- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਨਾਮੀਬੀਆ ਵਿਰੁੱਧ ਜੰਗ ਤੋਂ ਪਹਿਲਾਂ ਟੀਮ ਇੰਡੀਆ ਲਈ 'ਗੁੱਡ ਨਿਊਜ਼' ! ਵਾਸ਼ਿੰਗਟਨ ਸੁੰਦਰ ਦੀ ਵਾਪਸੀ, ਪਰ ਬੁਮਰਾਹ 'ਤੇ ਹਾਲੇ ਵੀ ਸਸਪੈਂਸ
ਸਟਾਰ ਆਲਰਾਊਂਡਰ ਵਾਸ਼ਿੰਗਟਨ ਸੁੰਦਰ ਜਲਦ ਹੀ ਦਿੱਲੀ ਵਿੱਚ ਟੀਮ ਨਾਲ ਜੁੜਨਗੇ। ਭਾਰਤ ਨੇ ਆਪਣਾ ਅਗਲਾ ਮੈਚ 12 ਫਰਵਰੀ ਨੂੰ ਨਾਮੀਬੀਆ ਵਿਰੁੱਧ ਖੇਡਣਾ ਹੈ। ਸੁੰਦਰ ਪਿਛਲੇ ਇੱਕ ਮਹੀਨੇ ਤੋਂ ਮੈਦਾਨ ਤੋਂ ਦੂਰ ਸਨ। ਨਿਊਜ਼ੀਲੈਂਡ ਖ਼ਿਲਾਫ਼ ਵਨਡੇ ਦੌਰਾਨ ਉਨ੍ਹਾਂ ਨੂੰ ਮਾਸਪੇਸ਼ੀਆਂ ਵਿੱਚ ਖਿਚਾਅ (Side Strain) ਅਤੇ ਹਲਕਾ ਫਰੈਕਚਰ ਹੋਇਆ ਸੀ
Posted By alisha
Publish Date: Sun, 08 Feb 2026 12:42 PM (IST)
Updated Date: Sun, 08 Feb 2026 12:48 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਟੀ-20 ਵਿਸ਼ਵ ਕੱਪ 2026 ਵਿੱਚ ਭਾਰਤੀ ਟੀਮ ਨੇ ਅਮਰੀਕਾ ਨੂੰ ਹਰਾ ਕੇ ਆਪਣੀ ਮੁਹਿੰਮ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ ਹੈ। ਜਿੱਤ ਤੋਂ ਬਾਅਦ ਕਪਤਾਨ ਸੂਰਿਆਕੁਮਾਰ ਯਾਦਵ ਨੇ ਟੀਮ ਦੀ ਫਿਟਨੈੱਸ ਨੂੰ ਲੈ ਕੇ ਵੱਡੇ ਅਪਡੇਟ ਦਿੱਤੇ ਹਨ। ਜਿੱਥੇ ਵਾਸ਼ਿੰਗਟਨ ਸੁੰਦਰ ਦੀ ਵਾਪਸੀ ਨਾਲ ਟੀਮ ਨੂੰ ਰਾਹਤ ਮਿਲੀ ਹੈ, ਉੱਥੇ ਹੀ ਜਸਪ੍ਰੀਤ ਬੁਮਰਾਹ ਅਤੇ ਅਭਿਸ਼ੇਕ ਸ਼ਰਮਾ ਦੀ ਖਰਾਬ ਸਿਹਤ ਨੇ ਚਿੰਤਾ ਵਧਾ ਦਿੱਤੀ ਹੈ।
ਵਾਸ਼ਿੰਗਟਨ ਸੁੰਦਰ ਦੀ ਹੋਵੇਗੀ ਵਾਪਸੀ
ਸਟਾਰ ਆਲਰਾਊਂਡਰ ਵਾਸ਼ਿੰਗਟਨ ਸੁੰਦਰ ਜਲਦ ਹੀ ਦਿੱਲੀ ਵਿੱਚ ਟੀਮ ਨਾਲ ਜੁੜਨਗੇ। ਭਾਰਤ ਨੇ ਆਪਣਾ ਅਗਲਾ ਮੈਚ 12 ਫਰਵਰੀ ਨੂੰ ਨਾਮੀਬੀਆ ਵਿਰੁੱਧ ਖੇਡਣਾ ਹੈ। ਸੁੰਦਰ ਪਿਛਲੇ ਇੱਕ ਮਹੀਨੇ ਤੋਂ ਮੈਦਾਨ ਤੋਂ ਦੂਰ ਸਨ। ਨਿਊਜ਼ੀਲੈਂਡ ਖ਼ਿਲਾਫ਼ ਵਨਡੇ ਦੌਰਾਨ ਉਨ੍ਹਾਂ ਨੂੰ ਮਾਸਪੇਸ਼ੀਆਂ ਵਿੱਚ ਖਿਚਾਅ (Side Strain) ਅਤੇ ਹਲਕਾ ਫਰੈਕਚਰ ਹੋਇਆ ਸੀ।ਬੈਂਗਲੁਰੂ ਦੇ ਨੈਸ਼ਨਲ ਕ੍ਰਿਕਟ ਅਕੈਡਮੀ (NCA) ਵਿੱਚ ਰਿਹੈਬ ਤੋਂ ਬਾਅਦ ਹੁਣ ਉਹ ਪੂਰੀ ਤਰ੍ਹਾਂ ਫਿੱਟ ਹਨ।
ਬੁਮਰਾਹ ਤੇ ਅਭਿਸ਼ੇਕ ਦੀ ਸਿਹਤ ਨੇ ਵਧਾਈ ਟੈਨਸ਼ਨ
ਭਾਰਤ ਦੇ ਮੁੱਖ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਬਿਮਾਰੀ ਕਾਰਨ ਅਮਰੀਕਾ ਵਿਰੁੱਧ ਪਹਿਲਾ ਮੈਚ ਨਹੀਂ ਖੇਡ ਸਕੇ ਸਨ। ਓਧਰ, ਨੌਜਵਾਨ ਸਲਾਮੀ ਬੱਲੇਬਾਜ਼ ਅਭਿਸ਼ੇਕ ਸ਼ਰਮਾ ਵੀ ਮੈਚ ਦੌਰਾਨ ਦੂਜੀ ਪਾਰੀ ਵਿੱਚ ਫੀਲਡਿੰਗ ਲਈ ਮੈਦਾਨ ਵਿੱਚ ਨਹੀਂ ਉਤਰੇ। "ਬੁਮਰਾਹ ਨੂੰ ਮੌਸਮ ਬਦਲਣ ਕਾਰਨ ਤੇਜ਼ ਬੁਖਾਰ ਸੀ ਅਤੇ ਅਭਿਸ਼ੇਕ ਦੀ ਸਿਹਤ ਵੀ ਕੁਝ ਅਜਿਹੀ ਹੀ ਖਰਾਬ ਸੀ।" ਤੇਜ਼ ਗੇਂਦਬਾਜ਼ ਮੁਹੰਮਦ ਸਿਰਾਜ ਨੇ ਦੱਸਿਆ ਕਿ ਅਭਿਸ਼ੇਕ ਦਾ ਪੇਟ ਖਰਾਬ ਸੀ ਪਰ ਉਨ੍ਹਾਂ ਉਮੀਦ ਜਤਾਈ ਕਿ ਉਹ ਨਾਮੀਬੀਆ ਖਿਲਾਫ ਅਗਲੇ ਮੈਚ ਤੱਕ ਠੀਕ ਹੋ ਜਾਣਗੇ।
ਭਾਰਤ ਦਾ ਵਰਲਡ ਰਿਕਾਰਡ
ਅਮਰੀਕਾ ਨੂੰ 29 ਦੌੜਾਂ ਨਾਲ ਹਰਾ ਕੇ ਭਾਰਤ ਨੇ ਟੀ-20 ਵਿਸ਼ਵ ਕੱਪ ਇਤਿਹਾਸ ਵਿੱਚ ਲਗਾਤਾਰ 9ਵੀਂ ਜਿੱਤ ਦਰਜ ਕੀਤੀ ਹੈ। ਇਸ ਨਾਲ ਭਾਰਤ ਨੇ ਆਸਟਰੇਲੀਆ ਅਤੇ ਦੱਖਣੀ ਅਫਰੀਕਾ (8-8 ਜਿੱਤਾਂ) ਦਾ ਰਿਕਾਰਡ ਤੋੜ ਦਿੱਤਾ ਹੈ।