ਇੰਗਲੈਂਡ ਦੇ ਗੇਂਦਬਾਜ਼ਾਂ ਲਈ ਕਾਲ ਬਣਿਆ 14 ਸਾਲ ਦਾ ਮੁੰਡਾ : ਲਕਸ਼ਮਣ ਨੇ ਕਿਹਾ ਸੀ- 'ਖੁੱਲ੍ਹ ਕੇ ਖੇਡ', ਵੈਭਵ ਨੇ ਰਚ ਦਿੱਤਾ ਇਤਿਹਾਸ

ਵੈਭਵ ਨੇ ਆਪਣੀ 175 ਦੌੜਾਂ ਦੀ ਵਿਸਫੋਟਕ ਪਾਰੀ ਵਿੱਚ 15 ਚੌਕੇ ਅਤੇ 15 ਛੱਕੇ ਲਗਾਏ। ਉਸ ਦਾ ਸਟ੍ਰਾਈਕ ਰੇਟ 218.75 ਰਿਹਾ। ਇਸ ਪਾਰੀ ਦੇ ਨਾਲ ਹੀ ਉਹ ਅੰਡਰ-19 ਵਿਸ਼ਵ ਕੱਪ ਅਤੇ ਯੂਥ ਵਨਡੇ ਦੀ ਇੱਕ ਪਾਰੀ ਵਿੱਚ ਸਭ ਤੋਂ ਵੱਧ ਛੱਕੇ ਲਗਾਉਣ ਵਾਲਾ ਬੱਲੇਬਾਜ਼ ਬਣ ਗਿਆ ਹੈ।

55 ਗੇਂਦਾਂ 'ਚ ਸੈਂਕੜਾ, ਰਿਕਾਰਡ ਬੁੱਕ 'ਚ ਦਰਜ ਹੋਇਆ ਨਾਂ

ਵੈਭਵ ਸੂਰਿਆਵੰਸ਼ੀ ਨੇ ਮਹਿਜ਼ 55 ਗੇਂਦਾਂ ਵਿੱਚ ਆਪਣਾ ਸੈਂਕੜਾ ਪੂਰਾ ਕੀਤਾ ਅਤੇ ਅੰਡਰ-19 ਵਿਸ਼ਵ ਕੱਪ ਦੇ ਇਤਿਹਾਸ ਵਿੱਚ ਦੂਜਾ ਸਭ ਤੋਂ ਤੇਜ਼ ਸੈਂਕੜਾ ਲਗਾਉਣ ਵਾਲਾ ਬੱਲੇਬਾਜ਼ ਬਣ ਗਿਆ। ਖ਼ਾਸ ਗੱਲ ਇਹ ਰਹੀ ਕਿ ਪੂਰੇ ਟੂਰਨਾਮੈਂਟ ਦੌਰਾਨ ਉਸ ਦੇ ਬੱਲੇ ਤੋਂ ਕੋਈ ਸੈਂਕੜਾ ਨਹੀਂ ਨਿਕਲਿਆ ਸੀ ਪਰ ਫਾਈਨਲ ਵਰਗੇ ਵੱਡੇ ਮੈਚ ਵਿੱਚ ਉਸ ਨੇ ਖ਼ੁਦ ਨੂੰ ਸਾਬਤ ਕਰ ਦਿੱਤਾ।

ਵੀਵੀਐਸ ਲਕਸ਼ਮਣ ਦੀ ਸਲਾਹ ਬਣੀ 'ਟਰਨਿੰਗ ਪੁਆਇੰਟ'

ਮੈਚ ਤੋਂ ਬਾਅਦ ਵੈਭਵ ਨੇ ਖੁਲਾਸਾ ਕੀਤਾ ਕਿ ਫਾਈਨਲ ਤੋਂ ਪਹਿਲਾਂ ਉਸ ਦੀ ਗੱਲਬਾਤ ਬੀਸੀਸੀਆਈ (BCCI) ਸੈਂਟਰ ਆਫ ਐਕਸੀਲੈਂਸ ਦੇ ਮੁਖੀ ਵੀਵੀਐਸ ਲਕਸ਼ਮਣ ਨਾਲ ਹੋਈ ਸੀ। ਲਕਸ਼ਮਣ ਨੇ ਉਸ ਨੂੰ ਸਲਾਹ ਦਿੱਤੀ ਸੀ। "100 ਦੇ ਪਿੱਛੇ ਨਾ ਭੱਜੋ, ਆਪਣੇ ਪ੍ਰੋਸੈਸ (ਪ੍ਰਕਿਰਿਆ) ਅਤੇ ਤਾਕਤ 'ਤੇ ਭਰੋਸਾ ਰੱਖੋ, ਸੈਂਕੜਾ ਆਪਣੇ ਆਪ ਆ ਜਾਵੇਗਾ।"

ਅੰਗਰੇਜ਼ ਗੇਂਦਬਾਜ਼ਾਂ ਦੀ ਬਣਾਈ ਰੇਲ

ਵੈਭਵ ਨੇ ਆਪਣੀ 175 ਦੌੜਾਂ ਦੀ ਵਿਸਫੋਟਕ ਪਾਰੀ ਵਿੱਚ 15 ਚੌਕੇ ਅਤੇ 15 ਛੱਕੇ ਲਗਾਏ। ਉਸ ਦਾ ਸਟ੍ਰਾਈਕ ਰੇਟ 218.75 ਰਿਹਾ। ਇਸ ਪਾਰੀ ਦੇ ਨਾਲ ਹੀ ਉਹ ਅੰਡਰ-19 ਵਿਸ਼ਵ ਕੱਪ ਅਤੇ ਯੂਥ ਵਨਡੇ ਦੀ ਇੱਕ ਪਾਰੀ ਵਿੱਚ ਸਭ ਤੋਂ ਵੱਧ ਛੱਕੇ ਲਗਾਉਣ ਵਾਲਾ ਬੱਲੇਬਾਜ਼ ਬਣ ਗਿਆ ਹੈ।

ਭਾਰਤ ਨੇ ਰਚਿਆ ਇਤਿਹਾਸ, 6ਵੀਂ ਵਾਰ ਬਣਿਆ ਚੈਂਪੀਅਨ

ਭਾਰਤ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 412 ਦੌੜਾਂ ਦਾ ਵਿਸ਼ਾਲ ਸਕੋਰ ਖੜ੍ਹਾ ਕੀਤਾ। ਜਵਾਬ ਵਿੱਚ ਇੰਗਲੈਂਡ ਦੀ ਟੀਮ 311 ਦੌੜਾਂ 'ਤੇ ਸਿਮਟ ਗਈ। ਭਾਰਤ ਨੇ 100 ਦੌੜਾਂ ਨਾਲ ਜਿੱਤ ਦਰਜ ਕਰਕੇ ਛੇਵੀਂ ਵਾਰ ਅੰਡਰ-19 ਵਿਸ਼ਵ ਕੱਪ ਦਾ ਖ਼ਿਤਾਬ ਆਪਣੇ ਨਾਂ ਕੀਤਾ।

ਬਿਹਾਰ ਤੋਂ ਦੇਸ਼ ਤੱਕ ਜਸ਼ਨ

ਵੈਭਵ ਸੂਰਿਆਵੰਸ਼ੀ ਦੀ ਇਸ ਇਤਿਹਾਸਕ ਪਾਰੀ 'ਤੇ ਬਿਹਾਰ ਦੇ ਮੁੱਖ ਮੰਤਰੀ ਤੋਂ ਲੈ ਕੇ ਪ੍ਰਧਾਨ ਮੰਤਰੀ ਤੱਕ ਨੇ ਵਧਾਈ ਦਿੱਤੀ ਹੈ। ਪੂਰੇ ਦੇਸ਼ ਵਿੱਚ ਬਿਹਾਰ ਦੇ ਇਸ ਲਾਲ ਦੀ ਚਰਚਾ ਹੋ ਰਹੀ ਹੈ। ਕ੍ਰਿਕਟ ਦੇ ਮੰਚ 'ਤੇ ਵੈਭਵ ਨੇ ਨਾ ਸਿਰਫ਼ ਭਾਰਤ, ਸਗੋਂ ਬਿਹਾਰ ਦਾ ਨਾਂ ਵੀ ਬੁਲੰਦੀਆਂ 'ਤੇ ਪਹੁੰਚਾ ਦਿੱਤਾ ਹੈ।