- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
UPI 'ਚ ਆਇਆ ਵੱਡਾ ਬਦਲਾਅ : 5000 ਰੁਪਏ ਤੱਕ ਹੁਣ PIN ਦੀ ਲੋੜ ਨਹੀਂ, ਜਾਣੋ ਕਿਵੇਂ ਹੋਵੇਗੀ ਪੇਮੈਂਟ
NPCI ਨੇ ਡਿਜੀਟਲ ਪੇਮੈਂਟ ਨੂੰ ਹੋਰ ਵੀ ਆਸਾਨ ਅਤੇ ਤੇਜ਼ ਬਣਾਉਣ ਲਈ ਇੱਕ ਵੱਡਾ ਕਦਮ ਚੁੱਕਿਆ ਹੈ। ਹੁਣ ਯੂਜ਼ਰਸ ਕਈ UPI ਐਪਸ 'ਤੇ ਪੇਮੈਂਟ ਕਰਨ ਲਈ ਬਾਇਓਮੈਟ੍ਰਿਕ ਆਥੈਂਟੀਕੇਸ਼ਨ (Biometric Authentication) ਯਾਨੀ Face ID ਜਾਂ ਫਿੰਗਰਪ੍ਰਿੰਟ ਦੀ ਵਰਤੋਂ ਕਰ ਸਕਣਗੇ
Posted By alisha
Publish Date: Sun, 15 Mar 2026 10:51 AM (IST)
Updated Date: Sun, 15 Mar 2026 10:56 AM (IST)
ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ : NPCI ਨੇ ਡਿਜੀਟਲ ਪੇਮੈਂਟ ਨੂੰ ਹੋਰ ਵੀ ਆਸਾਨ ਅਤੇ ਤੇਜ਼ ਬਣਾਉਣ ਲਈ ਇੱਕ ਵੱਡਾ ਕਦਮ ਚੁੱਕਿਆ ਹੈ। ਹੁਣ ਯੂਜ਼ਰਸ ਕਈ UPI ਐਪਸ 'ਤੇ ਪੇਮੈਂਟ ਕਰਨ ਲਈ ਬਾਇਓਮੈਟ੍ਰਿਕ ਆਥੈਂਟੀਕੇਸ਼ਨ (Biometric Authentication) ਯਾਨੀ Face ID ਜਾਂ ਫਿੰਗਰਪ੍ਰਿੰਟ ਦੀ ਵਰਤੋਂ ਕਰ ਸਕਣਗੇ। ਇਸ ਨਵੇਂ ਬਦਲਾਅ ਨਾਲ ਹੁਣ ਤੁਹਾਨੂੰ ਹਰ ਵਾਰ UPI PIN ਭਰਨ ਦੀ ਲੋੜ ਨਹੀਂ ਪਵੇਗੀ।
ਪਹਿਲਾਂ ਇਹ ਸਹੂਲਤ ਸਿਰਫ਼ ਕੁਝ ਖਾਸ ਐਪਸ ਅਤੇ ਐਂਡਰਾਇਡ ਯੂਜ਼ਰਸ ਲਈ ਹੀ ਸੀ ਪਰ ਹੁਣ ਇਸ ਨੂੰ ਸਾਰੀਆਂ ਵੱਡੀਆਂ UPI ਐਪਸ ਅਤੇ iPhone ਯੂਜ਼ਰਸ ਲਈ ਵੀ ਰੋਲ ਆਊਟ ਕੀਤਾ ਜਾ ਰਿਹਾ ਹੈ।
ਪੇਮੈਂਟ ਕਰਨ ਦਾ ਤਰੀਕਾ ਬਦਲਿਆ
ਹੁਣ ਤੱਕ UPI ਰਾਹੀਂ ਪੇਮੈਂਟ ਕਰਦੇ ਸਮੇਂ 4 ਜਾਂ 6 ਅੰਕਾਂ ਦਾ PIN ਪਾਉਣਾ ਪੈਂਦਾ ਸੀ ਪਰ ਇਸ ਅਪਡੇਟ ਤੋਂ ਬਾਅਦ ਛੋਟੇ ਲੈਣ-ਦੇਣ ਲਈ ਸਿਰਫ਼ ਫਿੰਗਰਪ੍ਰਿੰਟ ਜਾਂ ਫੇਸ ਆਈਡੀ ਨਾਲ ਹੀ ਪੇਮੈਂਟ ਕਨਫਰਮ ਹੋ ਜਾਵੇਗੀ।
ਸੁਰੱਖਿਆ ਦਾ ਖਾਸ ਧਿਆਨ
ਯੂਜ਼ਰਸ ਦੀ ਸੁਰੱਖਿਆ ਨੂੰ ਦੇਖਦੇ ਹੋਏ, ਬਾਇਓਮੈਟ੍ਰਿਕ ਰਾਹੀਂ ਸਿਰਫ਼ 5000 ਰੁਪਏ ਤੱਕ ਦੀ ਪੇਮੈਂਟ ਹੀ ਕੀਤੀ ਜਾ ਸਕੇਗੀ। ਜੇਕਰ ਰਕਮ 5000 ਰੁਪਏ ਤੋਂ ਜ਼ਿਆਦਾ ਹੈ ਤਾਂ ਤੁਹਾਨੂੰ ਪਹਿਲਾਂ ਵਾਂਗ ਹੀ ਆਪਣਾ UPI PIN ਭਰਨਾ ਪਵੇਗਾ।
ਬਾਇਓਮੈਟ੍ਰਿਕ ਪੇਮੈਂਟ ਫੀਚਰ ਨੂੰ ਕਿਵੇਂ ਚਾਲੂ ਕਰੀਏ
ਜੇਕਰ ਤੁਸੀਂ PhonePe, Google Pay, Paytm ਜਾਂ BHIM ਵਰਗੀਆਂ ਐਪਸ ਦੀ ਵਰਤੋਂ ਕਰਦੇ ਹੋ ਤਾਂ ਤੁਸੀਂ ਇਨ੍ਹਾਂ ਸਟੈਪਸ ਰਾਹੀਂ ਇਸ ਸਹੂਲਤ ਨੂੰ ਸ਼ੁਰੂ ਕਰ ਸਕਦੇ ਹੋ।
ਸਭ ਤੋਂ ਪਹਿਲਾਂ ਆਪਣੀ ਪੇਮੈਂਟ ਐਪ ਨੂੰ ਲੇਟੈਸਟ ਵਰਜ਼ਨ ਵਿੱਚ ਅਪਡੇਟ ਕਰੋ।
ਐਪ ਦੀ Settings ਵਿੱਚ ਜਾ ਕੇ 'Biometric Payment' ਜਾਂ 'Pay with Face ID/Fingerprint' ਦਾ ਆਪਸ਼ਨ ਲੱਭੋ।
ਉਸ ਬੈਂਕ ਖਾਤੇ ਨੂੰ ਚੁਣੋ ਜਿਸ 'ਤੇ ਤੁਸੀਂ ਇਹ ਫੀਚਰ ਚਾਲੂ ਕਰਨਾ ਚਾਹੁੰਦੇ ਹੋ।
ਪੁਸ਼ਟੀ (Verification) ਲਈ ਇੱਕ ਵਾਰ ਆਪਣਾ UPI PIN ਦਰਜ ਕਰੋ।
ਇੰਨਾ ਕਰਦੇ ਹੀ ਤੁਹਾਡੇ ਫੋਨ ਵਿੱਚ ਬਾਇਓਮੈਟ੍ਰਿਕ ਪੇਮੈਂਟ ਫੀਚਰ ਐਕਟਿਵ ਹੋ ਜਾਵੇਗਾ।