ਸ਼ੁਭਮਨ ਗਿੱਲ ਦੀ BCCI ਤੋਂ ਵੱਡੀ ਮੰਗ... ਟੈਸਟ ਕ੍ਰਿਕਟ 'ਚ ਹਾਰ ਤੋਂ ਬਚਣ ਲਈ ਦਿੱਤਾ ਨਵੇਂ ਨਿਯਮ ਦਾ ਸੁਝਾਅ

ਕਪਤਾਨ ਗਿੱਲ ਦਾ ਮੰਨਣਾ ਹੈ ਕਿ ਜੇਕਰ ਭਾਰਤ ਨੇ ਟੈਸਟ ਕ੍ਰਿਕਟ ਵਿੱਚ ਆਪਣਾ ਦਬਦਬਾ ਕਾਇਮ ਰੱਖਣਾ ਹੈ ਤਾਂ ਤਿਆਰੀ ਦੇ ਰਵਾਇਤੀ ਤਰੀਕਿਆਂ ਵਿੱਚ ਬਦਲਾਅ ਕਰਨਾ ਹੋਵੇਗਾ। ਗਿੱਲ ਨੇ ਸੁਝਾਅ ਦਿੱਤਾ ਹੈ ਕਿ, BCCI ਨੂੰ ਹਰ ਟੈਸਟ ਸੀਰੀਜ਼ ਤੋਂ ਪਹਿਲਾਂ ਘੱਟੋ-ਘੱਟ 15 ਦਿਨਾਂ ਦਾ ਵਿਸ਼ੇਸ਼ ਟ੍ਰੇਨਿੰਗ ਕੈਂਪ ਲਾਜ਼ਮੀ ਕਰਨਾ ਚਾਹੀਦਾ ਹੈ। ਗਿੱਲ ਅਨੁਸਾਰ, ਖਿਡਾਰੀ ਅਕਸਰ T20 ਜਾਂ ਵਨਡੇ ਫਾਰਮੈਟ ਖੇਡ ਕੇ ਸਿੱਧੇ ਟੈਸਟ ਮੈਚਾਂ ਵਿੱਚ ਉਤਰ ਜਾਂਦੇ ਹਨ, ਜਿਸ ਕਾਰਨ ਉਨ੍ਹਾਂ ਨੂੰ ਲਾਲ ਗੇਂਦ (Red Ball) ਦੇ ਖੇਡ ਅਤੇ ਲੰਬੇ ਫਾਰਮੈਟ ਦੀ ਮਾਨਸਿਕਤਾ ਵਿੱਚ ਢਲਣ ਦਾ ਸਮਾਂ ਨਹੀਂ ਮਿਲਦਾ। ਇਹ 15 ਦਿਨ ਨਾ ਸਿਰਫ਼ ਹਾਲਾਤਾਂ ਦੇ ਅਨੁਕੂਲ ਹੋਣ ਵਿੱਚ ਮਦਦ ਕਰਨਗੇ, ਸਗੋਂ ਖਿਡਾਰੀਆਂ ਦੀ ਤਕਨੀਕੀ ਕਮੀਆਂ ਨੂੰ ਵੀ ਦੂਰ ਕੀਤਾ ਜਾ ਸਕੇਗਾ।