FASTag New Rules 2026: ਨੈਸ਼ਨਲ ਹਾਈਵੇਅ ਤੇ ਐਕਸਪ੍ਰੈਸ-ਵੇਅ 'ਤੇ ਸਫ਼ਰ ਦੇ ਨਿਯਮਾਂ 'ਚ ਬਦਲਾਅ: ਦੋ ਦਿਨਾਂ ਬਾਅਦ ਟੋਲ ਟੈਕਸ 'ਤੇ ਕੈਸ਼ ਪੇਮੈਂਟ 'ਤੇ ਲੱਗੇਗੀ ਪਾਬੰਦੀ
ਭਾਰਤੀ ਰਾਸ਼ਟਰੀ ਰਾਜਮਾਰਗ ਅਥਾਰਟੀ (NHAI) ਟੋਲ ਪਲਾਜ਼ਾ 'ਤੇ ਹੋਣ ਵਾਲੀ ਪੇਮੈਂਟ ਅਤੇ ਫਾਸਟੈਗ ਨੂੰ ਲੈ ਕੇ ਵੱਡਾ ਬਦਲਾਅ ਕਰਨ ਜਾ ਰਹੀ ਹੈ। ਇਹ ਬਦਲਾਅ 10 ਅਪ੍ਰੈਲ 2026 ਤੋਂ ਲਾਗੂ ਹੋਣ ਜਾ ਰਹੇ ਹਨ। ਮੰਤਰਾਲੇ ਨੇ ਇਹ ਫੈਸਲਾ ਇਸ ਲਈ ਲਿਆ ਹੈ ਤਾਂ ਜੋ ਹਾਈਵੇਅ 'ਤੇ ਸਫ਼ਰ ਹੋਰ ਆਸਾਨ ਹੋ ਸਕੇ ਅਤੇ ਲੋਕਾਂ ਨੂੰ ਟੋਲ ਪਲਾਜ਼ਿਆਂ 'ਤੇ ਲੰਬੀਆਂ ਕਤਾਰਾਂ ਵਿੱਚ ਇੰਤਜ਼ਾਰ ਨਾ ਕਰਨਾ ਪਵੇ।
Posted By Anuradha Bains
Publish Date: Tue, 07 Apr 2026 03:04 PM (IST)
Updated Date: Tue, 07 Apr 2026 03:15 PM (IST)
ਨਵੀਂ ਦਿੱਲੀ। ਭਾਰਤੀ ਰਾਸ਼ਟਰੀ ਰਾਜਮਾਰਗ ਅਥਾਰਟੀ (NHAI) ਟੋਲ ਪਲਾਜ਼ਾ 'ਤੇ ਹੋਣ ਵਾਲੀ ਪੇਮੈਂਟ ਅਤੇ ਫਾਸਟੈਗ ਨੂੰ ਲੈ ਕੇ ਵੱਡਾ ਬਦਲਾਅ ਕਰਨ ਜਾ ਰਹੀ ਹੈ। ਇਹ ਬਦਲਾਅ 10 ਅਪ੍ਰੈਲ 2026 ਤੋਂ ਲਾਗੂ ਹੋਣ ਜਾ ਰਹੇ ਹਨ। ਮੰਤਰਾਲੇ ਨੇ ਇਹ ਫੈਸਲਾ ਇਸ ਲਈ ਲਿਆ ਹੈ ਤਾਂ ਜੋ ਹਾਈਵੇਅ 'ਤੇ ਸਫ਼ਰ ਹੋਰ ਆਸਾਨ ਹੋ ਸਕੇ ਅਤੇ ਲੋਕਾਂ ਨੂੰ ਟੋਲ ਪਲਾਜ਼ਿਆਂ 'ਤੇ ਲੰਬੀਆਂ ਕਤਾਰਾਂ ਵਿੱਚ ਇੰਤਜ਼ਾਰ ਨਾ ਕਰਨਾ ਪਵੇ।
ਨਕਦ ’ਚ ਨਹੀਂ ਹੋਵੇਗੀ ਪੇਮੈਂਟ
10 ਅਪ੍ਰੈਲ ਤੋਂ ਹੁਣ ਟੋਲ ਪਲਾਜ਼ਿਆਂ 'ਤੇ ਨਕਦ ਲੈਣ-ਦੇਣ ਨਹੀਂ ਹੋਵੇਗਾ। ਕੈਸ਼ ਪੇਮੈਂਟ ਸਿਸਟਮ ਨੂੰ ਇਸ ਲਈ ਖ਼ਤਮ ਕੀਤਾ ਗਿਆ ਹੈ ਤਾਂ ਜੋ ਟੋਲ ਪਲਾਜ਼ਾ 'ਤੇ ਭੁਗਤਾਨ ਲਈ ਸਮਾਂ ਬਚਾਇਆ ਜਾ ਸਕੇ। ਹੁਣ ਯਾਤਰੀ ਡਿਜੀਟਲ ਪੇਮੈਂਟ ਰਾਹੀਂ ਆਪਣਾ ਕੰਮ ਚੁਟਕੀਆਂ ਵਿੱਚ ਨਿਪਟਾ ਸਕਦੇ ਹਨ। ਇਸ ਦੇ ਨਾਲ ਹੀ ਹੁਣ ਫਾਸਟੈਗ (FASTag) ਨੂੰ ਪੂਰੀ ਤਰ੍ਹਾਂ ਲਾਜ਼ਮੀ ਕਰ ਦਿੱਤਾ ਗਿਆ ਹੈ।
ਜਿਵੇਂ ਹੀ ਗੱਡੀ ਟੋਲ ਲੇਨ ਤੋਂ ਫਾਸਟੈਗ ਲੈ ਕੇ ਗੁਜ਼ਰੇਗੀ, ਉਵੇਂ ਹੀ ਸੈਂਸਰ ਰੇਡੀਓ ਫ੍ਰੀਕੁਐਂਸੀ ਰਾਹੀਂ ਪੈਸੇ ਤੁਹਾਡੇ ਲਿੰਕ ਕੀਤੇ ਖਾਤੇ ਵਿੱਚੋਂ ਕੱਟ ਲਵੇਗਾ। ਇਸ ਨਾਲ ਤੁਹਾਨੂੰ ਭੁਗਤਾਨ ਲਈ ਗੱਡੀ ਰੋਕਣ ਦੀ ਲੋੜ ਨਹੀਂ ਪਵੇਗੀ ਅਤੇ ਨਾ ਹੀ ਤੁਸੀਂ ਟ੍ਰੈਫਿਕ ਦਾ ਸ਼ਿਕਾਰ ਹੋਵੋਗੇ।
ਜੇਕਰ ਕੋਈ ਵਿਅਕਤੀ ਫਾਸਟੈਗ ਭੁੱਲ ਵੀ ਜਾਂਦਾ ਹੈ, ਤਾਂ ਉਹ ਭੁਗਤਾਨ UPI ਰਾਹੀਂ ਪੂਰਾ ਕਰ ਸਕਦਾ ਹੈ। ਨਕਦ ਭੁਗਤਾਨ ਨਾ ਹੋਣ ਕਰਕੇ ਹੁਣ ਲੈਣ-ਦੇਣ ਕਰਦੇ ਸਮੇਂ ਜ਼ਿਆਦਾ ਪਰੇਸ਼ਾਨੀ ਵੀ ਨਹੀਂ ਹੋਵੇਗੀ।
ਕਦੋਂ ਦੇਣਾ ਹੋਵੇਗਾ ਸ਼ੁਲਕ?
ਜੇਕਰ ਕੋਈ ਵਿਅਕਤੀ UPI ਰਾਹੀਂ ਭੁਗਤਾਨ ਕਰਦਾ ਹੈ, ਤਾਂ ਉਸ ਨੂੰ 1.25 ਗੁਣਾ ਜ਼ਿਆਦਾ ਸ਼ੁਲਕ (ਟੋਲ ਫੀਸ) ਦਾ ਭੁਗਤਾਨ ਕਰਨਾ ਪਵੇਗਾ।
FASTag ਕਿਵੇਂ ਬਣਾਈਏ?
ਫਾਸਟੈਗ ਬਣਾਉਣ ਲਈ ਤੁਹਾਨੂੰ ਦਫ਼ਤਰਾਂ ਦੇ ਚੱਕਰ ਲਗਾਉਣ ਦੀ ਲੋੜ ਨਹੀਂ ਹੈ। ਇਹ ਬੜੀ ਆਸਾਨੀ ਨਾਲ ਆਨਲਾਈਨ ਹੀ ਬਣ ਜਾਂਦਾ ਹੈ। ਤੁਸੀਂ HDFC, Axis ਵਰਗੇ ਕਿਸੇ ਵੀ ਬੈਂਕ ਦੀ ਵੈੱਬਸਾਈਟ ਜਾਂ UPI ਐਪਸ ਜਿਵੇਂ ਕਿ ਪੇਟੀਐਮ, ਫੋਨ ਪੇ ਆਦਿ ਦੀ ਵਰਤੋਂ ਕਰ ਸਕਦੇ ਹੋ। ਇਸ ਦੇ ਨਾਲ ਹੀ My FASTag ਐਪ ਦੀ ਵਰਤੋਂ ਵੀ ਕੀਤੀ ਜਾ ਸਕਦੀ ਹੈ।
ਬਸ ਇਹ ਧਿਆਨ ਰੱਖੋ ਕਿ ਫਾਸਟੈਗ ਬਣਾਉਣ ਲਈ ਜੋ ਵੀ ਵੇਰਵੇ ਤੁਸੀਂ ਦਰਜ ਕਰ ਰਹੇ ਹੋ, ਉਹ ਪੂਰੀ ਤਰ੍ਹਾਂ ਸਹੀ ਹੋਣ, ਤਾਂ ਜੋ ਬਾਅਦ ਵਿੱਚ ਤੁਹਾਨੂੰ ਇਨ੍ਹਾਂ ਵਿੱਚ ਕੋਈ ਬਦਲਾਅ ਨਾ ਕਰਨਾ ਪਵੇ।