ਕੀ ਹੈ Pinched Nerve ਦੀ ਸਮੱਸਿਆ, ਜਿਸ ਨਾਲ ਜੂਝ ਰਹੇ ਹਨ Sonu Nigam? ਇਹ ਲੱਛਣ ਹੁੰਦੇ ਹਨ ਖ਼ਤਰੇ ਦੀ ਘੰਟੀ

ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ: ਬਾਲੀਵੁੱਡ ਦੇ ਮਸ਼ਹੂਰ ਗਾਇਕ ਸੋਨੂੰ ਨਿਗਮ ਇਨੀਂ ਦਿਨੀਂ 'ਪਿਨਚਡ ਨਰਵ' (ਨਸ ਦੱਬਣ) ਦੀ ਇਕ ਦਰਦਨਾਕ ਸਮੱਸਿਆ ਨਾਲ ਜੂਝ ਰਹੇ ਹਨ। ਹਾਲਾਂਕਿ, ਇਸ ਤਕਲੀਫ਼ ਦੇ ਬਾਵਜੂਦ ਸੰਗੀਤ ਪ੍ਰਤੀ ਉਨ੍ਹਾਂ ਦਾ ਜਜ਼ਬਾ ਘੱਟ ਨਹੀਂ ਹੋਇਆ ਹੈ। ਸੋਸ਼ਲ ਮੀਡੀਆ 'ਤੇ ਆਪਣੀ ਇਸ ਹੈਲਥ ਅਪਡੇਟ ਦੀ ਜਾਣਕਾਰੀ ਦਿੰਦੇ ਹੋਏ ਸੋਨੂੰ ਨੇ ਕੁਝ ਅਜਿਹਾ ਕਿਹਾ ਹੈ, ਜਿਸ ਨੇ ਉਨ੍ਹਾਂ ਦੇ ਕਰੋੜਾਂ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਲਿਆ ਹੈ।

ਦਰਅਸਲ, ਤੇਜ਼ ਦਰਦ ਵਿਚ ਹੋਣ ਦੇ ਬਾਵਜੂਦ ਉਨ੍ਹਾਂ ਮੁੰਬਈ 'ਚ ਹੋਣ ਵਾਲੇ ਆਪਣੇ ਆਗਾਮੀ ਲਾਈਵ ਕੰਸਰਟ (Live Concert) ਨੂੰ ਰੱਦ ਕਰਨ ਤੋਂ ਸਾਫ਼ ਇਨਕਾਰ ਕਰ ਦਿੱਤਾ ਹੈ। ਆਓ ਵਿਸਥਾਰ 'ਚ ਸਮਝਦੇ ਹਾਂ ਕਿ ਆਖ਼ਰ ਕੀ ਹੈ ਇਹ 'ਪਿਨਚਡ ਨਰਵ' ਦੀ ਸਮੱਸਿਆ ਤੇ ਇਸ ਨੂੰ ਲੈ ਕੇ ਡਾਕਟਰ ਦੀ ਕੀ ਰਾਏ ਹੈ।

ਦੱਬੀਆਂ ਹੋਈਆਂ ਨਸਾਂ ਦਾ ਚੱਲ ਰਿਹਾ ਹੈ ਇਲਾਜ

ਗਾਇਕ ਨੇ ਇਕ ਵੀਡੀਓ ਸੰਦੇਸ਼ ਰਾਹੀਂ ਪ੍ਰਸ਼ੰਸਕਾਂ ਨੂੰ ਆਪਣੀ ਸਿਹਤ ਦਾ ਅਪਡੇਟ ਦਿੱਤਾ। ਉਨ੍ਹਾਂ ਦੱਸਿਆ ਕਿ ਉਹ ਪਿਨਚਡ ਨਰਵਜ਼ ਦੀ ਤਕਲੀਫ਼ ਨਾਲ ਜੂਝ ਰਹੇ ਹਨ, ਜਿਸ ਕਾਰਨ ਉਨ੍ਹਾਂ ਨੂੰ ਕਾਫ਼ੀ ਦਰਦ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਸ ਪਰੇਸ਼ਾਨੀ ਦਾ ਪਤਾ ਲਗਾਉਣ ਲਈ ਪਿਛਲੇ ਇਕ ਹਫ਼ਤੇ ਤੋਂ ਉਨ੍ਹਾਂ ਦਾ ਲਗਾਤਾਰ ਮੈਡੀਕਲ ਟ੍ਰੀਟਮੈਂਟ ਚੱਲ ਰਿਹਾ ਹੈ। ਸੋਨੂੰ ਨਿਗਮ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਕਈ ਵਾਰ ਸੀਟੀ ਸਕੈਨ (CT Scan) ਤੇ ਐਮਆਰਆਈ (MRI) ਵਰਗੀਆਂ ਜਾਂਚਾਂ ਕਰਵਾਉਣੀਆਂ ਪਈਆਂ ਹਨ। ਫਿਲਹਾਲ ਉਹ ਡਾਕਟਰਾਂ ਦੀ ਨਿਗਰਾਨੀ ਹੇਠ ਹਨ ਅਤੇ ਉਨ੍ਹਾਂ ਨੂੰ ਕਈ ਤਰ੍ਹਾਂ ਦੀਆਂ ਦਵਾਈਆਂ ਲੈਣੀਆਂ ਪੈ ਰਹੀਆਂ ਹਨ।

View this post on Instagram

A post shared by Sonu Nigam (@sonunigamofficial)

ਦਰਦ ਨਾਲ ਜੂਝ ਰਹੇ ਸੋਨੂੰ ਨਿਗਮ

ਇਸ ਸਥਿਤੀ ਤੋਂ ਉੱਭਰਨ ਲਈ ਸੋਨੂੰ ਨਿਗਮ ਦਵਾਈਆਂ ਦੇ ਨਾਲ-ਨਾਲ ਫਿਜ਼ੀਓਥੈਰੇਪੀ ਦਾ ਵੀ ਸਹਾਰਾ ਲੈ ਰਹੇ ਹਨ। ਉਨ੍ਹਾਂ ਨੇ ਆਪਣਾ ਤਜਰਬਾ ਸਾਂਝਾ ਕਰਦੇ ਹੋਏ ਦੱਸਿਆ ਕਿ ਫਿਜ਼ੀਓਥੈਰੇਪੀ ਦੇ ਸੈਸ਼ਨ ਬਹੁਤ ਜ਼ਿਆਦਾ ਦਰਦਨਾਕ ਸਨ। ਦਰਦ ਨੂੰ ਬਰਦਾਸ਼ਤ ਕਰਨ ਲਈ ਉਨ੍ਹਾਂ ਨੂੰ ਹੁਣ ਪੇਨਕਿਲਰਜ਼ ਦੀ ਵਰਤੋਂ ਕਰਨੀ ਪੈ ਰਹੀ ਹੈ। ਮਾਸਪੇਸ਼ੀਆਂ ਨੂੰ ਆਰਾਮ ਦੇਣ ਲਈ ਜੋ ਦਵਾਈਆਂ ਉਨ੍ਹਾਂ ਨੂੰ ਦਿੱਤੀਆਂ ਗਈਆਂ ਹਨ, ਉਨ੍ਹਾਂ ਦਾ ਸਿੱਧਾ ਸਾਈਡ-ਇਫੈਕਟ ਉਨ੍ਹਾਂ ਦੇ ਗਲੇ 'ਤੇ ਪਿਆ ਹੈ। ਉਨ੍ਹਾਂ ਦਾ ਗਲਾ ਹੁਣ ਥੋੜ੍ਹਾ ਭਾਰੀ ਮਹਿਸੂਸ ਹੋ ਰਿਹਾ ਹੈ ਜੋ ਲਾਈਵ ਗਾਉਣ ਵਾਲੇ ਕਿਸੇ ਵੀ ਗਾਇਕ ਲਈ ਇਕ ਵੱਡੀ ਚੁਣੌਤੀ ਸਾਬਤ ਹੋ ਸਕਦਾ ਹੈ।

ਕੀ ਕਹਿੰਦੇ ਹਨ ਐਕਸਪਰਟ (ਮਾਹਿਰ)?

ਡਾ. ਪ੍ਰਵੀਨ ਗੁਪਤਾ, ਚੇਅਰਮੈਨ, ਮੈਰਿੰਗੋ ਏਸ਼ੀਆ ਇੰਟਰਨੈਸ਼ਨਲ ਇੰਸਟੀਚਿਊਟ ਆਫ਼ ਨਿਊਰੋ ਐਂਡ ਸਪਾਈਨ (MAIINS) ਦੇ ਅਨੁਸਾਰ, 'ਪਿਨਚਡ ਨਰਵਜ਼ ਅਜਿਹੀ ਸਥਿਤੀ ਹੈ, ਜਿਸ ਵਿੱਚ ਕਿਸੇ ਨਸ 'ਤੇ ਆਲੇ-ਦੁਆਲੇ ਦੀ ਹੱਡੀ, ਡਿਸਕ, ਮਾਸਪੇਸ਼ੀ ਜਾਂ ਹੋਰ ਟਿਸ਼ੂ ਦਾ ਦਬਾਅ ਪੈਣ ਲੱਗਦਾ ਹੈ। ਇਸ ਦੇ ਕਾਰਨ ਤੇਜ਼ ਦਰਦ, ਝੁਣਝੁਣੀ, ਸੁੰਨ ਹੋਣਾ, ਕਮਜ਼ੋਰੀ ਅਤੇ ਪ੍ਰਭਾਵਿਤ ਹਿੱਸੇ ਦੀ ਕਾਰਜਸ਼ੈਲੀ 'ਚ ਕਮੀ ਆ ਸਕਦੀ ਹੈ।'