Silver Price Crash: ₹1.90 ਲੱਖ ਸਸਤੀ ਹੋਈ ਚਾਂਦੀ, ਹੋਰ ਕਿੰਨੀ ਡਿੱਗੇਗੀ; ਤੁਹਾਨੂੰ ਖਰੀਦਣੀ ਚਾਹੀਦੀ ਹੈ ਜਾਂ ਨਹੀਂ?
29 ਜਨਵਰੀ ਦਾ ਦਿਨ ਹਰ ਉਸ ਨਿਵੇਸ਼ਕ ਨੂੰ ਯਾਦ ਹੋਵੇਗਾ ਜੋ ਲੰਬੇ ਸਮੇਂ ਤੋਂ ਸੋਨੇ ਅਤੇ ਚਾਂਦੀ ਵਿੱਚ ਨਿਵੇਸ਼ ਕਰ ਰਹੇ ਹਨ। ਇਸ ਦਿਨ ਚਾਂਦੀ ਵਿੱਚ ਅਜਿਹੀ ਤੇਜ਼ੀ ਆਈ ਕਿ ਸਭ ਦੇਖਦੇ ਹੀ ਰਹਿ ਗਏ। ਸੋਚੋ ਅੱਜ ਜੋ ਚਾਂਦੀ 2 ਲੱਖ ਦੇ ਆਸ-ਪਾਸ ਚੱਲ ਰਹੀ ਹੈ, ਉਸ ਦੀ ਕੀਮਤ 29 ਜਨਵਰੀ ਦੇ ਦਿਨ 4 ਲੱਖ ਰੁਪਏ ਦੇ ਪਾਰ ਜਾ ਚੁੱਕੀ ਸੀ।
Posted By Anuradha Bains
Publish Date: Fri, 20 Mar 2026 02:40 PM (IST)
Updated Date: Fri, 20 Mar 2026 02:41 PM (IST)
Gold Silver Price Today: 29 ਜਨਵਰੀ ਦਾ ਦਿਨ ਹਰ ਉਸ ਨਿਵੇਸ਼ਕ ਨੂੰ ਯਾਦ ਹੋਵੇਗਾ ਜੋ ਲੰਬੇ ਸਮੇਂ ਤੋਂ ਸੋਨੇ ਅਤੇ ਚਾਂਦੀ ਵਿੱਚ ਨਿਵੇਸ਼ ਕਰ ਰਹੇ ਹਨ। ਇਸ ਦਿਨ ਚਾਂਦੀ ਵਿੱਚ ਅਜਿਹੀ ਤੇਜ਼ੀ ਆਈ ਕਿ ਸਭ ਦੇਖਦੇ ਹੀ ਰਹਿ ਗਏ। ਸੋਚੋ ਅੱਜ ਜੋ ਚਾਂਦੀ 2 ਲੱਖ ਦੇ ਆਸ-ਪਾਸ ਚੱਲ ਰਹੀ ਹੈ, ਉਸ ਦੀ ਕੀਮਤ 29 ਜਨਵਰੀ ਦੇ ਦਿਨ 4 ਲੱਖ ਰੁਪਏ ਦੇ ਪਾਰ ਜਾ ਚੁੱਕੀ ਸੀ।
ਲੋਕਾਂ ਦੇ ਪੋਰਟਫੋਲੀਓ ਵਿੱਚ ਪਈ ਚਾਂਦੀ ਦਾ ਰਿਟਰਨ ਉਸ ਸਮੇਂ 1000 ਫੀਸਦੀ ਤੋਂ ਵੀ ਜ਼ਿਆਦਾ ਸ਼ੋਅ ਕਰ ਰਿਹਾ ਸੀ। ਹਾਲਾਂਕਿ ਉਸ ਤੋਂ ਬਾਅਦ ਚਾਂਦੀ ਵਿੱਚ ਲਗਾਤਾਰ ਗਿਰਾਵਟ ਆਈ। ਹਰ ਦਿਨ ਕਦੇ ਚਾਂਦੀ ਵਧੀ ਤਾਂ ਕਦੇ ਘਟੀ, ਪਰ ਜੇਕਰ ਕੁੱਲ ਮਿਲਾ ਕੇ ਦੇਖੀਏ ਤਾਂ ਚਾਂਦੀ ਦਾ ਦਾਮ ਘੱਟ ਹੋਇਆ ਹੈ। ਮਿਸਾਲ ਵਜੋਂ 29 ਜਨਵਰੀ ਤੋਂ ਹੁਣ ਤੱਕ ਚਾਂਦੀ ਦਾ ਦਾਮ 1,90,000 ਰੁਪਏ ਘੱਟ ਹੋ ਚੁੱਕਾ ਹੈ।
Silver Price Crash: ਲਗਪਗ ਅੱਧੀ ਰਹਿ ਗਈ ਚਾਂਦੀ ਦੀ ਕੀਮਤ
29 ਜਨਵਰੀ ਨੂੰ 1 ਕਿੱਲੋ ਚਾਂਦੀ ਦੀ ਕੀਮਤ 4,20,000 ਰੁਪਏ ਚੱਲ ਰਹੀ ਸੀ। ਇਸ ਵਿੱਚ ਲਗਾਤਾਰ ਗਿਰਾਵਟ ਆਈ ਅਤੇ ਅੱਜ 20 ਮਾਰਚ ਨੂੰ ਇਸ ਦੀ ਕੀਮਤ 2,30,000 ਰੁਪਏ ਦੇ ਆਸ-ਪਾਸ ਚੱਲ ਰਹੀ ਹੈ। ਕੁੱਲ ਮਿਲਾ ਕੇ ਦੇਖੀਏ ਤਾਂ 1 ਕਿੱਲੋ ਚਾਂਦੀ ਵਿੱਚ 1,90,000 ਰੁਪਏ ਪ੍ਰਤੀ ਕਿੱਲੋ ਦੀ ਵੱਡੀ ਗਿਰਾਵਟ ਦਰਜ ਕੀਤੀ ਗਈ ਹੈ।
Silver Price Today: ਜਾਣੋ ਅੱਜ ਕਿੰਨੀ ਚੱਲ ਰਿਹਾ ਹੈ ਚਾਂਦੀ ਦੀ ਕੀਮਤ?
ਦੁਪਹਿਰ 12:32 ਵਜੇ 1 ਕਿੱਲੋ ਚਾਂਦੀ ਦੀ ਕੀਮਤ 2,30,800 ਰੁਪਏ ਚੱਲ ਰਹੀ ਹੈ। ਇਸ ਵਿੱਚ 660 ਰੁਪਏ ਪ੍ਰਤੀ ਕਿੱਲੋ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਦੁਪਹਿਰ 12:52 ਵਜੇ ਤੱਕ ਚਾਂਦੀ ਨੇ 2,30,060 ਰੁਪਏ ਪ੍ਰਤੀ ਕਿੱਲੋ ਦਾ ਹੇਠਲਾ ਪੱਧਰ ਅਤੇ 2,40,000 ਰੁਪਏ ਪ੍ਰਤੀ ਕਿੱਲੋ ਦਾ ਉੱਚਾ ਪੱਧਰ ਬਣਾਇਆ ਹੈ।
ਤੁਹਾਡੇ ਸ਼ਹਿਰ ’ਚ ਕਿੰਨੀ ਹੈ ਚਾਂਦੀ ਦੀ ਕੀਮਤ?
| ਸ਼ਹਿਰ | ਚਾਂਦੀ ਦੀ ਕੀਮਤ (₹) |
| ਪਟਨਾ | ₹237,350 |
| ਜੈਪੁਰ | ₹237,450 |
| ਚੰਡੀਗੜ੍ਹ | ₹237,480 |
| ਕਾਨਪੁਰ | ₹237,540 |
| ਲਖਨਊ | ₹237,540 |
| ਭੋਪਾਲ | ₹237,730 |
| ਇੰਦੌਰ | ₹237,730 |
| ਰਾਏਪੁਰ | ₹237,390 |
Silver Price Target 2026: ਚਾਂਦੀ ਹੋਰ ਕਿੰਨੀ ਡਿੱਗੇਗੀ?
ਚਾਂਦੀ ਵਿੱਚ ਹੋਰ ਕਿੰਨੀ ਗਿਰਾਵਟ ਆ ਸਕਦੀ ਹੈ, ਇਸ ਬਾਰੇ ਅਸੀਂ ਕੇਡੀਆ ਐਡਵਾਈਜ਼ਰੀ ਦੇ ਡਾਇਰੈਕਟਰ ਅਜੇ ਕੇਡੀਆ ਨਾਲ ਗੱਲਬਾਤ ਕੀਤੀ। ਉਨ੍ਹਾਂ ਦੱਸਿਆ ਕਿ ਜੇਕਰ ਅਜਿਹੀ ਹੀ ਗਿਰਾਵਟ ਜਾਰੀ ਰਹਿੰਦੀ ਹੈ, ਤਾਂ ਆਉਣ ਵਾਲੇ ਦੋ ਮਹੀਨਿਆਂ ਵਿੱਚ ਚਾਂਦੀ ਦੀ ਕੀਮਤ 2 ਲੱਖ ਰੁਪਏ ਤੱਕ ਪਹੁੰਚ ਸਕਦੀ ਹੈ।
ਤੁਸੀਂ ਕੀ ਕਰੋ?
ਅਜੇ ਕੇਡੀਆ ਹਮੇਸ਼ਾ ਨਿਵੇਸ਼ਕਾਂ ਨੂੰ ਸਲਾਹ ਦਿੰਦੇ ਰਹਿੰਦੇ ਹਨ ਕਿ ਅਜਿਹੀ ਉਥਲ-ਪੁਥਲ ਦੇ ਸਮੇਂ ਨਿਵੇਸ਼ਕਾਂ ਨੂੰ SIP ਰਾਹੀਂ ਹੀ ਨਿਵੇਸ਼ ਕਰਨਾ ਚਾਹੀਦਾ ਹੈ। ਹਾਲਾਂਕਿ, ਜੇਕਰ ਤੁਸੀਂ ਨਿਵੇਸ਼ ਦੇ ਉਦੇਸ਼ ਨਾਲ ਨਹੀਂ ਲੈ ਰਹੇ, ਤਾਂ ਤੁਸੀਂ ਅਜੇ ਵੀ ਚਾਂਦੀ ਖਰੀਦ ਸਕਦੇ ਹੋ।