'ਮੇਰੀ ਕਾਮਯਾਬੀ ਤੋਂ ਜਲਣ...', SRH ਤੋਂ ਹਾਰ ਤੋਂ ਬਾਅਦ ਕਪਤਾਨ Ajinkya Rahane ਦੇ ਵੱਡੇ ਬੋਲ; ਕਿਸ ਨੂੰ ਕਰਵਾਇਆ ਚੁੱਪ?

ਉੱਥੇ ਹੀ, SRH ਦੇ ਖਿਲਾਫ ਆਪਣਾ 200ਵਾਂ IPL ਮੈਚ ਖੇਡਣ ਉਤਰੇ ਕਪਤਾਨ ਰਹਾਣੇ (KKR Captain Ajinkya Rahane) ਕੋਈ ਖਾਸ ਪ੍ਰਭਾਵ ਨਹੀਂ ਛੱਡ ਸਕੇ। 227 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦਿਆਂ ਉਨ੍ਹਾਂ ਨੇ 10 ਗੇਂਦਾਂ ਵਿੱਚ ਸਿਰਫ਼ 8 ਦੌੜਾਂ ਬਣਾਈਆਂ, ਜਿੱਥੇ ਉਨ੍ਹਾਂ ਦਾ ਸਟ੍ਰਾਈਕ ਰੇਟ 80 ਦਾ ਰਿਹਾ। ਹਾਲਾਂਕਿ, ਅੰਕੜੇ ਦੱਸਦੇ ਹਨ ਕਿ IPL 2023 ਤੋਂ ਬਾਅਦ, ਭਾਰਤੀਆਂ ਵਿੱਚ ਪਾਵਰਪਲੇ ਦੇ ਦੌਰਾਨ ਸਿਰਫ਼ SRH ਦੇ ਅਭਿਸ਼ੇਕ ਸ਼ਰਮਾ (176.56) ਦਾ ਸਟ੍ਰਾਈਕ ਰੇਟ ਰਹਾਣੇ (167.78) ਨਾਲੋਂ ਬਿਹਤਰ ਹੈ।

ਇਸ ਸੀਜ਼ਨ ਵਿੱਚ ਕੇਕੇਆਰ ਦੀ ਇਹ ਲਗਾਤਾਰ ਦੂਜੀ ਹਾਰ ਰਹੀ। ਹਾਰ ਤੋਂ ਬਾਅਦ ਜਦੋਂ ਕਪਤਾਨ ਰਹਾਣੇ ਨੂੰ ਉਨ੍ਹਾਂ ਦੇ ਸਟ੍ਰਾਈਕ ਰੇਟ, ਓਪਨਿੰਗ ਰੋਲ ਅਤੇ ਬੈਟਿੰਗ ਪਹੁੰ ਬਾਰੇ ਸਵਾਲ ਕੀਤਾ ਗਿਆ ਤਾਂ ਉਨ੍ਹਾਂ ਨੇ ਕਿਹਾ:

"ਸਾਲ 2023 ਤੋਂ ਮੇਰਾ ਸਟ੍ਰਾਈਕ ਰੇਟ ਸਭ ਤੋਂ ਬਿਹਤਰ ਵਿੱਚੋਂ ਇੱਕ ਹੈ। ਜੋ ਲੋਕ ਮੇਰੇ ਬਾਰੇ ਗੱਲ ਕਰ ਰਹੇ ਹਨ, ਉਹ ਸ਼ਾਇਦ ਮੈਚ ਨਹੀਂ ਦੇਖ ਰਹੇ ਜਾਂ ਉਨ੍ਹਾਂ ਦਾ ਕੋਈ ਏਜੰਡਾ ਹੈ। ਉਨ੍ਹਾਂ ਨੂੰ ਮੈਨੂੰ ਖੇਡਦੇ ਦੇਖਣਾ ਪਸੰਦ ਨਹੀਂ ਹੈ। ਮੈਨੂੰ ਜਿੰਨੀ ਸਫਲਤਾ ਮਿਲੀ ਹੈ, ਮੈਨੂੰ ਲੱਗਦਾ ਹੈ ਕਿ ਉਹ ਉਸ ਤੋਂ ਸੜਦੇ (ਜਲਦੇ) ਹਨ।"

- ਅਜਿੰਕਿਆ ਰਹਾਣੇ

ਰਹਾਣੇ ਨੇ ਅੱਗੇ ਕਿਹਾ:

"ਮੇਰਾ ਇਰਾਦਾ ਸਾਫ਼ ਸੀ। ਕਦੇ-ਕਦੇ ਇੱਕ ਬੱਲੇਬਾਜ਼ ਦੇ ਤੌਰ 'ਤੇ ਤੁਹਾਨੂੰ ਉਹ ਲੈਅ ਨਹੀਂ ਮਿਲਦੀ। ਜੋ ਲੋਕ ਗੱਲਾਂ ਕਰ ਰਹੇ ਹਨ, ਉਹ ਜਾਂ ਤਾਂ ਖੇਡ ਨਹੀਂ ਸਮਝਦੇ, ਜਾਂ ਉਹ ਚਾਹੁੰਦੇ ਹਨ ਕਿ ਮੈਂ ਇੱਕ ਵੱਖਰੀ ਤਰ੍ਹਾਂ ਦੀ ਪਾਰੀ ਖੇਡਾਂ। ਉਨ੍ਹਾਂ ਨੂੰ ਉਮੀਦ ਨਹੀਂ ਸੀ ਕਿ ਅਜਿੰਕਿਆ ਰਹਾਣੇ ਆਪਣੇ ਖੇਡ ਵਿੱਚ ਇੰਨਾ ਸੁਧਾਰ ਕਰਨਗੇ। ਮੈਂ ਖੁਸ਼ ਹਾਂ ਕਿ ਉਹ ਮੇਰੇ ਬਾਰੇ ਗੱਲ ਕਰ ਰਹੇ ਹਨ, ਚਾਹੇ ਉਹ ਨਕਾਰਾਤਮਕ ਹੋਵੇ ਜਾਂ ਸਕਾਰਾਤਮਕ। ਉਨ੍ਹਾਂ ਨੂੰ ਗੱਲਾਂ ਕਰਨ ਦਿਓ। ਪਰ ਫਿਨ ਐਲਨ ਨਾਲ ਮੇਰੀ ਸਾਂਝੇਦਾਰੀ ਬਹੁਤ ਵਧੀਆ ਰਹੀ ਹੈ। ਪਹਿਲੇ 6 ਓਵਰਾਂ ਵਿੱਚ ਤੁਹਾਨੂੰ ਨਿਡਰ ਹੋ ਕੇ ਅਤੇ ਆਜ਼ਾਦੀ ਨਾਲ ਕ੍ਰਿਕਟ ਖੇਡਣੀ ਹੁੰਦੀ ਹੈ। ਕਈ ਵਾਰ ਤੁਸੀਂ ਸੰਘਰਸ਼ ਕਰੋਗੇ ਅਤੇ ਉਹ ਠੀਕ ਹੈ, ਉਸ ਨੂੰ ਸਵੀਕਾਰ ਕਰਨਾ ਜ਼ਰੂਰੀ ਹੈ।"

- ਰਹਾਣੇ, ਕੇਕੇਆਰ ਦੇ ਕਪਤਾਨ

ਹਾਰ ਦਾ ਦੱਸਿਆ ਕਾਰਨ

ਸਨਰਾਈਜ਼ਰਜ਼ ਹੈਦਰਾਬਾਦ (SRH) ਦੇ ਖਿਲਾਫ ਆਪਣੀ ਟੀਮ ਦੀ ਹਾਰ ਦਾ ਕਾਰਨ ਵਿਚਲੇ ਓਵਰਾਂ ਵਿੱਚ ਅਹਿਮ ਸਾਂਝੇਦਾਰੀਆਂ ਦੀ ਕਮੀ ਨੂੰ ਦੱਸਿਆ। ਮੈਚ ਤੋਂ ਬਾਅਦ ਰਹਾਣੇ ਨੇ ਕਿਹਾ, "ਹਾਂ, ਮੈਨੂੰ ਲੱਗਾ ਕਿ ਸਾਨੂੰ ਕੁਝ ਵੱਡੀਆਂ ਸਾਂਝੇਦਾਰੀਆਂ ਦੀ ਲੋੜ ਸੀ। ਜੋ ਖਿਡਾਰੀ ਟਿਕ ਚੁੱਕੇ ਸਨ, ਉਨ੍ਹਾਂ ਨੂੰ ਪਾਰੀ ਨੂੰ ਅਖੀਰ ਤੱਕ ਲੈ ਕੇ ਜਾਣਾ ਚਾਹੀਦਾ ਸੀ। ਜਦੋਂ ਉਹ ਇੱਕ ਵੱਡੇ ਸਕੋਰ ਵੱਲ ਵਧਦੇ ਦਿਖ ਰਹੇ ਸਨ, ਉਦੋਂ ਅਸੀਂ ਗੇਂਦਬਾਜ਼ੀ ਵਿੱਚ ਜ਼ਬਰਦਸਤ ਵਾਪਸੀ ਕੀਤੀ, ਪਰ ਟੀਚੇ ਦਾ ਪਿੱਛਾ ਕਰਦੇ ਸਮੇਂ ਅਸੀਂ ਉਹੀ ਸਾਂਝੇਦਾਰੀਆਂ ਨਹੀਂ ਬਣਾ ਸਕੇ।"

ਘਰੇਲੂ ਮੈਚ ਜਿੱਤਣ ਦੀ ਅਹਿਮੀਅਤ 'ਤੇ ਜਦੋਂ ਉਨ੍ਹਾਂ ਨੂੰ ਸਵਾਲ ਕੀਤਾ ਗਿਆ ਤਾਂ ਉਨ੍ਹਾਂ ਨੇ ਕਿਹਾ:

"ਜੀ ਬਿਲਕੁਲ, ਹੋਮ ਗੇਮ ਜਿੱਤਣਾ ਬਹੁਤ ਜ਼ਰੂਰੀ ਹੈ। ਹੁਣ ਸਾਨੂੰ ਵਾਪਸ ਰਣਨੀਤੀ ਬਣਾਉਣੀ ਹੋਵੇਗੀ ਅਤੇ ਆਪਣੇ ਕੰਬੀਨੇਸ਼ਨ 'ਤੇ ਵਿਚਾਰ ਕਰਨਾ ਹੋਵੇਗਾ। ਸਾਨੂੰ ਸੋਚਣਾ ਹੋਵੇਗਾ ਕਿ ਕੀ ਅਸੀਂ ਆਪਣੀ ਲਾਈਨਅੱਪ ਵਿੱਚ ਇੱਕ ਵਾਧੂ ਬੱਲੇਬਾਜ਼ ਸ਼ਾਮਲ ਕਰ ਸਕਦੇ ਹਾਂ। ਸਾਡੇ ਕੋਲ 3-4 ਦਿਨਾਂ ਦਾ ਸਮਾਂ ਹੈ ਅਤੇ ਅਸੀਂ ਬਹੁਤ ਜ਼ਿਆਦਾ ਤਣਾਅ ਨਹੀਂ ਲੈਣਾ ਚਾਹੁੰਦੇ। ਖਿਡਾਰੀ ਚੰਗਾ ਕਰ ਰਹੇ ਹਨ, ਬੱਸ ਬੱਲੇਬਾਜ਼ੀ ਵਿੱਚ ਅੱਜ ਸਾਡਾ ਦਿਨ ਖਰਾਬ ਸੀ।

ਪਿਛਲੇ ਮੈਚ ਵਿੱਚ ਅਸੀਂ ਬਿਹਤਰੀਨ ਪ੍ਰਦਰਸ਼ਨ ਕੀਤਾ ਸੀ। ਬੱਸ ਛੋਟੀਆਂ ਸਾਂਝੇਦਾਰੀਆਂ ਦੀ ਲੋੜ ਸੀ। ਜੇਕਰ ਸਾਡੇ ਬੱਲੇਬਾਜ਼ ਸਕਾਰਾਤਮਕ ਮਾਨਸਿਕਤਾ ਅਤੇ ਥੋੜੀ ਹੋਰ ਸਮਝਦਾਰੀ ਨਾਲ ਖੇਡਣ, ਤਾਂ ਮੈਨੂੰ ਲੱਗਦਾ ਹੈ ਕਿ ਸਭ ਠੀਕ ਹੋ ਜਾਵੇਗਾ।"

- ਰਹਾਣੇ

KKR vs SRH IPL 2026: ਕੇਕੇਆਰ ਦੀ ਲਗਾਤਾਰ ਦੂਜੀ ਹਾਰ

ਮੈਚ ਦੀ ਗੱਲ ਕਰੀਏ ਤਾਂ 227 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਕੇਕੇਆਰ (SRH vs KKR Highlights) ਦੀ ਟੀਮ 161 ਦੌੜਾਂ 'ਤੇ ਸਿਮਟ ਗਈ। ਟੀਮ ਇੱਕ ਵੀ 50 ਦੌੜਾਂ ਦੀ ਸਾਂਝੇਦਾਰੀ ਨਹੀਂ ਬਣਾ ਸਕੀ ਅਤੇ 120/3 ਤੋਂ 41 ਦੌੜਾਂ ਦੇ ਅੰਦਰ ਹੀ ਟੀਮ ਨੇ 7 ਵਿਕਟਾਂ ਗੁਆ ਦਿੱਤੀਆਂ। ਹਾਰ ਲਈ ਰਹਾਣੇ ਨੇ ਪਿੱਚ ਨੂੰ ਜ਼ਿੰਮੇਵਾਰ ਨਹੀਂ ਠਹਿਰਾਇਆ। ਉਨ੍ਹਾਂ ਕਿਹਾ ਕਿ ਵਿਕਟ ਚੰਗੀ ਸੀ। ਗੇਂਦਬਾਜ਼ਾਂ ਨੇ 10 ਓਵਰਾਂ ਤੋਂ ਬਾਅਦ ਸ਼ਾਨਦਾਰ ਵਾਪਸੀ ਕੀਤੀ। ਇੱਕ ਸਮੇਂ ਹੈਦਰਾਬਾਦ 250-260 ਵੱਲ ਵਧ ਰਹੀ ਸੀ, ਪਰ ਅਸੀਂ ਉਨ੍ਹਾਂ ਨੂੰ ਰੋਕਿਆ।

ਦੱਸ ਦੇਈਏ ਕਿ ਰਹਾਣੇ ਟੂਰਨਾਮੈਂਟ ਦੇ ਇਤਿਹਾਸ ਵਿੱਚ 9ਵੇਂ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਖਿਡਾਰੀ ਹਨ। ਉਨ੍ਹਾਂ ਨੇ 185 ਪਾਰੀਆਂ ਵਿੱਚ 30.58 ਦੀ ਔਸਤ ਅਤੇ 125.32 ਦੇ ਸਟ੍ਰਾਈਕ ਰੇਟ ਨਾਲ 5,107 ਦੌੜਾਂ ਬਣਾਈਆਂ ਹਨ, ਜਿਸ ਵਿੱਚ ਦੋ ਸੈਂਕੜੇ ਅਤੇ 34 ਅਰਧ ਸੈਂਕੜੇ ਸ਼ਾਮਲ ਹਨ।

ਉੱਥੇ ਹੀ, KKR ਦੇ ਇਤਿਹਾਸ ਵਿੱਚ ਇਹ ਸਿਰਫ਼ ਦੂਜੀ ਵਾਰ ਹੈ ਜਦੋਂ ਉਨ੍ਹਾਂ ਨੇ ਸੀਜ਼ਨ ਦੀ ਇੰਨੀ ਖ਼ਰਾਬ ਸ਼ੁਰੂਆਤ ਕੀਤੀ ਹੈ, ਜਿੱਥੇ ਉਨ੍ਹਾਂ ਨੂੰ ਆਪਣੇ ਪਹਿਲੇ ਦੋਵੇਂ ਮੈਚਾਂ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ।

ਤਿੰਨ ਵਾਰ ਦੀ IPL ਚੈਂਪੀਅਨ KKR ਦੀਆਂ ਨਜ਼ਰਾਂ ਹੁਣ ਘਰੇਲੂ ਮੈਦਾਨ 'ਤੇ ਹੋਣ ਵਾਲੇ ਮੈਚਾਂ ਵਿੱਚ ਵਾਪਸੀ ਕਰਨ 'ਤੇ ਹੋਣਗੀਆਂ। ਉਨ੍ਹਾਂ ਦਾ ਅਗਲਾ ਮੁਕਾਬਲਾ 6 ਅਪ੍ਰੈਲ ਨੂੰ ਪੰਜਾਬ ਕਿੰਗਜ਼ ਅਤੇ 9 ਅਪ੍ਰੈਲ ਨੂੰ ਲਖਨਊ ਸੁਪਰ ਜਾਇੰਟਸ ਨਾਲ ਹੋਵੇਗਾ।