ਆਯੁਸ਼ਮਾਨ ਕਾਰਡ ਧਾਰਕਾਂ ਲਈ ਖੁਸ਼ਖਬਰੀ: ਹੁਣ ਸਾਲ 'ਚ ਜਿੰਨੀ ਵਾਰ ਮਰਜ਼ੀ ਕਰਵਾਓ ਮੁਫ਼ਤ ਇਲਾਜ, ਜਾਣੋ ਪੂਰਾ ਨਿਯਮ

ਨਵੀਂ ਦਿੱਲੀ : ਭਾਰਤ ਸਰਕਾਰ ਦੀ ਆਯੁਸ਼ਮਾਨ ਭਾਰਤ ਯੋਜਨਾ ਤਹਿਤ ਲੋੜਵੰਦ ਪਰਿਵਾਰਾਂ ਨੂੰ ਹਰ ਸਾਲ 5 ਲੱਖ ਰੁਪਏ ਤੱਕ ਦੇ ਮੁਫ਼ਤ ਇਲਾਜ ਦੀ ਸਹੂਲਤ ਦਿੱਤੀ ਜਾਂਦੀ ਹੈ। ਅਕਸਰ ਲੋਕਾਂ ਦੇ ਮਨ ਵਿੱਚ ਇਹ ਸਵਾਲ ਹੁੰਦਾ ਹੈ ਕਿ ਉਹ ਇੱਕ ਸਾਲ ਵਿੱਚ ਕਿੰਨੀ ਵਾਰ ਇਸ ਕਾਰਡ ਦੀ ਵਰਤੋਂ ਕਰ ਸਕਦੇ ਹਨ।

ਇੱਕ ਸਾਲ 'ਚ ਕਿੰਨੀ ਵਾਰ ਮਿਲੇਗਾ ਮੁਫ਼ਤ ਇਲਾਜ

ਮੀਡੀਆ ਰਿਪੋਰਟਾਂ ਅਨੁਸਾਰ, ਆਯੁਸ਼ਮਾਨ ਕਾਰਡ ਰਾਹੀਂ ਇਲਾਜ ਕਰਵਾਉਣ ਦੀ ਕੋਈ ਗਿਣਤੀ ਤੈਅ ਨਹੀਂ ਹੈ। ਤੁਸੀਂ ਇੱਕ ਸਾਲ ਵਿੱਚ ਜਿੰਨੀ ਵਾਰ ਚਾਹੋ ਮੁਫ਼ਤ ਇਲਾਜ ਕਰਵਾ ਸਕਦੇ ਹੋ। ਸਿਰਫ਼ ਇੱਕ ਹੀ ਸ਼ਰਤ ਹੈ ਕਿ ਤੁਹਾਡੇ ਇਲਾਜ ਦਾ ਕੁੱਲ ਖਰਚਾ ਇੱਕ ਸਾਲ ਵਿੱਚ 5 ਲੱਖ ਰੁਪਏ ਤੋਂ ਵੱਧ ਨਹੀਂ ਹੋਣਾ ਚਾਹੀਦਾ। ਜੇਕਰ ਇੱਕ ਬਿਮਾਰੀ 'ਤੇ 1 ਲੱਖ ਖਰਚ ਹੁੰਦਾ ਹੈ ਤਾਂ ਤੁਸੀਂ ਬਾਕੀ ਬਚੇ 4 ਲੱਖ ਰੁਪਏ ਉਸੇ ਸਾਲ ਵਿੱਚ ਦੂਜੀ ਵਾਰ ਜਾਂ ਕਿਸੇ ਹੋਰ ਬਿਮਾਰੀ ਦੇ ਇਲਾਜ ਲਈ ਵਰਤ ਸਕਦੇ ਹੋ।

ਕਿੱਥੇ ਕਰਵਾ ਸਕਦੇ ਹੋ ਇਲਾਜ

ਇਸ ਯੋਜਨਾ ਦਾ ਲਾਭ ਸਿਰਫ਼ ਪੰਜੀਕ੍ਰਿਤ (Panelled) ਹਸਪਤਾਲਾਂ ਵਿੱਚ ਹੀ ਮਿਲਦੀ ਹੈ। ਇਸ ਵਿੱਚ ਕਈ ਸਰਕਾਰੀ ਅਤੇ ਚੁਣੇ ਹੋਏ ਨਿੱਜੀ (ਪ੍ਰਾਈਵੇਟ) ਹਸਪਤਾਲ ਸ਼ਾਮਲ ਹਨ।

ਆਪਣੇ ਇਲਾਕੇ ਦਾ ਹਸਪਤਾਲ ਕਿਵੇਂ ਲੱਭੀਏ

ਜੇਕਰ ਤੁਸੀਂ ਚੈੱਕ ਕਰਨਾ ਚਾਹੁੰਦੇ ਹੋ ਕਿ ਤੁਹਾਡੇ ਸ਼ਹਿਰ ਦੇ ਕਿਹੜੇ ਹਸਪਤਾਲ ਵਿੱਚ ਇਹ ਕਾਰਡ ਚੱਲਦਾ ਹੈ ਤਾਂ ਇਹ ਤਰੀਕਾ ਅਪਣਾਓ।

ਸਟੈਪ 1: ਸਭ ਤੋਂ ਪਹਿਲਾਂ PMJAY ਦੀ ਅਧਿਕਾਰਤ ਵੈੱਬਸਾਈਟ (pmjay.gov.in) 'ਤੇ ਜਾਓ।

ਸਟੈਪ 2: ਇੱਥੇ 'Find Hospital' (ਹਸਪਤਾਲ ਲੱਭੋ) ਵਾਲੇ ਸੈਕਸ਼ਨ 'ਤੇ ਕਲਿੱਕ ਕਰੋ।

ਸਟੈਪ 3: ਹੁਣ ਆਪਣੇ ਸੂਬੇ (State) ਅਤੇ ਜ਼ਿਲ੍ਹੇ (District) ਦਾ ਨਾਮ ਚੁਣੋ।

ਸਟੈਪ 4: ਤੁਸੀਂ ਹਸਪਤਾਲ ਦੀ ਕਿਸਮ (ਸਰਕਾਰੀ ਜਾਂ ਪ੍ਰਾਈਵੇਟ) ਵੀ ਚੁਣ ਸਕਦੇ ਹੋ।

ਸਟੈਪ 5: ਸਰਚ ਕਰਨ 'ਤੇ ਤੁਹਾਡੇ ਸਾਹਮਣੇ ਉਨ੍ਹਾਂ ਸਾਰੇ ਹਸਪਤਾਲਾਂ ਦੀ ਲਿਸਟ ਆ ਜਾਵੇਗੀ ਜਿੱਥੇ ਆਯੁਸ਼ਮਾਨ ਕਾਰਡ ਸਵੀਕਾਰ ਕੀਤਾ ਜਾਂਦਾ ਹੈ।