ਘਰ ਕੀਤਾ ਹੈ ਸ਼ਿਫਟ? ਹੁਣ ਕਿਵੇਂ ਬਦਲੀਏ ਆਧਾਰ ਤੇ ਪੈਨ ਕਾਰਡ ’ਚ ਪਤਾ; ਇਹ ਰਿਹਾ ਤਰੀਕਾ

ਆਧਾਰ ਅਤੇ ਪੈਨ ਕਾਰਡ ਸਿਰਫ਼ ਦਸਤਾਵੇਜ਼ ਨਹੀਂ ਹਨ, ਸਗੋਂ ਸਾਡੀ ਲੋੜ ਹਨ। ਆਧਾਰ ਕਾਰਡ ਤਾਂ ਸਾਡੀ ਪਛਾਣ ਨਾਲ ਜੁੜ ਚੁੱਕਾ ਹੈ। ਇਸ ਲਈ ਇਨ੍ਹਾਂ ਦੋਵਾਂ ਵਿੱਚ ਮੌਜੂਦਾ ਵੇਰਵੇ ਅਪਡੇਟ ਹੋਣਾ ਜ਼ਰੂਰੀ ਹੈ, ਤਾਂ ਜੋ ਤੁਹਾਨੂੰ ਇਨ੍ਹਾਂ ਦੀ ਵਰਤੋਂ ਕਰਦੇ ਸਮੇਂ ਕੋਈ ਪਰੇਸ਼ਾਨੀ ਨਾ ਹੋਵੇ।

ਜੇਕਰ ਤੁਸੀਂ ਹਾਲ ਹੀ ਵਿੱਚ ਘਰ ਬਦਲਿਆ ਹੈ ਅਤੇ ਆਧਾਰ ਤੇ ਪੈਨ ਕਾਰਡ ਵਿੱਚ ਪਤਾ ਬਦਲਣਾ ਚਾਹੁੰਦੇ ਹੋ, ਤਾਂ ਹੇਠਾਂ ਦਿੱਤੇ ਪ੍ਰੋਸੈਸ ਨੂੰ ਫਾਲੋ ਕਰੋ।

ਆਧਾਰ ਵਿੱਚ ਪਤਾ ਕਿਵੇਂ ਬਦਲੀਏ?

ਤੁਸੀਂ ਆਧਾਰ ਵਿੱਚ ਕੋਈ ਵੀ ਵੇਰਵਾ ਬਦਲਣ ਲਈ ਆਧਾਰ ਐਪ (mAadhaar App) ਦਾ ਸਹਾਰਾ ਲੈ ਸਕਦੇ ਹੋ। ਆਓ ਜਾਣਦੇ ਹਾਂ ਕਿ ਤੁਸੀਂ ਆਧਾਰ ਐਪ ਰਾਹੀਂ ਪਤਾ ਕਿਵੇਂ ਚੇਂਜ ਕਰ ਸਕਦੇ ਹੋ।

Aadhaar App ਵਿੱਚ ਪਤਾ ਕਿਵੇਂ ਕਰੀਏ ਅਪਡੇਟ?

ਸਟੈਪ 1: ਸਭ ਤੋਂ ਪਹਿਲਾਂ ਆਪਣੇ ਮੋਬਾਈਲ ਵਿੱਚ Aadhaar App ਨੂੰ ਓਪਨ ਕਰੋ ਅਤੇ ਲੌਗਇਨ ਕਰੋ।

ਸਟੈਪ 2: ਹੁਣ ਇੱਥੇ ਦਿੱਤੇ ਗਏ 'Update Address Online' ਵਿਕਲਪ 'ਤੇ ਜਾਓ।

ਸਟੈਪ 3: ਹੁਣ ਤੁਸੀਂ ਜੋ ਵੀ ਦਸਤਾਵੇਜ਼ ਸਬੂਤ ਵਜੋਂ ਜਮ੍ਹਾਂ ਕਰਵਾਉਣੇ ਹਨ, ਉਹੀ ਵੇਰਵੇ ਇੱਥੇ ਵੀ ਦਰਜ ਕਰੋ।

ਸਟੈਪ 4: ਦਸਤਾਵੇਜ਼ ਅਤੇ ਨਵਾਂ ਪਤਾ ਭਰਨ ਤੋਂ ਬਾਅਦ, ਮੰਗੀ ਗਈ ਫੀਸ ਦਾ ਭੁਗਤਾਨ ਕਰੋ।

ਸਟੈਪ 5: ਪੇਮੈਂਟ ਸਫਲ ਹੋਣ ਤੋਂ ਬਾਅਦ ਆਪਣੀ ਰਿਕਵੈਸਟ ਨੂੰ ਸਬਮਿਟ ਕਰ ਦਿਓ।

PAN Card ’ਚ ਪਤਾ ਕਿਵੇਂ ਬਦਲੀਏ?

ਸਟੈਪ 1: ਸਭ ਤੋਂ ਪਹਿਲਾਂ NSDL ਜਾਂ UTIITSL ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਜਾਓ।

ਸਟੈਪ 2: ਹੁਣ ਇੱਥੇ 'Changes/Correction in PAN' ਵਾਲੇ ਵਿਕਲਪ 'ਤੇ ਕਲਿੱਕ ਕਰੋ।

ਸਟੈਪ 3: ਇਸ ਤੋਂ ਬਾਅਦ ਤੁਹਾਨੂੰ ਇੱਥੇ ਕੁਝ ਬੁਨਿਆਦੀ ਵੇਰਵੇ ਜਿਵੇਂ ਕਿ ਪੈਨ ਨੰਬਰ, ਨਾਮ, ਜਨਮ ਮਿਤੀ ਅਤੇ ਈਮੇਲ ਦਰਜ ਕਰਨੀ ਪਵੇਗੀ।

ਸਟੈਪ 4: ਹੁਣ ਤੁਹਾਡੇ ਲਈ 15 ਅੰਕਾਂ ਦਾ ਟੋਕਨ ਨੰਬਰ ਜਨਰੇਟ ਹੋਵੇਗਾ।

ਸਟੈਪ 5: ਫਿਰ ਜੋ ਵੇਰਵੇ ਤੁਸੀਂ ਬਦਲਣੇ ਹਨ, ਉਸ ਨੂੰ ਸਿਲੈਕਟ ਕਰੋ ਅਤੇ ਸਹੀ ਜਾਣਕਾਰੀ ਭਰੋ।

ਸਟੈਪ 6: ਇਸ ਤੋਂ ਬਾਅਦ ਲੋੜੀਂਦੇ ਦਸਤਾਵੇਜ਼ ਜਿਵੇਂ ਕਿ ਪਤੇ ਦਾ ਸਬੂਤ, ਜਨਮ ਮਿਤੀ ਦਾ ਸਬੂਤ ਅਤੇ ਫੋਟੋ ਆਦਿ ਅਪਲੋਡ ਕਰ ਦਿਓ।

ਸਟੈਪ 7: ਅੰਤ ਵਿੱਚ ਤੁਹਾਨੂੰ ਨਿਰਧਾਰਿਤ ਫੀਸ ਭਰ ਕੇ ਇਸ ਨੂੰ ਸਬਮਿਟ ਕਰਨਾ ਹੋਵੇਗਾ।

ਸਟੈਪ 8: ਅਖੀਰ ਵਿੱਚ Acknowledgement ਸਲਿੱਪ ਡਾਊਨਲੋਡ ਕਰਨਾ ਨਾ ਭੁੱਲੋ। ਇਸ ਸਲਿੱਪ ਰਾਹੀਂ ਤੁਸੀਂ ਬਾਅਦ ਵਿੱਚ ਆਪਣੇ ਅਪਡੇਟ ਦਾ ਸਟੇਟਸ ਚੈੱਕ ਕਰ ਸਕਦੇ ਹੋ।