'ਅਭਿਸ਼ੇਕ ਸ਼ਰਮਾ ਤੋਂ ਸਾਰੇ ਭਾਰਤੀ ਖਿਡਾਰੀ ਸੜਦੇ ਹਨ', ਸੰਜੂ ਸੈਮਸਨ ਨੇ ਡਰੈਸਿੰਗ ਰੂਮ ਦਾ ਖੋਲ੍ਹਿਆ ਸਭ ਤੋਂ ਵੱਡਾ ਰਾਜ਼

ਸੰਜੂ ਸੈਮਸਨ ਨੇ ਕੀਤੀ ਅਭਿਸ਼ੇਕ ਸ਼ਰਮਾ ਦੀ ਤਾਰੀਫ਼

ਸੈਮਸਨ ਨੇ ਕਿਹਾ, "ਹਰ ਕੋਈ ਬਰਫ਼ ਅਤੇ ਅੱਗ ਨਹੀਂ ਹੈ, ਅਸੀਂ ਅੱਗ ਅਤੇ ਅੱਗ ਹਾਂ। ਕਦੇ ਉਹ ਸ਼ਾਟ ਖੇਡਦਾ ਹੈ, ਤਾਂ ਕਦੇ ਮੈਂ ਖੇਡਦਾ ਹਾਂ। ਸਾਡਾ ਤਾਲਮੇਲ ਅਜਿਹਾ ਹੀ ਹੈ ਅਤੇ 2024 ਤੋਂ ਅਸੀਂ ਇਹੀ ਕਰਦੇ ਆ ਰਹੇ ਹਾਂ। ਅਸੀਂ ਦੋਵੇਂ ਚੀਜ਼ਾਂ ਨੂੰ ਸਰਲ ਰੱਖਣ ਦੀ ਕੋਸ਼ਿਸ਼ ਕਰਦੇ ਹਾਂ ਅਤੇ ਸਾਡੇ ਵਿਚਕਾਰ ਕੇਰਲ-ਪੰਜਾਬੀ ਦੋਸਤੀ ਹੈ।

ਉਹ ਮੈਨੂੰ ਪੁੱਛਦਾ ਹੈ ਕਿ ਗੇਂਦ ਕਿਵੇਂ ਆ ਰਹੀ ਹੈ? ਮੈਂ ਦੱਸਦਾ ਹਾਂ ਕਿ ਆਮ ਵਾਂਗ ਆ ਰਹੀ ਹੈ ਅਤੇ ਫਿਰ ਉਸ ਨੂੰ ਛੱਕਾ ਮਾਰ ਦਿੰਦਾ ਹਾਂ। ਅਭਿਸ਼ੇਕ ਦਾ ਸੁਭਾਅ ਮੈਨੂੰ ਬਹੁਤ ਪਸੰਦ ਹੈ ਅਤੇ ਉਹ ਬਹੁਤ ਦਲੇਰ ਹੈ। ਮੈਨੂੰ ਮੈਦਾਨ 'ਤੇ ਅਤੇ ਮੈਦਾਨ ਦੇ ਬਾਹਰ ਉਸ ਨਾਲ ਪਾਰਟਨਰਸ਼ਿਪ ਬਹੁਤ ਪਸੰਦ ਹੈ।"

ਅਭਿਸ਼ੇਕ ਸ਼ਰਮਾ ਤੋਂ ਸੜਦੇ ਸਨ ਭਾਰਤੀ ਖਿਡਾਰੀ: ਸੈਮਸਨ

ਭਾਰਤੀ ਓਪਨਰ ਨੇ ਗੱਲਬਾਤ ਕਰਦਿਆਂ ਕਿਹਾ, "ਪਹਿਲਾਂ ਅਭਿਸ਼ੇਕ ਸ਼ਰਮਾ ਤੋਂ ਟੀਮ ਦੇ ਖਿਡਾਰੀ ਸੜਦੇ ਸਨ। ਇਸ ਦਾ ਕਾਰਨ ਇਹ ਸੀ ਕਿ ਮੈਦਾਨ 'ਤੇ ਉਸ ਦੇ ਲਈ ਦਰਸ਼ਕ ਬਹੁਤ ਤਾਲੀਆਂ ਵਜਾਉਂਦੇ ਸਨ। ਅਸੀਂ ਇਹੀ ਸੋਚਦੇ ਸੀ ਕਿ ਕੀ ਲੋਕ ਸਿਰਫ਼ ਉਸ ਨੂੰ ਹੀ ਦੇਖਣਾ ਪਸੰਦ ਕਰਦੇ ਹਨ। ਹਾਲਾਂਕਿ, ਹੁਣ ਉਹ ਸਾਡੀ ਟੀਮ ਦਾ ਸੁਪਰਸਟਾਰ ਹੈ। ਜਲਦੀ ਵਿਆਹ ਕਰ ਲਓ ਭਾਈ।"

ਫਾਈਨਲ ਵਿੱਚ ਸੰਜੂ-ਅਭਿਸ਼ੇਕ ਦੀ ਜੋੜੀ ਨੇ ਮਚਾਈ ਤਬਾਹੀ

ਨਿਊਜ਼ੀਲੈਂਡ ਦੇ ਖ਼ਿਲਾਫ਼ 8 ਮਾਰਚ ਨੂੰ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਅਭਿਸ਼ੇਕ ਸ਼ਰਮਾ ਅਤੇ ਸੰਜੂ ਸੈਮਸਨ ਦੀ ਜੋੜੀ ਨੇ ਧਮਾਲ ਮਚਾ ਦਿੱਤੀ। ਦੋਵਾਂ ਨੇ ਕੀਵੀ ਗੇਂਦਬਾਜ਼ਾਂ ਦੀ ਰਜ ਕੇ ਕੁਟਾਈ ਕਰਦਿਆਂ ਪਹਿਲੇ ਵਿਕਟ ਲਈ 98 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਸੀ। ਉਨ੍ਹਾਂ ਦੀ ਤੇਜ਼-ਤਰਾਰ ਸ਼ੁਰੂਆਤ ਦੀ ਬਦੌਲਤ ਭਾਰਤ ਨੇ ਫਾਈਨਲ ਵਿੱਚ 255 ਦੌੜਾਂ ਦਾ ਵਿਸ਼ਾਲ ਸਕੋਰ ਖੜ੍ਹਾ ਕੀਤਾ ਅਤੇ ਮੁਕਾਬਲੇ ਨੂੰ 96 ਦੌੜਾਂ ਨਾਲ ਆਪਣੇ ਨਾਮ ਕਰ ਲਿਆ।