- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸਿਰਫ਼ 3240 ਲੋਕਾਂ ਦੀ ਆਬਾਦੀ ਵਾਲੇ ਪਿੰਡ ਤੋਂ ਨਿਕਲਿਆ ਭਾਰਤ ਦਾ ਵਰਲਡ ਕੱਪ ਹੀਰੋ, ਪਿਤਾ ਬੋਲੇ- ਅਸੀਂ VIP ਨਹੀਂ, ਬੇਟੇ ਦੇ ਕੰਮ ਆਇਆ ਇਹ ਗੁਰੂਮੰਤਰ
ਭਾਰਤੀ ਟੀਮ ਨੇ ਅੰਡਰ-19 ਵਰਲਡ ਕੱਪ ਦੇ ਆਪਣੇ ਪਹਿਲੇ ਮੈਚ ਵਿੱਚ ਅਮਰੀਕਾ ਨੂੰ ਛੇ ਵਿਕਟਾਂ ਨਾਲ ਹਰਾ ਦਿੱਤਾ ਹੈ। ਟੀਮ ਇੰਡੀਆ ਦੀ ਇਸ ਜਿੱਤ ਦੇ ਹੀਰੋ ਰਹੇ ਤੇਜ਼ ਗੇਂਦਬਾਜ਼ ਹੇਨਿਲ ਪਟੇਲ। ਪਟੇਲ ਨੇ ਪੰਜ ਵਿਕਟਾਂ ਲੈ ਕੇ ਅਮਰੀਕੀ ਟੀਮ ਨੂੰ ਵੱਡਾ ਸਕੋਰ ਨਹੀਂ ਕਰਨ ਦਿੱਤਾ। ਅਮਰੀਕੀ ਟੀਮ ਮਹਿਜ਼ 107 ਦੌੜਾਂ 'ਤੇ ਆਲ ਆਊਟ ਹੋ ਗਈ। ਭਾਰਤ ਨੇ ਚਾਰ ਵਿਕਟਾਂ ਗੁਆ ਕੇ 99 ਦੌੜਾਂ ਬਣਾ ਲਈਆਂ ਸਨ, ਜਿਸ ਤੋਂ ਬਾਅਦ ਬਾਰਿਸ਼ ਆ ਗਈ ਅਤੇ ਭਾਰਤ ਨੇ ਡਕਵਰਥ ਲੁਈਸ ਨਿਯਮ (DLS) ਅਧੀਨ ਇਹ ਮੈਚ ਆਪਣੇ ਨਾਂ ਕਰ ਲਿਆ।
Posted By Anuradha Bains
Publish Date: Fri, 16 Jan 2026 04:22 PM (IST)
Updated Date: Fri, 16 Jan 2026 04:24 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ: ਭਾਰਤੀ ਟੀਮ ਨੇ ਅੰਡਰ-19 ਵਰਲਡ ਕੱਪ ਦੇ ਆਪਣੇ ਪਹਿਲੇ ਮੈਚ ਵਿੱਚ ਅਮਰੀਕਾ ਨੂੰ ਛੇ ਵਿਕਟਾਂ ਨਾਲ ਹਰਾ ਦਿੱਤਾ ਹੈ। ਟੀਮ ਇੰਡੀਆ ਦੀ ਇਸ ਜਿੱਤ ਦੇ ਹੀਰੋ ਰਹੇ ਤੇਜ਼ ਗੇਂਦਬਾਜ਼ ਹੇਨਿਲ ਪਟੇਲ। ਪਟੇਲ ਨੇ ਪੰਜ ਵਿਕਟਾਂ ਲੈ ਕੇ ਅਮਰੀਕੀ ਟੀਮ ਨੂੰ ਵੱਡਾ ਸਕੋਰ ਨਹੀਂ ਕਰਨ ਦਿੱਤਾ। ਅਮਰੀਕੀ ਟੀਮ ਮਹਿਜ਼ 107 ਦੌੜਾਂ 'ਤੇ ਆਲ ਆਊਟ ਹੋ ਗਈ। ਭਾਰਤ ਨੇ ਚਾਰ ਵਿਕਟਾਂ ਗੁਆ ਕੇ 99 ਦੌੜਾਂ ਬਣਾ ਲਈਆਂ ਸਨ, ਜਿਸ ਤੋਂ ਬਾਅਦ ਬਾਰਿਸ਼ ਆ ਗਈ ਅਤੇ ਭਾਰਤ ਨੇ ਡਕਵਰਥ ਲੁਈਸ ਨਿਯਮ (DLS) ਅਧੀਨ ਇਹ ਮੈਚ ਆਪਣੇ ਨਾਂ ਕਰ ਲਿਆ।
ਹੇਨਿਲ ਗੁਜਰਾਤ ਦੇ ਜੁਜਬਾ ਪਿੰਡ ਤੋਂ ਆਉਂਦੇ ਹਨ। ਇਸ ਪਿੰਡ ਦੀ ਕੁੱਲ ਆਬਾਦੀ ਸਿਰਫ਼ 3240 ਲੋਕਾਂ ਦੀ ਹੈ। ਹੇਨਿਲ ਨੇ ਜਦੋਂ ਵਰਲਡ ਕੱਪ ਵਿੱਚ ਆਪਣਾ ਕਹਿਰ ਬਰਪਾਇਆ ਤਾਂ ਪੂਰਾ ਪਿੰਡ ਇੱਕਜੁੱਟ ਹੋ ਗਿਆ। ਰਿਪੋਰਟ ਮੁਤਾਬਕ, ਜਦੋਂ ਉਹ ਵਰਲਡ ਕੱਪ ਲਈ ਜਾ ਰਹੇ ਸਨ, ਉਦੋਂ ਲਗਪਗ ਪੂਰਾ ਪਿੰਡ ਹੇਨਿਲ ਦੇ ਘਰ ਇਕੱਠਾ ਹੋ ਗਿਆ ਸੀ।
ਲਗਾਤਾਰ ਵੱਜ ਰਿਹਾ ਸੀ ਫ਼ੋਨ
ਘਰ ਤੋਂ ਨਿਕਲ ਕੇ ਜਦੋਂ ਹੇਨਿਲ ਵਰਲਡ ਕੱਪ ਵਿੱਚ ਚਮਕੇ, ਤਾਂ ਉਨ੍ਹਾਂ ਦੇ ਪਿਤਾ ਅਤੇ ਪਰਿਵਾਰ ਵਾਲਿਆਂ ਦਾ ਫ਼ੋਨ ਵੱਜਣਾ ਬੰਦ ਨਹੀਂ ਹੋਇਆ। ਉਨ੍ਹਾਂ ਦੇ ਪਿਤਾ ਦਿਲੀਪ ਨੇ ਇੱਕ ਵਿਅਕਤੀ ਨੂੰ ਫ਼ੋਨ 'ਤੇ ਕਿਹਾ, "ਭਰਾਵੋ, ਬਾਅਦ ਵਿੱਚ ਗੱਲ ਕਰ ਸਕਦੇ ਹਾਂ?" ਰਿਪੋਰਟ ਮੁਤਾਬਕ ਉਹ ਲਗਾਤਾਰ ਆ ਰਹੀਆਂ ਫ਼ੋਨ ਕਾਲਾਂ ਤੋਂ ਪਰੇਸ਼ਾਨ ਹੋ ਗਏ ਸਨ। ਜਦੋਂ ਟੀਮ ਇੰਡੀਆ ਨੇ ਜਿੱਤ ਹਾਸਲ ਕੀਤੀ, ਤਾਂ ਉਨ੍ਹਾਂ ਦੀ ਖ਼ੁਸ਼ੀ ਦਾ ਕੋਈ ਟਿਕਾਣਾ ਨਹੀਂ ਰਿਹਾ। ਉਹ ਉਸ ਤਰ੍ਹਾਂ ਖ਼ੁਸ਼ ਨਜ਼ਰ ਆ ਰਹੇ ਸਨ ਜਿਸ ਤਰ੍ਹਾਂ ਤਿਉਹਾਰ ਵਾਲੇ ਦਿਨ ਕੋਈ ਖ਼ੁਸ਼ ਹੁੰਦਾ ਹੈ।
ਹੇਨਿਲ ਨੂੰ ਕ੍ਰਿਕਟ ਦੀ ਗੁੜ੍ਹਤੀ ਆਪਣੇ ਪਿਤਾ ਤੋਂ ਮਿਲੀ ਹੈ। ਪਿਤਾ ਦੇ ਕ੍ਰਿਕਟ ਪ੍ਰਤੀ ਪਿਆਰ ਨੇ ਹੀ ਹੇਨਿਲ ਨੂੰ ਕ੍ਰਿਕਟਰ ਬਣਾਇਆ। ਦਿਲੀਪ ਕਹਿੰਦੇ ਹਨ ਕਿ ਉਨ੍ਹਾਂ ਦੇ ਕੋਈ ਵੀਆਈਪੀ (VIP) ਸੰਪਰਕ ਨਹੀਂ ਸਨ ਅਤੇ ਨਾ ਹੀ ਉਹ ਜਾਣਦੇ ਸਨ ਕਿ ਚੀਜ਼ਾਂ ਕਿਵੇਂ ਕੰਮ ਕਰਦੀਆਂ ਹਨ। ਉਨ੍ਹਾਂ ਨੇ ਕਿਹਾ, "ਮੇਰੇ ਕੋਈ VIP ਕਨੈਕਸ਼ਨ ਨਹੀਂ ਸਨ, ਮੈਂ ਸਿਰਫ਼ ਆਪਣੇ ਬੇਟੇ ਨੂੰ ਕਿਹਾ ਕਿ ਸਖ਼ਤ ਮਿਹਨਤ ਕਰ ਅਤੇ ਉਸ ਨੇ ਉਹੀ ਕੀਤਾ। ਉਹ ਖੇਡ ਪ੍ਰਤੀ ਪੂਰੀ ਤਰ੍ਹਾਂ ਸਮਰਪਿਤ ਹੈ।"
ਡੇਲ ਸਟੇਨ ਨੂੰ ਕਰਦੇ ਹਨ ਪਸੰਦ
ਹੇਨਿਲ ਦੱਖਣੀ ਅਫ਼ਰੀਕਾ ਦੇ ਤੇਜ਼ ਗੇਂਦਬਾਜ਼ ਡੇਲ ਸਟੇਨ ਨੂੰ ਬਹੁਤ ਪਸੰਦ ਕਰਦੇ ਹਨ ਅਤੇ ਉਨ੍ਹਾਂ ਨੂੰ ਆਪਣਾ ਆਦਰਸ਼ ਮੰਨਦੇ ਹਨ। ਗੁਜਰਾਤ ਕ੍ਰਿਕਟ ਐਸੋਸੀਏਸ਼ਨ ਵੱਲੋਂ ਲਏ ਗਏ ਟਰਾਇਲਜ਼ ਵਿੱਚ ਹੇਨਿਲ ਨੇ ਹਿੱਸਾ ਲਿਆ ਸੀ ਅਤੇ ਉੱਥੋਂ ਹੀ ਉਨ੍ਹਾਂ ਦਾ ਕਰੀਅਰ ਅੱਗੇ ਵਧਦਾ ਗਿਆ। ਗੁਜਰਾਤ ਦੇ ਸਾਬਕਾ ਫਸਟ ਕਲਾਸ ਕ੍ਰਿਕਟਰ ਜਯੇਸ਼ ਮਾਲਕਾ ਨੇ ਹੇਨਿਲ ਨੂੰ ਪਹਿਲੀ ਵਾਰ ਉੱਥੇ ਹੀ ਦੇਖਿਆ ਸੀ ਅਤੇ ਉਹ ਕਾਫ਼ੀ ਪ੍ਰਭਾਵਿਤ ਹੋਏ ਸਨ। ਉਨ੍ਹਾਂ ਕਿਹਾ, "ਮੈਂ ਉਸ ਦੀ ਸਰੀਰਕ ਬਣਤਰ ਦੇਖ ਕੇ ਬਹੁਤ ਪ੍ਰਭਾਵਿਤ ਹੋਇਆ ਸੀ। 15 ਸਾਲ ਦੀ ਉਮਰ ਦੇ ਹਿਸਾਬ ਨਾਲ ਉਹ ਕਾਫ਼ੀ ਮਜ਼ਬੂਤ ਲੱਗ ਰਿਹਾ ਸੀ। ਉਹ ਊਰਜਾਵਾਨ ਸੀ ਅਤੇ ਉਸ ਦਾ ਗੇਂਦਬਾਜ਼ੀ ਐਕਸ਼ਨ ਬਹੁਤ ਸ਼ਾਨਦਾਰ ਸੀ।"