- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਭਾਰਤ ਨੂੰ ਦੋ ICC ਟਰਾਫੀਆਂ ਦਿਵਾਉਣ ਦੇ ਬਾਵਜੂਦ ਸੌਰਵ ਗਾਂਗੁਲੀ ਨੇ ਗੌਤਮ ਗੰਭੀਰ ਨੂੰ ਦਿੱਤੀ ਚਿਤਾਵਨੀ; ਬੋਲੇ - 'ਉਨ੍ਹਾਂ ਦੀ ਅਸਲੀ ਪ੍ਰੀਖਿਆ ਅਜੇ ਬਾਕੀ ਹੈ...'
ਗਾਂਗੁਲੀ ਦਾ ਮੰਨਣਾ ਹੈ ਕਿ ਗੰਭੀਰ ਚੰਗੇ ਕੋਚ ਹਨ ਪਰ ਉਨ੍ਹਾਂ ਦੀ ਅਸਲੀ ਪ੍ਰੀਖਿਆ 2027 ਵਿੱਚ ਹੋਣ ਵਾਲੀ ਹੈ। ਸਾਬਕਾ ਭਾਰਤੀ ਕਪਤਾਨ ਦਾ ਕਹਿਣਾ ਹੈ ਕਿ ਦੱਖਣੀ ਅਫਰੀਕਾ ਵਿੱਚ ਹੋਣ ਵਾਲਾ ਵਿਸ਼ਵ ਕੱਪ ਗੌਤਮ ਲਈ ਅਸਲੀ ਇਮਤਿਹਾਨ ਹੋਵੇਗਾ। ਉਨ੍ਹਾਂ ਨੇ ਇਸ ਦਾ ਕਾਰਨ ਦੱਖਣੀ ਅਫਰੀਕਾ ਦੀਆਂ ਮੁਸ਼ਕਲ ਪਰਿਸਥਿਤੀਆਂ ਨੂੰ ਦੱਸਿਆ ਹੈ।
Posted By alisha
Publish Date: Sat, 14 Mar 2026 10:59 AM (IST)
Updated Date: Sat, 14 Mar 2026 11:08 AM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਭਾਰਤੀ ਟੀਮ ਦੇ ਹੈੱਡ ਕੋਚ ਗੌਤਮ ਗੰਭੀਰ ਨੇ ਆਪਣੀ ਕੋਚਿੰਗ ਹੇਠ ਟੀਮ ਇੰਡੀਆ ਨੂੰ ਦੋ ਆਈਸੀਸੀ (ICC) ਟਰਾਫੀਆਂ ਜਿਤਾਈਆਂ ਹਨ। ਉਹ ਭਾਰਤ ਨੂੰ ਦੋ ਆਈਸੀਸੀ ਟਰਾਫੀਆਂ ਦਿਵਾਉਣ ਵਾਲੇ ਪਹਿਲੇ ਕੋਚ ਬਣ ਗਏ ਹਨ। ਗੰਭੀਰ ਦੀ ਕੋਚਿੰਗ ਵਿੱਚ ਟੀਮ ਇੰਡੀਆ ਨੇ ਚੈਂਪੀਅਨਜ਼ ਟਰਾਫੀ 2025 ਅਤੇ ਫਿਰ ਟੀ-20 ਵਰਲਡ ਕੱਪ 2026 ਆਪਣੇ ਨਾਮ ਕੀਤਾ। ਇੱਕ ਸਫਲ ਕੋਚ ਬਣਨ ਦੇ ਬਾਵਜੂਦ ਭਾਰਤ ਦੇ ਸਾਬਕਾ ਕਪਤਾਨ ਸੌਰਵ ਗਾਂਗੁਲੀ ਨੇ ਉਨ੍ਹਾਂ ਨੂੰ ਸੁਚੇਤ ਕੀਤਾ ਹੈ।
ਗਾਂਗੁਲੀ ਦਾ ਮੰਨਣਾ ਹੈ ਕਿ ਗੰਭੀਰ ਚੰਗੇ ਕੋਚ ਹਨ ਪਰ ਉਨ੍ਹਾਂ ਦੀ ਅਸਲੀ ਪ੍ਰੀਖਿਆ 2027 ਵਿੱਚ ਹੋਣ ਵਾਲੀ ਹੈ। ਸਾਬਕਾ ਭਾਰਤੀ ਕਪਤਾਨ ਦਾ ਕਹਿਣਾ ਹੈ ਕਿ ਦੱਖਣੀ ਅਫਰੀਕਾ ਵਿੱਚ ਹੋਣ ਵਾਲਾ ਵਿਸ਼ਵ ਕੱਪ ਗੌਤਮ ਲਈ ਅਸਲੀ ਇਮਤਿਹਾਨ ਹੋਵੇਗਾ। ਉਨ੍ਹਾਂ ਨੇ ਇਸ ਦਾ ਕਾਰਨ ਦੱਖਣੀ ਅਫਰੀਕਾ ਦੀਆਂ ਮੁਸ਼ਕਲ ਪਰਿਸਥਿਤੀਆਂ ਨੂੰ ਦੱਸਿਆ ਹੈ। ਦੱਸ ਦੇਈਏ ਕਿ ਵਰਲਡ ਕੱਪ 2027 ਦੱਖਣੀ ਅਫਰੀਕਾ, ਜ਼ਿੰਬਾਬਵੇ ਅਤੇ ਨਾਮੀਬੀਆ ਦੀ ਮੇਜ਼ਬਾਨੀ ਵਿੱਚ ਅਕਤੂਬਰ-ਨਵੰਬਰ ਵਿੱਚ ਖੇਡਿਆ ਜਾਵੇਗਾ, ਜੋ ਗੰਭੀਰ ਲਈ ਬਹੁਤ ਅਹਿਮ ਹੋਵੇਗਾ।
ਸੌਰਵ ਗਾਂਗੁਲੀ ਨੇ ਗੌਤਮ ਗੰਭੀਰ ਨੂੰ ਦਿੱਤੀ ਚਿਤਾਵਨੀ
ਸੌਰਵ ਗਾਂਗੁਲੀ ਨੇ ਕਿਹਾ, "ਸਫੇਦ ਗੇਂਦ ਦੀ ਕ੍ਰਿਕਟ ਵਿੱਚ ਗੰਭੀਰ ਦੀ ਅਸਲੀ ਪ੍ਰੀਖਿਆ ਦੱਖਣੀ ਅਫਰੀਕਾ ਵਿੱਚ 2027 ਵਿੱਚ ਹੋਵੇਗੀ। ਉੱਥੋਂ ਦੇ ਹਾਲਾਤ ਗੌਤਮ ਦੀ ਪ੍ਰੀਖਿਆ ਲੈਣਗੇ ਪਰ ਮੈਨੂੰ ਭਰੋਸਾ ਹੈ ਕਿ ਉਨ੍ਹਾਂ ਕੋਲ ਜੋ ਟੀਮ ਹੈ, ਉਸ ਦੇ ਨਾਲ ਉਹ ਵਧੀਆ ਪ੍ਰਦਰਸ਼ਨ ਕਰਨਗੇ।"
ਜ਼ਿਕਰਯੋਗ ਹੈ ਕਿ ਭਾਰਤ ਨੇ 2011 ਵਿੱਚ ਆਖਰੀ ਵਾਰ ਵਨਡੇ ਵਿਸ਼ਵ ਕੱਪ ਜਿੱਤਿਆ ਸੀ। ਉਸ ਤੋਂ ਬਾਅਦ ਟੀਮ ਇੰਡੀਆ ਨੂੰ 2023 ਵਿੱਚ ਘਰੇਲੂ ਮੈਦਾਨ 'ਤੇ ਆਸਟ੍ਰੇਲੀਆ ਹੱਥੋਂ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਅਜਿਹੇ ਵਿੱਚ ਗੰਭੀਰ 'ਤੇ ਵੀ ਦਬਾਅ ਹੈ ਕਿ ਉਹ ਟੀਮ ਇੰਡੀਆ ਨੂੰ 2027 ਵਿੱਚ ਵਿਸ਼ਵ ਜੇਤੂ ਬਣਾਉਣ। ਗਾਂਗੁਲੀ ਨੇ ਇਸ ਨੂੰ ਹੀ ਉਨ੍ਹਾਂ ਦੀ ਅਸਲੀ ਪ੍ਰੀਖਿਆ ਦੱਸਿਆ ਹੈ। ਦੂਜੇ ਪਾਸੇ ਸਾਬਕਾ ਭਾਰਤੀ ਕਪਤਾਨ ਨੇ ਟੈਸਟ ਕ੍ਰਿਕਟ ਵਿੱਚ ਸੁਧਾਰ ਦੀ ਗੱਲ ਵੀ ਕੀਤੀ।
ਟੈਸਟ ਕ੍ਰਿਕਟ 'ਚ ਸੁਧਾਰ ਦੀ ਲੋੜ: ਗਾਂਗੁਲੀ
ਗਾਂਗੁਲੀ ਨੇ 'ਮਨੀ ਕੰਟਰੋਲ' ਨਾਲ ਗੱਲ ਕਰਦੇ ਹੋਏ ਕਿਹਾ, "ਲਾਲ ਗੇਂਦ ਵਿੱਚ ਭਾਰਤੀ ਟੀਮ ਨੂੰ ਗੇਂਦਬਾਜ਼ੀ ਵਿੱਚ ਸੁਧਾਰ ਕਰਨ ਦੀ ਲੋੜ ਹੈ। ਇਸ ਦਾ ਸਭ ਤੋਂ ਸੌਖਾ ਤਰੀਕਾ ਇਹ ਹੈ ਕਿ ਉਹ ਵਿਕਟ ਬਾਰੇ ਜ਼ਿਆਦਾ ਨਾ ਸੋਚਣ। ਇੰਗਲੈਂਡ ਦੀ ਸੀਰੀਜ਼ ਵਿੱਚ ਉਹ ਪਿੱਚ ਨੂੰ ਲੈ ਕੇ ਜ਼ਿਆਦਾ ਕੁਝ ਨਹੀਂ ਕਰ ਸਕੇ, ਤੁਸੀਂ ਦੇਖ ਸਕਦੇ ਹੋ ਨਤੀਜਾ ਕੀ ਰਿਹਾ। ਘਰੇਲੂ ਮੈਚਾਂ ਵਿੱਚ ਟਰਨਿੰਗ ਪਿੱਚਾਂ 'ਤੇ ਖੇਡਣ ਦੀ ਲੋੜ ਨਹੀਂ ਹੈ। ਚੰਗੀਆਂ ਵਿਕਟਾਂ ਚੰਗੇ ਨਤੀਜੇ ਦੇ ਸਕਦੀਆਂ ਹਨ।"
ਟੀਮ ਇੰਡੀਆ ਦੇ ਸਾਬਕਾ ਕਪਤਾਨ ਨੇ ਅੱਗੇ ਕਿਹਾ, "ਗੌਤਮ ਇੱਕ ਬਹੁਤ ਚੰਗੇ ਕੋਚ ਹਨ। ਬਾਰਡਰ-ਗਾਵਸਕਰ ਟਰਾਫੀ ਤੋਂ ਪਹਿਲਾਂ ਮੈਂ ਇੱਕ ਮੰਚ 'ਤੇ ਕਿਹਾ ਸੀ ਕਿ ਸਾਨੂੰ ਉਨ੍ਹਾਂ ਨੂੰ ਥੋੜ੍ਹਾ ਸਮਾਂ ਦੇਣ ਦੀ ਲੋੜ ਹੈ। ਇਨ੍ਹਾਂ ਹਾਲਾਤਾਂ ਵਿੱਚ ਉਹ ਸਫੇਦ ਗੇਂਦ ਦੀ ਕ੍ਰਿਕਟ ਵਿੱਚ ਬਹੁਤ ਵਧੀਆ ਕੋਚ ਹਨ। ਉਨ੍ਹਾਂ ਕੋਲ ਬਹੁਤ ਵਧੀਆ ਟੀਮ ਵੀ ਹੈ।"