ਅਮਰੀਕਾ ਨਾਲ ਪਰਮਾਣੂ ਵਾਰਤਾ ਵਿਚ ਆਈ ਰੁਕਾਵਟ ਦੌਰਾਨ ਉੱਤਰੀ ਕੋਰੀਆ ਦੇ ਸਰਬਉੱਚ ਨੇਤਾ ਕਿਮ ਜੋਂਗ ਉਨ ਨੇ ਅਜਿਹੇ ਸਾਬਕਾ ਰੱਖਿਆ ਕਮਾਂਡਰ ਨੂੰ ਦੇਸ਼ ਦਾ ਵਿਦੇਸ਼ ਮੰਤਰੀ ਚੁਣਿਆ ਹੈ ਜਿਸ ਦਾ ਮਿਜ਼ਾਜ ਸਖ਼ਤ ਮੰਨਿਆ ਜਾਂਦਾ ਹੈ।

ਯਮਨ ਦੇ ਮਾਰਿਬ ਸੂਬੇ 'ਚ ਹਾਊਤੀ ਬਾਗੀਆਂ ਵੱਲੋਂ ਇਕ ਮਸਜਿਦ 'ਤੇ ਕੀਤੇ ਗਏ ਮਿਜ਼ਾਈਲ ਤੇ ਡਰੋਨ ਹਮਲੇ 'ਚ 83 ਫ਼ੌਜੀਆਂ ਦੀ ਜਾਨ ਚਲੀ ਗਈ ਜਦਕਿ 148 ਜ਼ਖ਼ਮੀ ਹੋ ਗਏ। ਇਹ ਹਮਲਾ ਸ਼ਨਿਚਰਵਾਰ ਨੂੰ ਉਸ ਸਮੇਂ ਕੀਤਾ ਗਿਆ ਜਦੋਂ ਫ਼ੌਜੀ ਸ਼ਾਮ ਦੀ ਨਮਾਜ਼ ਅਦਾ ਕਰ ਰਹੇ ਸਨ।

ਰਾਸ਼ਟਰਪਤੀ ਵੋਲੋਦੀਮੀਰ ਜੈਲੇਂਸਕੀ ਦੀ ਅਰਥ-ਵਿਵਸਥਾ ਦੀ ਸਮਝ ਨੂੰ ਲੈ ਕੇ ਆਪਣਾ ਇਕ ਵੀਡੀਓ ਲੀਕ ਹੋਣ ਪਿੱਛੋਂ ਯੂਕਰੇਨ ਦੇ ਪ੍ਰਧਾਨ ਮੰਤਰੀ ਓਲੇਕਸੀ ਗੋਂਚਾਰੂਕ ਨੇ ਅਸਤੀਫ਼ਾ ਦੇ ਦਿੱਤਾ ਹੈ। ਰਾਸ਼ਟਰਪਤੀ ਦਫ਼ਤਰ ਨੇ ਅਸਤੀਫ਼ਾ ਮਿਲਣ ਦੀ ਪੁਸ਼ਟੀ ਕਰਦੇ ਹੋਏ ਕਿਹਾ ਹੈ ਕਿ ਉਹ ਇਸ 'ਤੇ ਵਿਚਾਰ ਕ...

ਚੀਨ ਵਿਚ ਰਹੱਸਮਈ ਕੋਰੋਨਾ ਵਾਇਰਸ ਨਾਲ ਦੂਜੀ ਮੌਤ ਹੋ ਗਈ। ਸਾਹ ਸਬੰਧੀ ਪਰੇਸ਼ਾਨੀ ਦਾ ਕਾਰਨ ਬਣਨ ਵਾਲੇ ਇਸ ਵਾਇਰਸ ਤੋਂ 41 ਲੋਕ ਪੀੜਤ ਦੱਸੇ ਜਾ ਰਹੇ ਹਨ। ਇਸ ਦੇ ਇਨਫੈਕਸ਼ਨ ਦੇ ਖ਼ਤਰੇ ਨੂੰ ਦੇਖਦੇ ਹੋਏ ਭਾਰਤ ਨੇ ਵੀ ਅਲਰਟ ਜਾਰੀ ਕੀਤਾ ਹੈ।

ਤਾਇਵਾਨ 'ਚ ਰਾਸ਼ਟਰਪਤੀ ਤੇ ਸੰਸਦੀ ਚੋਣ ਦੇ ਤੁਰੰਤ ਬਾਅਦ ਫ਼ੌਜੀ ਅਭਿਆਸ ਸ਼ੁਰੂ ਹੋ ਗਿਆ ਹੈ। ਤਾਇਵਾਨ ਦੀ ਜਲ ਸੈਨਾ ਨੇ ਵੀਰਵਾਰ ਨੂੰ ਛੋਟੇ ਹਥਿਆਰਾਂ ਨਾਲ ਆਹਮੋ-ਸਾਹਮਣੇ ਦੀ ਲੜਾਈ ਦਾ ਅਭਿਆਸ ਕੀਤਾ। ਇਸ ਤੋਂ ਪਹਿਲੇ ਹਵਾਈ ਫ਼ੌਜ ਨੇ ਆਪਣੀ ਜੰਗ ਦੀ ਸਮਰੱਥਾ ਦਾ ਪ੍ਰਦਰਸ਼ਨ ਕੀਤਾ ਸੀ।

ਅਫ਼ਗਾਨਿਸਤਾਨ ਦੇ ਦੱਖਣੀ ਜ਼ਾਬੁਲ ਸੂਬੇ 'ਚ ਸੜਕ ਕਿਨਾਰੇ ਪਏ ਇਕ ਬੰਬ ਨਾਲ ਕਾਰ ਦੇ ਟਕਰਾਉਣ 'ਤੇ ਹੋਏ ਧਮਾਕੇ ਵਿਚ ਕਾਰ ਦੇ ਡਰਾਈਵਰ ਸਣੇ ਪੰਜ ਸਰਕਾਰੀ ਮੁਲਾਜ਼ਮਾਂ ਦੀ ਮੌਤ ਹੋ ਗਈ। ਇਸ ਹਮਲੇ ਦੀ ਕਿਸੇ ਵੀ ਅੱਤਵਾਦੀ ਜਮਾਤ ਨੇ ਅਜੇ ਤਕ ਜ਼ਿੰਮੇਵਾਰੀ ਨਹੀਂ ਲਈ ਹੈ।

ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਦੇਸ਼ ਦੀ ਸੰਸਦ ਨੂੰ ਪ੍ਰਧਾਨ ਮੰਤਰੀ ਤੇ ਹੋਰ ਪ੍ਰਮੁੱਖ ਅਹੁਦਿਆਂ ਲਈ ਵਿਅਕਤੀਆਂ ਨੂੰ ਚੁਣਨ ਦੀ ਸ਼ਕਤੀ ਦੇਣ ਦੀ ਤਜਵੀਜ਼ ਰੱਖੀ ਹੈ। ਇਸ ਨੂੰ ਰੂਸੀ ਸੰਵਿਧਾਨ 'ਚ ਵੱਡੇ ਬਦਲਾਅ ਦੇ ਤੌਰ 'ਤੇ ਦੇਖਿਆ ਜਾ ਰਿਹਾ ਹੈ।

ਅਫ਼ਗਾਨਿਸਤਾਨ ਸਰਕਾਰ ਦੇ ਬੁਲਾਰੇ ਨੇ ਕਿਹਾ ਹੈ ਕਿ ਕਿਸੇ ਵੀ ਤਰ੍ਹਾਂ ਦੀ ਸ਼ਾਂਤੀ ਵਾਰਤਾ ਤੋਂ ਪਹਿਲੇ ਤਾਲਿਬਾਨ ਨੂੰ ਜੰਗਬੰਦੀ ਦਾ ਐਲਾਨ ਕਰਨਾ ਹੋਵੇਗਾ। ਉਨ੍ਹਾਂ ਦੋ ਟੁੱਕ ਕਿਹਾ ਕਿ ਜੇਕਰ ਅੱਤਵਾਦੀ ਜਮਾਤ ਅਜਿਹਾ ਨਹੀਂ ਕਰਦੀ ਹੈ ਤਾਂ ਅਫ਼ਗਾਨ ਸਰਕਾਰ ਨਾਲ ਵਾਰਤਾ ਨਹੀਂ ਹੋਵੇਗੀ।

ਚੀਨ ਦੇ ਕਿੰਗਾਈ ਸੂਬੇ ਦੀ ਰਾਜਧਾਨੀ ਸਾਈਨਿੰਗ 'ਚ ਜ਼ਮੀਨ ਧੱਸਣ ਨਾਲ ਇਕ ਬੱਸ ਦੇ ਉਸ ਵਿਚ ਡਿੱਗ ਜਾਣ ਕਾਰਨ ਛੇ ਲੋਕਾਂ ਦੀ ਮੌਤ ਹੋ ਗਈ ਜਦਕਿ ਕਈ ਹੋਰ ਲਾਪਤਾ ਹਨ। ਸੀਸੀਟੀਵੀ ਕੈਮਰਿਆਂ ਤੋਂ ਪਤਾ ਲੱਗਾ ਕਿ ਲੋਕ ਇਕ ਬੱਸ ਸਟਾਪ 'ਤੇ ਬੱਸ ਦਾ ਇੰਤਜ਼ਾਰ ਕਰ ਰਹੇ ਸਨ ਕਿ ਅਚਾਨਕ ਜ਼ਮੀਨ ਧੱਸਣ...

ਯੂਏਈ ਦੇ ਦੁਬਈ ਸ਼ਹਿਰ 'ਚ ਪਾਕਿਸਤਾਨੀ ਡਰਾਈਵਰ ਨੇ ਆਪਣੀ ਟੈਕਸੀ 'ਚ ਰਹਿ ਗਿਆ ਭਾਰਤੀ ਲੜਕੀ ਦਾ ਪਰਸ ਵਾਪਸ ਕਰ ਕੇ ਇਮਾਨਦਾਰੀ ਦਾ ਸਬੂਤ ਦਿੱਤਾ। ਬਰਤਾਨੀਆ 'ਚ ਰਹਿ ਕੇ ਪੜ੍ਹਾਈ ਕਰਨ ਵਾਲੇ ਰਸ਼ੇਲ ਰੋਜ਼ ਪਰਿਵਾਰ ਦੇ ਨਾਲ ਸਰਦੀ ਦੀਆਂ ਛੁੱਟੀਆਂ ਮਨਾਉਣ ਦੁਬਈ ਆਈ ਸੀ।

ਚੀਨ ਦੀ ਪੁਲਿਸ ਨੇ ਹਥਿਆਰਾਂ ਨਾਲ ਲੈਸ ਇਕ ਅਗਵਾਕਾਰ ਨੂੰ ਗੋਲ਼ੀ ਮਾਰ ਕੇ ਮਾਰ ਦਿੱਤਾ ਜਿਸ ਨੇ ਤਿੰਨ ਲੋਕਾਂ ਨੂੰ ਬੰਧਕ ਬਣਾਇਆ ਹੋਇਆ ਸੀ। ਇਹ ਘਟਨਾ ਉੱਤਰੀ ਮੰਗੋਲੀਆ ਖੇਤਰ ਦੇ ਹੋਹੋਟ ਇਲਾਕੇ ਵਿਚ ਐਤਵਾਰ ਨੂੰ ਸਥਾਨਕ ਸਮੇਂ ਅਨੁਸਾਰ ਸਵੇਰੇ 11 ਵਜੇ ਵਾਪਰੀ।

ਰਾਸ਼ਟਰਪਤੀ ਚੋਣ ਵਿਚ ਬੇਨਿਯਮੀਆਂ ਦੇ ਦੋਸ਼ਾਂ ਵਿਚਕਾਰ ਅਫ਼ਗਾਨਿਸਤਾਨ ਦੇ ਆਈਈਸੀਸੀ ਨੇ ਵੱਡਾ ਫ਼ੈਸਲਾ ਲਿਆ ਹੈ। ਕਮਿਸ਼ਨ 18 ਸੂਬਿਆਂ ਦੇ 1,645 ਪੋਲਿੰਗ ਕੇਂਦਰਾਂ ਵਿਚ ਰਾਸ਼ਟਰਪਤੀ ਚੋਣ ਦੌਰਾਨ ਪਾਈਆਂ ਗਈਆਂ ਵੋਟਾਂ ਨੂੰ ਫਿਰ ਗਿਣੇਗਾ।

ਵੀਅਤਨਾਮ 'ਚ ਫ਼ੌਜ ਦੇ ਹਨੋਈ ਹਵਾਈ ਅੱਡੇ ਨੇੜੇ ਜ਼ਮੀਨ ਦੇ ਝਗੜੇ ਕਾਰਨ ਹੋਈ ਲੜਾਈ ਵਿਚ ਪੁਲਿਸ ਦੇ ਤਿੰਨ ਜਵਾਨ ਤੇ ਇਕ ਪੇਂਡੂ ਦੀ ਮੌਤ ਹੋ ਗਈ। ਇਸ ਇਲਾਕੇ ਵਿਚ ਬਣ ਰਹੀ ਇਮਾਰਤ ਨੂੰ ਲੈ ਕੇ ਸਥਾਨਕ ਲੋਕਾਂ ਤੇ ਸਰਕਾਰ ਵਿਚਕਾਰ ਕਾਫ਼ੀ ਸਮੇਂ ਤੋਂ ਵਿਵਾਦ ਚੱਲ ਰਿਹਾ ਹੈ।

ਸੰਯੁਕਤ ਅਰਬ ਅਮੀਰਾਤ ਦੇ ਦੁਬਈ ਸ਼ਹਿਰ ਘੁੰਮਣ ਗਏ ਭਾਰਤੀ ਕਾਰੋਬਾਰੀ ਨੇਮ ਚੰਦ ਜੈਨ ਦੀ ਐਤਵਾਰ ਨੂੰ ਹਾਰਟ ਅਟੈਕ ਨਾਲ ਮੌਤ ਹੋ ਗਈ। ਮੂਲ ਰੂਪ 'ਚ ਪੰਜਾਬ ਦੇ ਰਹਿਣ ਵਾਲੇ ਜੈਨ 18 ਲੋਕਾਂ ਨਾਲ ਪਹਿਲੀ ਵਾਰ ਭਾਰਤ ਤੋਂ ਬਾਹਰ ਘੁੰਮਣ ਗਏ ਸਨ।

ਹਾਲੀਵੁੱਡ ਸਟਾਰ ਕ੍ਰਿਸ ਹੈਮਸਵਰਥ ਨੇ ਮੰਗਲਵਾਰ ਨੂੰ ਐਲਾਨ ਕੀਤਾ ਕਿ ਉਹ ਆਸਟ੍ਰੇਲੀਆ ਦੇ ਜੰਗਲਾਂ ਵਿਚ ਲੱਗੀ ਅੱਗ ਲਈ ਸਹਾਇਤਾ ਵਜੋਂ 10 ਲੱਖ ਅਮਰੀਕੀ ਡਾਲਰ ਦੇ ਰਹੇ ਹਨ।

ਨਿਊ ਓਰਲੀਨਜ਼ ਦੇ ਵਾਲਮਾਰਟ ਸਟੋਰ 'ਚ ਸੋਮਵਾਰ ਸ਼ਾਮ ਹੋਈ ਫਾਇਰਿੰਗ 'ਚ ਇਕ ਵਿਅਕਤੀ ਦੀ ਮੌਤ ਹੋ ਗਈ ਜਦਕਿ ਇਕ ਔਰਤ ਗੰਭੀਰ ਰੂਪ 'ਚ ਜ਼ਖ਼ਮੀ ਹੋ ਗਈ। ਪੁਲਿਸ ਅਨੁਸਾਰ ਉਸ ਨੇ ਇਸ ਗੋਲ਼ੀਬਾਰੀ ਸਬੰਧੀ ਇਕ ਵਿਅਕਤੀ ਨੂੰ ਪੁੱਛਗਿੱਛ ਲਈ ਕਾਬੂ ਕੀਤਾ ਹੈ ...

ਅਮਰੀਕਾ ਵਿਚ ਵਸੇ ਈਰਾਨੀ ਮੂਲ ਦੇ ਨਾਗਰਿਕਾਂ ਨੂੰ ਵੀ ਬਦਲੇ ਹਾਲਾਤ ਦਾ ਖ਼ਮਿਆਜ਼ਾ ਭੁਗਤਣਾ ਪੈ ਰਿਹਾ ਹੈ। ਕੈਨੇਡਾ ਦੀ ਯਾਤਰਾ ਤੋਂ ਪਰਤਣ ਵਾਲੇ ਦਰਜਨਾਂ ਈਰਾਨੀ-ਅਮਰੀਕੀ ਨਾਗਰਿਕਾਂ ਨੂੰ ਹਫ਼ਤੇ ਦੇ ਅਖੀਰ ਵਿਚ ਸਰਹੱਦ 'ਤੇ ਕਈ ਘੰਟਿਆਂ ਤਕ ਰੋਕ ਕੇ ਰੱਖਿਆ ਗਿਆ।

ਪੱਛਮੀ ਜਰਮਨੀ ਦੀ ਪੁਲਿਸ ਨੇ ਇਕ 37 ਸਾਲਾ ਵਿਅਕਤੀ ਨੂੰ ਗੋਲ਼ੀ ਮਾਰ ਕੇ ਮਾਰ ਦਿੱਤਾ ਜੋਕਿ ਚਾਕੂਨੁਮਾ ਚੀਜ਼ ਲੈ ਕੇ ਉਨ੍ਹਾਂ ਵੱਲ ਵੱਧ ਰਿਹਾ ਸੀ। ਜਰਮਨ ਨਿਊਜ਼ ਏਜੰਸੀ ਡੀਪੀਏ ਮੁਤਾਬਿਕ ਪੁਲਿਸ ਇਸ ਗੱਲ ਦੀ ਜਾਂਚ ਕਰ ਰਹੀ ਹੈ ਕਿ ਕੀ ਇਹ ਅੱਤਵਾਦੀ ਹਮਲਾ ਤਾਂ ਨਹੀਂ ਸੀ।

ਫਿਲਪੀਨ ਦੇ ਰਾਸ਼ਟਰਪਤੀ ਰੋਡਰਿਗੋ ਦੁਤੇਰਤੇ ਨੇ ਮੱਧ ਪੂਰਬ ਵਿਚ ਵੱਧ ਰਹੇ ਤਣਾਅ ਨੂੰ ਮੁੱਖ ਰੱਖਦਿਆਂ ਆਪਣੀ ਫ਼ੌਜ ਨੂੰ ਆਦੇਸ਼ ਦਿੱਤੇ ਹਨ ਕਿ ਉਹ ਇਰਾਕ ਤੇ ਈਰਾਨ ਵਿਚੋਂ ਫਿਲਪੀਨ ਦੇ ਕਾਮਿਆਂ ਨੂੰ ਕੱਢਣ ਲਈ ਆਪਣੇ ਹਵਾਈ ਅਤੇ ਸਮੁੰਦਰੀ ਜਹਾਜ਼ ਤਿਆਰ ਰੱਖੇ।

ਇੰਡੋਨੇਸ਼ੀਆ ਦੇ ਸੈਲਾਨੀ ਕੇਂਦਰ ਬਾਲੀ ਟਾਪੂ ਦੀ ਇਕ ਅਦਾਲਤ ਨੇ ਨਸ਼ਾ ਸਮੱਗਲਿੰਗ ਦੇ ਦੋਸ਼ ਵਿਚ ਦੋ ਆਸਟ੍ਰੇਲੀਆਈ ਨਾਗਰਿਕਾਂ ਨੂੰ ਨੌਂ ਅਤੇ 12 ਮਹੀਨਿਆਂ ਦੀ ਸਜ਼ਾ ਸੁਣਾਈ ਹੈ। ਇਨ੍ਹਾਂ ਦੋਵਾਂ ਤੋਂ ਕੋਕੀਨ ਬਰਾਮਦ ਹੋਈ ਸੀ।