼ਾਂ ਦੇ ਪਸੀਨੇ ਛੁਡਾਉਣ ਵਾਲੇ ਇਸ 14 ਸਾਲਾ ਨੌਜਵਾਨ ਕ੍ਰਿਕਟਰ ਲਈ ਹੁਣ ਪੜ੍ਹਾਈ ਅਤੇ ਕ੍ਰਿਕਟ ਦੇ ਕਰੀਅਰ ਵਿਚਾਲੇ ਸੰਤੁਲਨ ਬਣਾਉਣ ਦੀ ਵੱਡੀ ਪ੍ਰੀਖਿਆ ਹੈ।

ਕੀ ਵੈਭਵ ਦੇਣਗੇ 10ਵੀਂ ਦੀ ਪ੍ਰੀਖਿਆ

ਮਾਡੈਸਟੀ ਸਕੂਲ ਦੇ ਪ੍ਰਿੰਸੀਪਲ ਆਦਰਸ਼ ਕੁਮਾਰ ਉਰਫ ਪਿੰਟੂ ਨੇ ਵੱਡਾ ਅਪਡੇਟ ਦਿੰਦੇ ਹੋਏ ਦੱਸਿਆ ਹੈ ਕਿ ਵੈਭਵ ਦਾ ਐਡਮਿਟ ਕਾਰਡ ਆ ਗਿਆ ਹੈ। ਉਸ ਦਾ ਪ੍ਰੀਖਿਆ ਕੇਂਦਰ ਪੋਦਾਰ ਇੰਟਰਨੈਸ਼ਨਲ ਸਕੂਲ ਵਿੱਚ ਬਣਿਆ ਹੈ। ਹਾਲਾਂਕਿ ਪ੍ਰਿੰਸੀਪਲ ਨੇ ਇਹ ਵੀ ਕਿਹਾ ਕਿ ਵੈਭਵ ਪ੍ਰੀਖਿਆ ਦੇਵੇਗਾ ਜਾਂ ਨਹੀਂ, ਇਸ ਬਾਰੇ ਹਾਲੇ ਪੱਕਾ ਨਹੀਂ ਕਿਹਾ ਜਾ ਸਕਦਾ। ਇਸ ਦਾ ਅੰਤਿਮ ਫੈਸਲਾ ਕ੍ਰਿਕਟ ਬੋਰਡ ਅਤੇ ਵੈਭਵ ਦੇ ਸ਼ੈਡਿਊਲ 'ਤੇ ਨਿਰਭਰ ਕਰੇਗਾ।

CBSE ਬੋਰਡ ਪ੍ਰੀਖਿਆ 2026 ਦਾ ਸ਼ੈਡਿਊਲ

ਵੈਭਵ ਲਈ ਫਰਵਰੀ ਅਤੇ ਮਾਰਚ ਦਾ ਮਹੀਨਾ ਕਾਫੀ ਰੁਝੇਵਿਆਂ ਭਰਿਆ ਰਹਿਣ ਵਾਲਾ ਹੈ।

• ਪ੍ਰੀਖਿਆ ਦੀ ਸ਼ੁਰੂਆਤ : 17 ਫਰਵਰੀ 2026
• ਪ੍ਰੀਖਿਆ ਦੀ ਸਮਾਪਤੀ : 11 ਮਾਰਚ 2026

ਅੰਡਰ-19 ਵਰਲਡ ਕੱਪ 2026 ਦਾ ਹੀਰੋ

ਵੈਭਵ ਨੇ ਹਾਲ ਹੀ ਵਿੱਚ ਆਪਣੀ ਖੇਡ ਨਾਲ ਇਤਿਹਾਸ ਰਚਿਆ ਹੈ

ਫਾਈਨਲ 'ਚ ਧਮਾਕਾ: ਇੰਗਲੈਂਡ ਖ਼ਿਲਾਫ਼ ਫਾਈਨਲ ਮੈਚ ਵਿੱਚ ਸਿਰਫ 55 ਗੇਂਦਾਂ ਵਿੱਚ 175 ਦੌੜਾਂ ਦੀ ਪਾਰੀ ਖੇਡੀ।

ਭਾਰਤ ਛੇਵੀਂ ਵਾਰ ਚੈਂਪੀਅਨ : ਉਸ ਦੀ ਸ਼ਾਨਦਾਰ ਬੱਲੇਬਾਜ਼ੀ ਦੇ ਦਮ 'ਤੇ ਭਾਰਤ ਨੇ ਛੇਵੀਂ ਵਾਰ ਅੰਡਰ-19 ਵਰਲਡ ਕੱਪ ਦੀ ਟਰਾਫੀ ਜਿੱਤੀ।

ਇਤਿਹਾਸਕ ਰਿਕਾਰਡ : ਵੈਭਵ ਇੱਕੋ ਟੂਰਨਾਮੈਂਟ ਵਿੱਚ 'ਪਲੇਅਰ ਆਫ ਦ ਮੈਚ' ਅਤੇ 'ਪਲੇਅਰ ਆਫ ਦ ਟੂਰਨਾਮੈਂਟ' ਦੋਵੇਂ ਐਵਾਰਡ ਜਿੱਤਣ ਵਾਲਾ ਪਹਿਲਾ ਖਿਡਾਰੀ ਬਣਿਆ ਹੈ।