- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
14 ਸਾਲ ਦਾ ਤੂਫ਼ਾਨ, ਪਰ ਡੈਬਿਊ ਲਈ ਅਜੇ ਕਰਨਾ ਪਵੇਗਾ ਇੰਤਜ਼ਾਰ : ਵੈਭਵ ਦੇ ਕਰੀਅਰ 'ਚ ਆਇਆ ਅਜੀਬ ਮੋੜ
ਵੈਭਵ ਸੂਰਿਆਵੰਸ਼ੀ ਦਾ ਜਨਮ 27 ਮਾਰਚ 2011 ਨੂੰ ਹੋਇਆ ਸੀ। ਫਰਵਰੀ 2026 ਵਿੱਚ ਉਨ੍ਹਾਂ ਨੇ ਅੰਡਰ-19 ਵਿਸ਼ਵ ਕੱਪ ਜ਼ਰੂਰ ਜਿੱਤਿਆ ਪਰ ਤਕਨੀਕੀ ਤੌਰ 'ਤੇ ਉਹ ਅਜੇ 14 ਸਾਲ ਦੇ ਹਨ। ਹੁਣ ਇਹ ਮਾਇਨੇ ਨਹੀਂ ਰੱਖਦਾ ਕਿ ਉਹ ਕਿੰਨੀ ਵਾਰ 36 ਗੇਂਦਾਂ ਵਿੱਚ ਸੈਂਕੜਾ ਠੋਕਣ ਜਾਂ ਆਈਪੀਐਲ ਵਿੱਚ ਗੇਂਦਬਾਜ਼ਾਂ ਦੇ ਮਨ ਵਿੱਚ ਖੌਫ਼ ਪੈਦਾ ਕਰਨ, ਰਾਸ਼ਟਰੀ ਚੋਣਕਾਰਾਂ ਦੇ ਹੱਥ 27 ਮਾਰਚ 2026 ਤੱਕ ਬੱਝੇ ਹੋਏ ਹਨ।
Posted By alisha
Publish Date: Sat, 07 Feb 2026 11:30 AM (IST)
Updated Date: Sat, 07 Feb 2026 11:38 AM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਵੈਭਵ ਸੂਰਿਆਵੰਸ਼ੀ ਨੇ ਅੰਡਰ-19 ਵਿਸ਼ਵ ਕੱਪ ਦੇ ਫਾਈਨਲ ਵਿੱਚ ਆਪਣੀ ਤੂਫਾਨੀ ਪਾਰੀ ਨਾਲ ਭਾਰਤ ਨੂੰ ਛੇਵੀਂ ਵਾਰ ਚੈਂਪੀਅਨ ਬਣਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ। 14 ਸਾਲ ਦੇ ਵੈਭਵ ਨੇ ਇੰਗਲੈਂਡ ਦੇ ਗੇਂਦਬਾਜ਼ਾਂ ਦੀਆਂ ਧੱਜੀਆਂ ਉਡਾਉਂਦੇ ਹੋਏ ਸਿਰਫ਼ 80 ਗੇਂਦਾਂ ਵਿੱਚ 175 ਦੌੜਾਂ ਦੀ ਤਾਬੜਤੋੜ ਪਾਰੀ ਖੇਡੀ। ਖੱਬੇ ਹੱਥ ਦੇ ਬੱਲੇਬਾਜ਼ ਨੇ ਇੰਗਲਿਸ਼ ਗੇਂਦਬਾਜ਼ਾਂ ਨੂੰ ਦਿਨ ਵਿੱਚ ਤਾਰੇ ਦਿਖਾਏ ਅਤੇ 15 ਛੱਕੇ ਤੇ ਇੰਨੇ ਹੀ ਚੌਕੇ ਜੜੇ।
ਬਿਹਾਰ ਦੇ ਵੈਭਵ ਸੂਰਿਆਵੰਸ਼ੀ ਦੀ ਪ੍ਰਤਿਭਾ ਨੇ ਦੁਨੀਆ ਭਰ ਦੇ ਕ੍ਰਿਕਟ ਪ੍ਰੇਮੀਆਂ ਨੂੰ ਪ੍ਰਭਾਵਿਤ ਕੀਤਾ ਹੈ। ਕਈ ਸਾਬਕਾ ਕ੍ਰਿਕਟਰ ਤਾਂ ਕਹਿ ਚੁੱਕੇ ਹਨ ਕਿ ਵੈਭਵ ਨੂੰ ਸੀਨੀਅਰ ਭਾਰਤੀ ਟੀਮ ਵਿੱਚ ਜਗ੍ਹਾ ਮਿਲਣੀ ਚਾਹੀਦੀ ਹੈ ਪਰ BCCI ਦੇ ਚਾਹੁਣ ਦੇ ਬਾਵਜੂਦ ਵੀ ਵੈਭਵ ਸੂਰਿਆਵੰਸ਼ੀ ਨੂੰ ਸੀਨੀਅਰ ਟੀਮ ਵਿੱਚ ਜਗ੍ਹਾ ਨਹੀਂ ਮਿਲ ਸਕਦੀ।
ਵੈਭਵ ਲਈ ਰੁਕਾਵਟ
ਵੈਭਵ ਸੂਰਯਵੰਸ਼ੀ ਦੇ ਭਾਰਤੀ ਟੀਮ ਵਿੱਚ ਜਗ੍ਹਾ ਪਾਉਣ ਦੀ ਸਭ ਤੋਂ ਪਹਿਲੀ ਰੁਕਾਵਟ ICC ਦੀ ਉਮਰ ਪਾਲਿਸੀ (Age Policy) ਹੈ। 2020 ਵਿੱਚ ਇਸ ਦੀ ਸ਼ੁਰੂਆਤ ਕੀਤੀ ਗਈ ਸੀ ਤਾਂ ਜੋ ਨੌਜਵਾਨ ਐਥਲੀਟਾਂ ਦੀ ਸਰੀਰਕ ਅਤੇ ਮਾਨਸਿਕ ਸਿਹਤ ਦਾ ਖਿਆਲ ਰੱਖਿਆ ਜਾ ਸਕੇ। ਇਸ ਨਿਯਮ ਮੁਤਾਬਕ, ਇੱਕ ਖਿਡਾਰੀ ਦੀ ਅੰਤਰਰਾਸ਼ਟਰੀ ਕ੍ਰਿਕਟ ਖੇਡਣ ਲਈ ਘੱਟੋ-ਘੱਟ ਉਮਰ 15 ਸਾਲ ਰੱਖੀ ਗਈ ਹੈ।
ਵੈਭਵ ਸੂਰਿਆਵੰਸ਼ੀ ਦਾ ਜਨਮ 27 ਮਾਰਚ 2011 ਨੂੰ ਹੋਇਆ ਸੀ। ਫਰਵਰੀ 2026 ਵਿੱਚ ਉਨ੍ਹਾਂ ਨੇ ਅੰਡਰ-19 ਵਿਸ਼ਵ ਕੱਪ ਜ਼ਰੂਰ ਜਿੱਤਿਆ ਪਰ ਤਕਨੀਕੀ ਤੌਰ 'ਤੇ ਉਹ ਅਜੇ 14 ਸਾਲ ਦੇ ਹਨ। ਹੁਣ ਇਹ ਮਾਇਨੇ ਨਹੀਂ ਰੱਖਦਾ ਕਿ ਉਹ ਕਿੰਨੀ ਵਾਰ 36 ਗੇਂਦਾਂ ਵਿੱਚ ਸੈਂਕੜਾ ਠੋਕਣ ਜਾਂ ਆਈਪੀਐਲ ਵਿੱਚ ਗੇਂਦਬਾਜ਼ਾਂ ਦੇ ਮਨ ਵਿੱਚ ਖੌਫ਼ ਪੈਦਾ ਕਰਨ, ਰਾਸ਼ਟਰੀ ਚੋਣਕਾਰਾਂ ਦੇ ਹੱਥ 27 ਮਾਰਚ 2026 ਤੱਕ ਬੱਝੇ ਹੋਏ ਹਨ।
ਅੰਡਰ-19 ਟੀਮ ਨਾਲ ਸਫ਼ਰ ਸਮਾਪਤ
ਸੀਨੀਅਰ ਟੀਮ ਲਈ ਵੈਭਵ ਅਜੇ ਬਹੁਤ ਛੋਟੇ ਹਨ ਪਰ ਦਿੱਕਤ ਇਹ ਹੈ ਕਿ ਅੰਡਰ-19 ਟੀਮ ਨਾਲ ਵੀ ਉਨ੍ਹਾਂ ਦਾ ਸਮਾਂ ਸਮਾਪਤ ਹੋ ਚੁੱਕਾ ਹੈ। BCCI ਨੇ ਅੰਡਰ-19 ਵਿਸ਼ਵ ਕੱਪ ਲਈ ਇੱਕ 'ਟੂਰਨਾਮੈਂਟ ਨਿਯਮ' ਲਾਗੂ ਕਰ ਰੱਖਿਆ ਹੈ। ਇਸ ਪਾਲਿਸੀ ਦਾ ਮਕਸਦ ਉਮਰ-ਸਮੂਹ ਮਾਹਿਰਾਂ (age-group specialists) ਨੂੰ ਹਟਾਉਣਾ ਅਤੇ ਇਹ ਯਕੀਨੀ ਬਣਾਉਣਾ ਹੈ ਕਿ ਨਵੀਂ ਪ੍ਰਤਿਭਾ ਨੂੰ ਲਗਾਤਾਰ ਮੌਕਾ ਮਿਲੇ।
ਵੈਭਵ ਨੇ 2026 ਅੰਡਰ-19 ਵਿਸ਼ਵ ਕੱਪ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ 'ਪਲੇਅਰ ਆਫ ਦਿ ਟੂਰਨਾਮੈਂਟ' ਦਾ ਖਿਤਾਬ ਜਿੱਤਿਆ ਪਰ ਹੁਣ ਉਹ 2028 ਅਤੇ 2030 ਦੇ ਐਡੀਸ਼ਨਾਂ ਵਿੱਚ ਵਾਪਸੀ ਨਹੀਂ ਕਰ ਸਕਣਗੇ ਭਾਵੇਂ ਕਿ ਦੋਵਾਂ ਟੂਰਨਾਮੈਂਟਾਂ ਦੌਰਾਨ ਉਹ ਅੰਡਰ-19 ਦੀ ਸ਼੍ਰੇਣੀ ਵਿੱਚ ਹੀ ਰਹਿਣਗੇ।