- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕੌਣ ਹੈ ਅਨਿਲ ਅਗਰਵਾਲ ਦੀ ਬੇਟੀ ਪ੍ਰਿਆ? ਜਾਣੋ ਵੇਦਾਂਤਾ ਗਰੁੱਪ 'ਚ ਉਸਦੀ ਜ਼ਿੰਮੇਵਾਰੀ ਤੇ ਸਾਦਗੀ ਦੀ ਕਹਾਣੀ
ਰਿਪੋਰਟਾਂ ਅਨੁਸਾਰ 2025 ਦੀ ਚੌਥੀ ਤਿਮਾਹੀ ਤੱਕ ਪ੍ਰਿਆ ਅਗਰਵਾਲ ਦਾ 15 ਸੂਚੀਬੱਧ (Listed) ਕੰਪਨੀਆਂ ਵਿੱਚ ਨਿਵੇਸ਼ ਲਗਪਗ 2,133.6 ਕਰੋੜ ਰੁਪਏ ਤੋਂ ਵੱਧ ਦੱਸਿਆ ਗਿਆ ਹੈ। ਦੂਜੇ ਪਾਸੇ ਉਨ੍ਹਾਂ ਦੇ ਪਿਤਾ ਅਨਿਲ ਅਗਰਵਾਲ ਦੀ ਕੁੱਲ ਸੰਪਤੀ ਲਗਪਗ 29,000 ਕਰੋੜ ਰੁਪਏ ਹੈ।
Posted By alisha
Publish Date: Sun, 11 Jan 2026 12:43 PM (IST)
Updated Date: Sun, 11 Jan 2026 12:59 PM (IST)
ਨਵੀਂ ਦਿੱਲੀ : ਵੇਦਾਂਤਾ ਗਰੁੱਪ ਦੇ ਚੇਅਰਮੈਨ ਅਨਿਲ ਅਗਰਵਾਲ ਅਤੇ ਉਨ੍ਹਾਂ ਦੇ ਪਰਿਵਾਰ ਲਈ ਇਹ ਸਮਾਂ ਬਹੁਤ ਮੁਸ਼ਕਲ ਹੈ। ਪਿਛਲੇ ਬੁੱਧਵਾਰ ਨੂੰ ਉਨ੍ਹਾਂ ਦੇ ਬੇਟੇ ਅਗਨੀਵੇਸ਼ ਅਗਰਵਾਲ (49) ਦਾ ਅਮਰੀਕਾ ਵਿੱਚ ਦਿਲ ਦਾ ਦੌਰਾ ਪੈਣ ਕਾਰਨ ਦੇਹਾਂਤ ਹੋ ਗਿਆ। ਇਸ ਦੁਖਦ ਘਟਨਾ ਤੋਂ ਬਾਅਦ ਹੁਣ ਵੇਦਾਂਤਾ ਗਰੁੱਪ ਦੀ ਅਗਲੀ ਪੀੜ੍ਹੀ ਦੀ ਲੀਡਰਸ਼ਿਪ ਨੂੰ ਲੈ ਕੇ ਚਰਚਾ ਸ਼ੁਰੂ ਹੋ ਗਈ ਹੈ, ਜਿਸ ਵਿੱਚ ਅਨਿਲ ਅਗਰਵਾਲ ਦੀ ਬੇਟੀ ਪ੍ਰਿਆ ਅਗਰਵਾਲ ਦਾ ਨਾਮ ਸਭ ਤੋਂ ਅੱਗੇ ਹੈ।
ਵੇਦਾਂਤਾ ਗਰੁੱਪ 'ਚ ਪ੍ਰਿਆ ਅਗਰਵਾਲ ਦੀ ਭੂਮਿਕਾ
ਅਗਨੀਵੇਸ਼ ਦੇ ਦੇਹਾਂਤ ਤੋਂ ਬਾਅਦ ਹੁਣ ਪ੍ਰਿਆ ਅਗਰਵਾਲ ਫੈਮਿਲੀ ਬਿਜ਼ਨੈੱਸ ਨੂੰ ਅੱਗੇ ਵਧਾ ਸਕਦੀ ਹੈ। ਪ੍ਰਿਆ ਇਸ ਸਮੇਂ ਵੇਦਾਂਤਾ ਲਿਮਟਿਡ ਵਿੱਚ ਨਾਨ-ਐਗਜ਼ੀਕਿਊਟਿਵ ਡਾਇਰੈਕਟਰ ਹੈ। ਉਹ ਕੰਪਨੀ ਦੇ ਅਹਿਮ ਫੈਸਲਿਆਂ ਵਿੱਚ ਸਰਗਰਮ ਰਹਿੰਦੀ ਹੈ। ਖਾਸ ਕਰਕੇ ਉਹ ਗਰੁੱਪ ਵਿੱਚ ਵਾਤਾਵਰਣ, ਸਮਾਜਿਕ ਅਤੇ ਪ੍ਰਸ਼ਾਸਨਿਕ (ESG) ਪਹਿਲਕਦਮੀਆਂ ਨੂੰ ਉਤਸ਼ਾਹਿਤ ਕਰਨ ਲਈ ਜਾਣੀ ਜਾਂਦੀ ਹੈ। ਉਨ੍ਹਾਂ ਦੀ ਅਗਵਾਈ ਵਿੱਚ 'ਹਿੰਦੁਸਤਾਨ ਜ਼ਿੰਕ' ਨੇ ਪਹਿਲੀ ਵਾਰ ਇੱਕ ਮਿਲੀਅਨ ਟਨ ਤੋਂ ਵੱਧ ਲੈੱਡ ਮੈਟਲ ਦਾ ਉਤਪਾਦਨ ਕਰਕੇ ਇਤਿਹਾਸ ਰਚਿਆ ਸੀ।
ਅਰਬਪਤੀ ਦੀ ਧੀ ਪਰ ਜੀਵਨ ਬੇਹੱਦ ਸਾਦਾ
ਪ੍ਰਿਆ ਅਗਰਵਾਲ ਆਪਣੀ ਅਮੀਰੀ ਦੇ ਬਾਵਜੂਦ ਆਪਣੀ ਸਾਦਗੀ ਲਈ ਜਾਣੀ ਜਾਂਦੀ ਹੈ।
ਪਬਲਿਕ ਟ੍ਰਾਂਸਪੋਰਟ ਦੀ ਵਰਤੋਂ: ਅਨਿਲ ਅਗਰਵਾਲ ਨੇ ਖੁਦ ਦੱਸਿਆ ਸੀ ਕਿ ਲੰਡਨ ਵਿੱਚ ਰਹਿੰਦਿਆਂ ਪ੍ਰਿਆ ਅਕਸਰ ਲਗਜ਼ਰੀ ਕਾਰਾਂ ਦੀ ਬਜਾਏ ਮੈਟਰੋ ਜਾਂ ਬੱਸ ਵਰਗੇ ਪਬਲਿਕ ਟ੍ਰਾਂਸਪੋਰਟ ਦੀ ਵਰਤੋਂ ਕਰਦੀ ਸੀ।
ਕੋਈ ਸਪੈਸ਼ਲ ਟ੍ਰੀਟਮੈਂਟ ਨਹੀਂ: ਪ੍ਰਿਆ ਨੇ ਕਦੇ ਵੀ ਅਰਬਪਤੀ ਦੀ ਧੀ ਹੋਣ ਦੇ ਨਾਤੇ ਕਿਸੇ ਖਾਸ ਸਹੂਲਤ ਦੀ ਮੰਗ ਨਹੀਂ ਕੀਤੀ।
ਕਿੰਨੀ ਹੈ ਪ੍ਰਿਆ ਦੀ ਨੈੱਟਵਰਥ
ਰਿਪੋਰਟਾਂ ਅਨੁਸਾਰ 2025 ਦੀ ਚੌਥੀ ਤਿਮਾਹੀ ਤੱਕ ਪ੍ਰਿਆ ਅਗਰਵਾਲ ਦਾ 15 ਸੂਚੀਬੱਧ (Listed) ਕੰਪਨੀਆਂ ਵਿੱਚ ਨਿਵੇਸ਼ ਲਗਪਗ 2,133.6 ਕਰੋੜ ਰੁਪਏ ਤੋਂ ਵੱਧ ਦੱਸਿਆ ਗਿਆ ਹੈ। ਦੂਜੇ ਪਾਸੇ ਉਨ੍ਹਾਂ ਦੇ ਪਿਤਾ ਅਨਿਲ ਅਗਰਵਾਲ ਦੀ ਕੁੱਲ ਸੰਪਤੀ ਲਗਪਗ 29,000 ਕਰੋੜ ਰੁਪਏ ਹੈ।
ਵੇਦਾਂਤਾ ਦਾ ਭਵਿੱਖ
ਅਗਨੀਵੇਸ਼ ਅਗਰਵਾਲ ਭਾਵੇਂ ਵੇਦਾਂਤਾ ਦੇ ਬੋਰਡ ਵਿੱਚ ਨਹੀਂ ਸਨ ਪਰ ਉਹ ਕਈ ਬਿਜ਼ਨਸ ਵੈਂਚਰਸ ਸੰਭਾਲ ਰਹੇ ਸਨ। ਉਨ੍ਹਾਂ ਦੇ ਅਚਾਨਕ ਚਲੇ ਜਾਣ ਨਾਲ ਹੁਣ ਗਰੁੱਪ ਦੀ ਪੂਰੀ ਜ਼ਿੰਮੇਵਾਰੀ ਪ੍ਰਿਆ ਦੇ ਮੋਢਿਆਂ 'ਤੇ ਆਉਣ ਦੀ ਸੰਭਾਵਨਾ ਹੈ।