ਵਿਦੇਸ਼ਾਂ ’ਚ ਭਾਰਤੀ ਅੰਬਾਂ ਦੀਆਂ ਇਨ੍ਹਾਂ 2 ਕਿਸਮਾਂ ਦਾ ਜਲਵਾ, ਏਅਰ ਇੰਡੀਆ ਨੇ ਕੀਤਾ 1,000 ਟਨ ਤੋਂ ਵੱਧ ਐਕਸਪੋਰਟ

ਅੰਬਾਂ ਦੇ ਉਤਪਾਦਨ ਦੇ ਮਾਮਲੇ ਵਿੱਚ ਭਾਰਤ ਪੂਰੀ ਦੁਨੀਆ ਵਿੱਚ ਸਿਖਰ 'ਤੇ ਹੈ। ਭਾਰਤੀ ਅੰਬਾਂ ਨੂੰ ਵਿਦੇਸ਼ਾਂ ਵਿੱਚ ਵੀ ਬਹੁਤ ਪਸੰਦ ਕੀਤਾ ਜਾਂਦਾ ਹੈ। ਦੇਸ਼ ਦੀਆਂ ਪ੍ਰਮੁੱਖ ਏਅਰਲਾਈਨਾਂ ਵਿੱਚ ਸ਼ਾਮਲ 'ਏਅਰ ਇੰਡੀਆ' ਨੇ ਭਾਰਤੀ ਅੰਬਾਂ ਦੇ ਬਰਾਮਦ (ਐਕਸਪੋਰਟ) ਨੂੰ ਲੈ ਕੇ ਇੱਕ ਵੱਡੀ ਜਾਣਕਾਰੀ ਸਾਂਝੀ ਕੀਤੀ ਹੈ। ਏਅਰ ਇੰਡੀਆ ਨੇ ਮਾਰਚ ਤੋਂ ਮਈ ਦੇ ਵਿਚਕਾਰ 3,300 ਟਨ ਤੋਂ ਵੱਧ ਸਮੁੰਦਰੀ ਫਲ ਅਤੇ ਹੋਰ ਚੀਜ਼ਾਂ ਦੀ ਢੋਆ-ਢੁਆਈ ਕੀਤੀ। ਏਅਰਲਾਈਨ ਨੇ ਬੀਤੇ ਦਿਨੀਂ ਮੀਡੀਆ ਨੂੰ ਦੱਸਿਆ ਕਿ ਇਸ ਵਿੱਚ 1,000 ਟਨ ਤੋਂ ਵੱਧ ਸਿਰਫ਼ ਅੰਬ ਸ਼ਾਮਲ ਸਨ।