ਟੀਮ ਇੰਡੀਆ 'ਚ ਵੱਡੀ ਸਰਜਰੀ ਦੀ ਤਿਆਰੀ: ਦੱਖਣੀ ਅਫਰੀਕਾ ਹੱਥੋਂ ਹਾਰ ਤੋਂ ਬਾਅਦ ਕਈ ਦਿੱਗਜ ਬੱਲੇਬਾਜ਼ਾਂ ਦੀ ਹੋ ਸਕਦੀ ਹੈ ਛੁੱਟੀ

ਅਕਸ਼ਰ ਪਟੇਲ ਨੂੰ ਬਾਹਰ ਰੱਖਣ ਦੇ ਫੈਸਲੇ ਦੀ ਹੋ ਰਹੀ ਹੈ ਆਲੋਚਨਾ: ਦੱਖਣੀ ਅਫਰੀਕਾ ਖਿਲਾਫ ਮੈਚ ’ਚ ਉਪ ਕਪਤਾਨ ਅਕਸ਼ਰ ਪਟੇਲ ਨੂੰ ਟੀਮ ਤੋਂ ਬਾਹਰ ਰੱਖਣ ਦੇ ਫੈਸਲੇ ਦੀ ਕਾਫੀ ਆਲੋਚਨਾ ਹੋ ਰਹੀ ਹੈ। ਅਕਸ਼ਰ ਨੇ ਅਮਰੀਕਾ, ਨਾਮੀਬੀਆ ਤੇ ਪਾਕਿਸਤਾਨ ਖਿਲਾਫ ਲਗਾਤਾਰ ਚੰਗਾ ਪ੍ਰਦਰਸ਼ਨ ਕੀਤਾ ਸੀ। ਇਸ ਦੇ ਬਾਵਜੂਦ ਉਸ ਨੂੰ ਅੰਤਿਮ 11 ’ਚ ਥਾਂ ਨਹੀਂ ਦਿੱਤੀ ਗਈ। ਇਸ ’ਤੇ ਸਪੱਸ਼ਟੀਕਰਨ ਦਿੰਦੇ ਹੋਏ ਰਿਆਨ ਟੈਨ ਡਿਊਸ਼ ਤੇ ਸਿਤਾਂਸ਼ੂ ਕੋਟਕ ਨੇ ਕਿਹਾ ਕਿ ਇਹ ਫੈਸਲਾ ਪੂਰੀ ਤਰ੍ਹਾਂ ਰਣਨੀਤਕ ਸੀ। ਡਿਊਸ਼ ਨੇ ਕਿਹਾ ਕਿ ਅਸੀਂ ਪਿਛਲੇ ਕੁਝ ਦਿਨਾਂ ’ਚ ਅੰਤਿਮ 11 ’ਤੇ ਕਾਫੀ ਸੋਚ-ਵਿਚਾਰ ਕੀਤਾ ਹੈ। ਅਸੀਂ ਮੈਚ ਨੂੰ ਲੈ ਕੇ ਵਿਚਾਰ ਕਰ ਰਹੇ ਸੀ। ਹਾਲਾਂਕਿ ਅਕਸ਼ਰ ਨੂੰ ਫੀਲਡਿੰਗ ਕਰਨ ਦਾ ਫੈਸਲਾ ਸਹੀ ਲੱਗ ਰਿਹਾ ਸੀ ਪਰ ਸਾਨੂੰ 8ਵੇਂ ਬੱਲੇਬਾਜ਼ ਦੇ ਤੌਰ ’ਤੇ ਅਕਸ਼ਰ ਦੀ ਜ਼ਰੂਰਤ ਸੀ। ਇਸ ਆਧਾਰ ’ਤੇ ਇਹ ਫੈਸਲਾ ਲਿਆ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਸਾਰੇ ਅਕਸ਼ਰ ਦੀ ਅਗਵਾਈ ਯੋਗਤਾ ਤੇ ਮਹੱਤਵ ਨੂੰ ਜਾਣਦੇ ਹਾਂ। ਇਸ ਫੈਸਲੇ ਦਾ ਮਤਲਬ ਉਸ ਨੂੰ ਬਿਲਕੁਲ ਵੀ ਘੱਟ ਸਮਝਣਾ ਨਹੀਂ ਹੈ।