IPL ਦੀਆਂ 10 ਧਮਾਕੇਦਾਰ ਪਾਰੀਆਂ ਜਿਨ੍ਹਾਂ ਨੇ ਕ੍ਰਿਕਟ ਪ੍ਰਸ਼ੰਸਕਾਂ ਨੂੰ ਬਣਾਇਆ ਦੀਵਾਨਾ, ਭੁਲਾਏ ਨਹੀਂ ਭੁੱਲਣਗੀਆਂ ਇਹ ਪਾਰੀਆਂ !
ਆਈਪੀਐਲ 2013 ਵਿੱਚ ਕ੍ਰਿਸ ਗੇਲ ਨੇ ਪੁਣੇ ਵਾਰੀਅਰਜ਼ ਵਿਰੁੱਧ ਸਿਰਫ਼ 66 ਗੇਂਦਾਂ 'ਤੇ 175 ਦੌੜਾਂ ਬਣਾਈਆਂ ਸਨ। ਇਹ ਅੱਜ ਵੀ IPL ਇਤਿਹਾਸ ਦਾ ਸਭ ਤੋਂ ਵੱਡਾ ਵਿਅਕਤੀਗਤ ਸਕੋਰ (Highest Individual Score) ਹੈ। ਇਸ ਪਾਰੀ ਵਿੱਚ 13 ਚੌਕੇ ਅਤੇ 17 ਆਸਮਾਨੀ ਛੱਕੇ ਸ਼ਾਮਲ ਸਨ।
Posted By alisha
Publish Date: Sun, 22 Mar 2026 03:29 PM (IST)
Updated Date: Sun, 22 Mar 2026 03:33 PM (IST)
ਸਪੋਰਟਸ ਡੈਸਕ : IPL 2026 ਦਾ ਬਿਗੁਲ ਵੱਜ ਚੁੱਕਾ ਹੈ। BCCI ਨੇ ਪਹਿਲੇ 16 ਦਿਨਾਂ ਦੇ 20 ਮੁਕਾਬਲਿਆਂ ਦਾ ਸ਼ੈਡਿਊਲ ਜਾਰੀ ਕਰ ਦਿੱਤਾ ਹੈ। 28 ਮਾਰਚ ਤੋਂ 19ਵੇਂ ਸੀਜ਼ਨ ਦੀ ਸ਼ੁਰੂਆਤ ਹੋਵੇਗੀ, ਜਿੱਥੇ ਪਹਿਲੇ ਮੈਚ ਵਿੱਚ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ (RCB) ਅਤੇ ਸਨਰਾਈਜ਼ਰਜ਼ ਹੈਦਰਾਬਾਦ (SRH) ਆਹਮੋ-ਸਾਹਮਣੇ ਹੋਣਗੀਆਂ। ਆਈਪੀਐਲ ਦੇ ਇਤਿਹਾਸ ਵਿੱਚ ਕਈ ਅਜਿਹੀਆਂ ਪਾਰੀਆਂ ਖੇਡੀਆਂ ਗਈਆਂ ਹਨ, ਜਿਨ੍ਹਾਂ ਨੇ ਪ੍ਰਸ਼ੰਸਕਾਂ ਦੇ ਦਿਲਾਂ 'ਤੇ ਛਾਪ ਛੱਡੀ ਹੈ।
ਮੈਕੁਲਮ ਨੇ ਪਹਿਲੇ ਹੀ ਮੈਚ 'ਚ ਮਚਾਈ ਸਨਸਨੀ
ਆਈਪੀਐਲ 2008 ਦੇ ਸਭ ਤੋਂ ਪਹਿਲੇ ਮੈਚ ਵਿੱਚ ਬ੍ਰੈਂਡਨ ਮੈਕੁਲਮ ਨੇ 73 ਗੇਂਦਾਂ 'ਤੇ ਨਾਬਾਦ 158 ਦੌੜਾਂ ਠੋਕ ਕੇ ਇਤਿਹਾਸ ਰਚ ਦਿੱਤਾ ਸੀ। 216.44 ਦੇ ਸਟ੍ਰਾਈਕ ਰੇਟ ਨਾਲ ਖੇਡੀ ਗਈ ਇਸ ਪਾਰੀ ਵਿੱਚ ਉਨ੍ਹਾਂ ਨੇ 10 ਚੌਕੇ ਅਤੇ 13 ਛੱਕੇ ਲਗਾਏ ਸਨ, ਜਿਸ ਨੇ ਦੁਨੀਆ ਨੂੰ ਦੱਸ ਦਿੱਤਾ ਸੀ ਕਿ IPL ਕੀ ਹੋਣ ਵਾਲਾ ਹੈ।
ਕ੍ਰਿਸ ਗੇਲ ਦਾ ਰਿਕਾਰਡ ਤੋੜ ਤੂਫ਼ਾਨ
ਆਈਪੀਐਲ 2013 ਵਿੱਚ ਕ੍ਰਿਸ ਗੇਲ ਨੇ ਪੁਣੇ ਵਾਰੀਅਰਜ਼ ਵਿਰੁੱਧ ਸਿਰਫ਼ 66 ਗੇਂਦਾਂ 'ਤੇ 175 ਦੌੜਾਂ ਬਣਾਈਆਂ ਸਨ। ਇਹ ਅੱਜ ਵੀ IPL ਇਤਿਹਾਸ ਦਾ ਸਭ ਤੋਂ ਵੱਡਾ ਵਿਅਕਤੀਗਤ ਸਕੋਰ (Highest Individual Score) ਹੈ। ਇਸ ਪਾਰੀ ਵਿੱਚ 13 ਚੌਕੇ ਅਤੇ 17 ਆਸਮਾਨੀ ਛੱਕੇ ਸ਼ਾਮਲ ਸਨ।
ਸਹਿਵਾਗ ਤੇ ਰੈਨਾ ਦਾ ਯਾਦਗਾਰ ਮੁਕਾਬਲਾ
IPL 2014 ਦੇ ਦੂਜੇ ਕੁਆਲੀਫਾਇਰ ਵਿੱਚ ਵੀਰੇਂਦਰ ਸਹਿਵਾਗ ਨੇ 58 ਗੇਂਦਾਂ 'ਤੇ 122 ਦੌੜਾਂ ਬਣਾ ਕੇ ਪੰਜਾਬ ਨੂੰ ਮਜ਼ਬੂਤ ਸਥਿਤੀ ਵਿੱਚ ਪਹੁੰਚਾਇਆ ਸੀ। ਜਵਾਬ ਵਿੱਚ ਸੁਰੇਸ਼ ਰੈਨਾ ਨੇ ਸਿਰਫ਼ 25 ਗੇਂਦਾਂ 'ਤੇ 87 ਦੌੜਾਂ ਠੋਕ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਸੀ, ਹਾਲਾਂਕਿ ਉਨ੍ਹਾਂ ਦੀ ਪਾਰੀ ਟੀਮ ਨੂੰ ਜਿੱਤ ਨਹੀਂ ਦਿਵਾ ਸਕੀ ਸੀ ਪਰ ਇਹ ਅੱਜ ਵੀ ਸਭ ਤੋਂ ਖ਼ਤਰਨਾਕ ਪਾਰੀਆਂ ਵਿੱਚ ਗਿਣੀ ਜਾਂਦੀ ਹੈ।
ਏਬੀ ਡਿਵਿਲੀਅਰਜ਼ ਦੀ 'ਮਿਸਟਰ 360' ਪਾਰੀ
ਗੁਜਰਾਤ ਲਾਇਨਜ਼ ਵਿਰੁੱਧ 2016 ਵਿੱਚ ਏਬੀ ਡਿਵਿਲੀਅਰਜ਼ ਨੇ 52 ਗੇਂਦਾਂ ਵਿੱਚ ਨਾਬਾਦ 129 ਦੌੜਾਂ ਬਣਾਈਆਂ ਸਨ। ਵਿਰਾਟ ਕੋਹਲੀ ਦੇ ਨਾਲ ਉਨ੍ਹਾਂ ਦੀ ਸਾਂਝੇਦਾਰੀ ਨੇ ਸਟੇਡੀਅਮ ਵਿੱਚ ਬੈਠੇ ਹਰ ਪ੍ਰਸ਼ੰਸਕ ਨੂੰ ਝੂਮਣ ਲਾ ਦਿੱਤਾ ਸੀ।