80 ਸਾਲਾਂ ਦੇ ਹੋਏ ਡੋਨਾਲਡ ਟਰੰਪ : ਦੁਨੀਆ ਦੇ 91% ਆਗੂਆਂ ਤੋਂ ਵੱਡੇ, ਫਿਰ ਵੀ 16 ਰਾਸ਼ਟਰ ਮੁਖੀਆਂ ਤੋਂ ਛੋਟੇ; ਸਾਊਦੀ ਕਿੰਗ ਵੀ 10 ਸਾਲ ਸੀਨੀਅਰ

ਡਿਜੀਟਲ ਡੈਸਕ, ਨਵੀਂ ਦਿੱਲੀ: ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਹਾਲ ਹੀ 'ਚ 14 ਜੂਨ ਨੂੰ 80 ਸਾਲਾਂ ਦੇ ਹੋ ਗਏ। ਇਸ ਦੇ ਨਾਲ ਹੀ ਉਹ ਅਮਰੀਕੀ ਇਤਿਹਾਸ 'ਚ ਰਾਸ਼ਟਰਪਤੀ ਦੇ ਅਹੁਦੇ 'ਤੇ ਰਹਿੰਦਿਆਂ 80 ਸਾਲ ਦੀ ਉਮਰ ਨੂੰ ਛੂਹਣ ਵਾਲੇ ਦੇਸ਼ ਦੇ ਦੂਜੇ ਨੇਤਾ ਬਣ ਗਏ ਹਨ। ਉਨ੍ਹਾਂ ਤੋਂ ਪਹਿਲਾਂ ਸਾਬਕਾ ਰਾਸ਼ਟਰਪਤੀ ਜੋਅ ਬਾਇਡਨ ਨੇ ਨਵੰਬਰ 2022 'ਚ ਅਹੁਦੇ 'ਤੇ ਰਹਿੰਦਿਆਂ ਆਪਣਾ 80ਵਾਂ ਜਨਮਦਿਨ ਮਨਾਇਆ ਸੀ।

ਉਮਰ ਦੇ ਇਸ ਪੜਾਅ 'ਤੇ ਪਹੁੰਚ ਕੇ ਟਰੰਪ ਭਾਵੇਂ ਦੁਨੀਆ ਦੇ ਸਭ ਤੋਂ ਉਮਰਦਰਾਜ਼ ਨੇਤਾਵਾਂ ਦੀ ਕਤਾਰ 'ਚ ਸ਼ਾਮਲ ਹੋ ਗਏ ਹੋਣ, ਪਰ ਉਹ ਦੁਨੀਆ ਦੇ ਸਭ ਤੋਂ ਬਜ਼ੁਰਗ ਸ਼ਾਸਕ ਨਹੀਂ ਹਨ। 'ਪਿਊ ਰਿਸਰਚ ਸੈਂਟਰ' (Pew Research Center) ਦੀ ਇਕ ਤਾਜ਼ਾ ਰਿਪੋਰਟ ਮੁਤਾਬਕ, ਸੰਯੁਕਤ ਰਾਸ਼ਟਰ ਦੇ 186 ਦੇਸ਼ਾਂ ਦੇ ਨੇਤਾਵਾਂ 'ਚੋਂ 16 ਰਾਸ਼ਟਰ ਮੁਖੀ ਅਜਿਹੇ ਹਨ ਜੋ ਉਮਰ ਦੇ ਮਾਮਲੇ ' ਟਰੰਪ ਤੋਂ ਵੀ ਕਾਫ਼ੀ ਵੱਡੇ ਹਨ।

ਟਰੰਪ 91 ਫੀਸਦੀ ਨੇਤਾਵਾਂ ਤੋਂ ਉਮਰ 'ਚ ਵੱਡੇ

ਮਜ਼ੇਦਾਰ ਗੱਲ ਇਹ ਹੈ ਕਿ 'ਪਿਊ ਰਿਸਰਚ ਸੈਂਟਰ' ਦੀ ਇਹ ਰਿਪੋਰਟ ਦਿਲਚਸਪ ਅੰਕੜੇ ਸਾਹਮਣੇ ਲਿਆਉਂਦੀ ਹੈ ਜਿਸ ਅਨੁਸਾਰ ਡੋਨਾਲਡ ਟਰੰਪ ਦੁਨੀਆ ਦੇ ਲਗਪਗ 91 ਫੀਸਦੀ ਰਾਸ਼ਟਰੀ ਨੇਤਾਵਾਂ ਤੋਂ ਉਮਰ 'ਚ ਵੱਡੇ ਹਨ, ਜਦੋਂਕਿ ਦੁਨੀਆ ਭਰ ਦੇ ਰਾਸ਼ਟਰ ਮੁਖੀਆਂ ਦੀ ਔਸਤ ਉਮਰ ਮਹਿਜ਼ 63 ਸਾਲ ਹੈ। ਅਜਿਹੇ ਵਿਚ ਜੇਕਰ ਦੁਨੀਆ ਦੇ ਸਭ ਤੋਂ ਬਜ਼ੁਰਗ ਮੌਜੂਦਾ ਨੇਤਾ ਦੀ ਗੱਲ ਕਰੀਏ ਤਾਂ ਇਹ ਰਿਕਾਰਡ ਕੈਮਰੂਨ ਦੇ ਰਾਸ਼ਟਰਪਤੀ ਪੌਲ ਬੀਆ ਦੇ ਨਾਂ ਹੈ।

ਪੌਲ ਬੀਆ ਦੀ ਉਮਰ 93 ਸਾਲ ਹੈ ਤੇ ਉਹ ਸਾਲ 1982 ਤੋਂ ਲਗਾਤਾਰ ਆਪਣੇ ਦੇਸ਼ ਦੀ ਸੱਤਾ ਸੰਭਾਲ ਰਹੇ ਹਨ। ਉਨ੍ਹਾਂ ਤੋਂ ਬਾਅਦ ਦੂਜੇ ਨੰਬਰ 'ਤੇ ਸਾਊਦੀ ਅਰਬ ਦੇ ਰਾਜਾ ਸਲਮਾਨ ਬਿਨ ਅਬਦੁਲਅਜ਼ੀਜ਼ ਅਲ ਸਊਦ ਆਉਂਦੇ ਹਨ, ਜਿਨ੍ਹਾਂ ਦੀ ਉਮਰ 90 ਸਾਲ ਹੈ ਅਤੇ ਉਹ ਸਾਲ 2015 ਤੋਂ ਦੇਸ਼ ਦੇ ਸ਼ਾਸਕ ਬਣੇ ਹੋਏ ਹਨ।

ਕਿਹੜੇ 16 ਰਾਸ਼ਟਰਪ ਮੁਖੀ ਜੋ ਟਰੰਪ ਤੋਂ ਵੱਡੇ ਹਨ?

'ਪਿਊ ਰਿਸਰਚ ਸੈਂਟਰ' ਦੇ ਜੂਨ 2026 ਤਕ ਦੇ ਅੰਕੜਿਆਂ ਦੇ ਅਧਾਰ 'ਤੇ ਦੁਨੀਆ ਦੇ ਚੋਟੀ ਦੇ 16 ਸਭ ਤੋਂ ਉਮਰਦਰਾਜ਼ ਰਾਸ਼ਟਰ ਮੁਖੀਆਂ ਦੀ ਸੂਚੀ ਕੁਝ ਇਸ ਪ੍ਰਕਾਰ ਹੈ।

ਸਭ ਤੋਂ ਨੌਜਵਾਨ ਨੇਪਾਲ ਦੇ ਪੀਐਮ, ਫਿਰ ਪੌਲ ਸਿਖਰ 'ਤੇ

ਰਿਪੋਰਟ ਮੁਤਾਬਕ, ਕੈਮਰੂਨ ਦੇ ਰਾਸ਼ਟਰਪਤੀ ਪੌਲ ਬੀਆ 93 ਸਾਲ ਦੀ ਉਮਰ ਦੇ ਨਾਲ ਦੁਨੀਆ ਦੇ ਸਭ ਤੋਂ ਬਜ਼ੁਰਗ ਨੇਤਾ ਹਨ। ਉਨ੍ਹਾਂ ਤੋਂ ਇਲਾਵਾ 63 ਸਾਲ ਦੀ ਉਮਰ ਪਾਰ ਕਰ ਚੁੱਕੇ ਪ੍ਰਮੁੱਖ ਗਲੋਬਲ ਨੇਤਾਵਾਂ ਵਿੱਚ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ (75 ਸਾਲ), ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ (73 ਸਾਲ) ਅਤੇ ਚੀਨ ਦੇ ਰਾਸ਼ਟਰਪਤੀ ਸ਼ੀ ਜਿਨਪਿੰਗ (72 ਸਾਲ) ਅਤੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ (80 ਸਾਲ) ਸ਼ਾਮਲ ਹਨ।

ਦੂਜੇ ਪਾਸੇ, ਦੁਨੀਆ ਦੇ ਸਭ ਤੋਂ ਨੌਜਵਾਨ ਨੇਤਾਵਾਂ ਦੀ ਗੱਲ ਕਰੀਏ ਤਾਂ ਇਸ ਵਿਚ ਨੇਪਾਲ ਦੇ ਬਾਲੇਨ ਸ਼ਾਹ (36 ਸਾਲ) ਸਭ ਤੋਂ ਅੱਗੇ ਹਨ, ਜਿਨ੍ਹਾਂ ਤੋਂ ਬਾਅਦ ਯੂਕਰੇਨ ਦੇ ਵੋਲੋਦੀਮੀਰ ਜ਼ੇਲੇਂਸਕੀ (48 ਸਾਲ) ਅਤੇ ਕੈਨੇਡਾ ਦੇ ਮਾਰਕ ਕਾਰਨੀ (61 ਸਾਲ) ਦਾ ਨਾਮ ਆਉਂਦਾ ਹੈ।

ਉਮਰਦਰਾਜ਼ ਲੀਡਰਸ਼ਿਪ ਕਿੱਥੇ ਸਭ ਤੋਂ ਵੱਧ?

ਰਿਪੋਰਟ ਦੇ ਵਿਸ਼ਲੇਸ਼ਣ ਤੋਂ ਇਹ ਵੀ ਪਤਾ ਚੱਲਦਾ ਹੈ ਕਿ ਦੁਨੀਆ ਦੇ ਸਭ ਤੋਂ ਵੱਧ ਉਮਰ ਵਾਲੇ ਨੇਤਾਵਾਂ ਵਚ ਸਭ ਤੋਂ ਵੱਡੀ ਗਿਣਤੀ ਅਫ਼ਰੀਕੀ ਦੇਸ਼ਾਂ ਦੇ ਪ੍ਰਮੁੱਖਾਂ ਦੀ ਹੈ। ਇਨ੍ਹਾਂ ਵਿੱਚ ਯੂਗਾਂਡਾ, ਇਕਵੇਟੋਰੀਅਲ ਗਿਨੀ, ਮਲਾਵੀ, ਆਈਵਰੀ ਕੋਸਟ, ਜ਼ਿੰਬਾਬਵੇ ਅਤੇ ਰਿਪਬਲਿਕ ਆਫ਼ ਕਾਂਗੋ ਵਰਗੇ ਦੇਸ਼ਾਂ ਦੇ ਨਾਮ ਸ਼ਾਮਲ ਹਨ।

ਉਦਾਹਰਨ ਦੇ ਤੌਰ 'ਤੇ, ਯੂਗਾਂਡਾ ਦੇ ਰਾਸ਼ਟਰਪਤੀ ਯੋਵੇਰੀ ਮੁਸੇਵੇਨੀ ਦੀ ਉਮਰ ਇਸ ਸਮੇਂ 82 ਸਾਲ ਹੈ ਅਤੇ ਉਹ ਪਿਛਲੇ ਕਰੀਬ 40 ਸਾਲਾਂ ਤੋਂ ਸੱਤਾ 'ਚ ਡਟੇ ਹੋਏ ਹਨ। ਇਸੇ ਤਰ੍ਹਾਂ, ਇਕਵੇਟੋਰੀਅਲ ਗਿਨੀ ਦੇ ਰਾਸ਼ਟਰਪਤੀ ਤੇਓਦੋਰੋ ਓਬੀਯਾਂਗ ਨਗੁਏਮਾ ਮਬਾਸੋਗੋ ਦੁਨੀਆ 'ਚ ਸਭ ਤੋਂ ਲੰਬੇ ਸਮੇਂ ਤਕ ਸ਼ਾਸਨ ਕਰਨ ਵਾਲੇ ਨੇਤਾਵਾਂ 'ਚ ਗਿਣੇ ਜਾਂਦੇ ਹਨ, ਜੋ ਸਾਲ 1979 ਤੋਂ ਲਗਾਤਾਰ ਆਪਣੇ ਦੇਸ਼ 'ਤੇ ਰਾਜ ਕਰ ਰਹੇ ਹਨ।

ਉਮਰਦਰਾਜ਼ ਲੀਡਰਸ਼ਿਪ ਦਾ ਗੰਭੀਰ ਪਹਿਲੂ ਵੀ ਸਮਝੋ

ਜ਼ਿਕਰਯੋਗ ਹੈ ਕਿ ਇਸ ਉਮਰਦਰਾਜ਼ ਲੀਡਰਸ਼ਿਪ ਦਾ ਇਕ ਦੂਜਾ ਤੇ ਗੰਭੀਰ ਪਹਿਲੂ ਵੀ ਇਸ ਰਿਪੋਰਟ 'ਚ ਉਜਾਗਰ ਹੋਇਆ ਹੈ। ਦੁਨੀਆ ਦੇ ਦਸ ਸਭ ਤੋਂ ਬਜ਼ੁਰਗ ਨੇਤਾਵਾਂ 'ਚੋਂ 7 ਨੇਤਾ ਅਜਿਹੇ ਦੇਸ਼ਾਂ ਦੀ ਅਗਵਾਈ ਕਰ ਰਹੇ ਹਨ ਜਿਨ੍ਹਾਂ ਨੂੰ ਅੰਤਰਰਾਸ਼ਟਰੀ ਸੰਸਥਾ 'ਫ੍ਰੀਡਮ ਹਾਊਸ' (Freedom House) ਨੇ 'ਨੌਟ ਫ੍ਰੀ' (Not Free) ਯਾਨੀ 'ਸੁਤੰਤਰ ਨਹੀਂ' ਦੀ ਸ਼੍ਰੇਣੀ 'ਚ ਰੱਖਿਆ ਹੈ। ਇਸ ਦਾ ਸਿੱਧਾ ਮਤਲਬ ਇਹ ਹੈ ਕਿ ਇਨ੍ਹਾਂ ਦੇਸ਼ਾਂ ਵਿੱਚ ਆਮ ਜਨਤਾ ਦੀ ਲੋਕਤੰਤਰਿਕ ਸੁਤੰਤਰਤਾ ਤੇ ਸਿਆਸੀ ਅਧਿਕਾਰ ਬੇਹੱਦ ਸੀਮਤ ਹਨ।

ਖ਼ੁਦ ਡੋਨਾਲਡ ਟਰੰਪ ਤੋਂ ਜ਼ਿਆਦਾ ਉਮਰ ਵਾਲੇ ਦੁਨੀਆ ਦੇ 16 ਨੇਤਾਵਾਂ ਵਿੱਚੋਂ ਕਰੀਬ ਅੱਧੇ ਇਸੇ ਸ਼੍ਰੇਣੀ ਵਾਲੇ ਦੇਸ਼ਾਂ 'ਤੇ ਸ਼ਾਸਨ ਕਰ ਰਹੇ ਹਨ। ਇਸ ਟ੍ਰੈਂਡ ਨੇ ਗਲੋਬਲ ਪੱਧਰ 'ਤੇ ਇੱਕ ਵਾਰ ਫਿਰ ਇਸ ਬਹਿਸ ਨੂੰ ਛੇੜ ਦਿੱਤਾ ਹੈ ਕਿ ਕੀ ਕਿਸੇ ਨੇਤਾ ਦਾ ਬਹੁਤ ਲੰਬੇ ਸਮੇਂ ਤਕ ਸੱਤਾ 'ਚ ਬਣੇ ਰਹਿਣਾ ਦੇਸ਼ ਦੀ ਜਮਹੂਰੀ ਜਵਾਬਦੇਹੀ ਤੇ ਆਜ਼ਾਦੀ ਨੂੰ ਕਮਜ਼ੋਰ ਕਰਦਾ ਹੈ।