ਮਹਿੰਗੇ ਡਾਈ-ਕੈਮੀਕਲ ਛੱਡੋ! ਚਾਹ ਪੱਤੀ ਨਾਲ ਚਿੱਟੇ ਵਾਲਾਂ ਨੂੰ ਇਸ ਤਰ੍ਹਾਂ ਬਣਾਓ ਕੁਦਰਤੀ ਕਾਲਾ ਤੇ ਮਜ਼ਬੂਤ

ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ : ਕਾਲੇ, ਲੰਬੇ, ਸੰਘਣੇ ਤੇ ਮਜ਼ਬੂਤ ਵਾਲ ਹਰ ਕਿਸੇ ਦਾ ਸੁਪਨਾ ਹੁੰਦੇ ਹਨ, ਪਰ ਕੈਮੀਕਲ ਪ੍ਰੋਡਕਟਸ ਦੇ ਇਸਤੇਮਾਲ ਨਾਲ ਵਾਲ ਅਕਸਰ ਰੁੱਖੇ, ਬੇਜਾਨ ਤੇ ਕਮਜ਼ੋਰ ਹੋ ਜਾਂਦੇ ਹਨ। ਅਜਿਹੇ ਵਿਚ ਇਕ ਆਸਾਨ, ਸਸਤਾ ਤੇ ਪੂਰੀ ਤਰ੍ਹਾਂ ਦੇਸੀ ਉਪਾਅ ਤੁਹਾਡੀ ਹੇਅਰ ਕੇਅਰ ਰੂਟੀਨ ਨੂੰ ਬਦਲ ਸਕਦਾ ਹੈ।

ਅਸੀਂ ਗੱਲ ਕਰ ਰਹੇ ਹਾਂ ਚਾਹ ਦੀ ਪੱਤੀ ਤੋਂ ਬਣੇ ਨੈਚੁਰਲ ਹੇਅਰ ਵਾਸ਼ (Natural Hair Wash) ਦੀ। ਇਹ ਨਾ ਸਿਰਫ਼ ਵਾਲਾਂ ਦਾ ਰੰਗ ਕੁਦਰਤੀ ਤੌਰ 'ਤੇ ਕਾਲਾ ਦਿਖਾਉਂਦਾ ਹੈ ਸਗੋਂ ਜੜ੍ਹਾਂ ਨੂੰ ਮਜ਼ਬੂਤ ਬਣਾ ਕੇ ਵਾਲਾਂ ਦੀ ਗ੍ਰੋਥ ਵੀ ਕਰਦਾ ਹੈ। ਆਓ ਜਾਣੀਏ ਇਸ ਦੇ ਫਾਇਦੇ ਅਤੇ ਇਸ ਨੂੰ ਬਣਾਉਣ ਦਾ ਆਸਾਨ ਤਰੀਕਾ।

ਚਾਹ ਪੱਤੀ ਹੇਅਰ ਵਾਸ਼ ਕਿਉਂ ਫਾਇਦੇਮੰਦ ਹੈ?

ਕੁਦਰਤੀ ਕਲਰ ਬੂਸਟਰ- ਚਾਹ ਵਿਚ ਮੌਜੂਦ ਟੈਨਿਨਸ ਵਾਲਾਂ ਨੂੰ ਹਲਕਾ ਡਾਰਕ ਟੋਨ ਦਿੰਦੇ ਹਨ, ਜਿਸ ਨਾਲ ਚਿੱਟੇ ਵਾਲ ਛਿਪ ਜਾਂਦੇ ਹਨ ਤੇ ਵਾਲ ਕੁਦਰਤੀ ਤੌਰ 'ਤੇ ਕਾਲੇ ਤੇ ਚਮਕਦਾਰ ਦਿਖਾਈ ਦਿੰਦੇ ਹਨ।

ਵਾਲਾਂ ਦੀਆਂ ਜੜ੍ਹਾਂ ਨੂੰ ਮਜ਼ਬੂਤੀ- ਇਸ ਵਿਚ ਐਂਟੀਆਕਸੀਡੈਂਟ ਤੇ ਕੈਫੀਨ ਹੁੰਦਾ ਹੈ ਜੋ ਸਕੈਲਪ 'ਚ ਬਲੱਡ ਸਰਕੂਲੇਸ਼ਨ ਵਧਾ ਕੇ ਜੜ੍ਹਾਂ ਨੂੰ ਮਜ਼ਬੂਤ ਬਣਾਉਂਦਾ ਹੈ ਤੇ ਵਾਲਾਂ ਦਾ ਝੜਨਾ ਘੱਟ ਕਰਦਾ ਹੈ।

ਵਾਲਾਂ ਦੀ ਗ੍ਰੋਥ ਵਧਾਏ- ਕੈਫੀਨ ਵਾਲਾਂ ਦੀ ਗ੍ਰੋਥ ਨੂੰ ਸਟੀਮੂਲੇਟ ਕਰਦਾ ਹੈ ਜਿਸ ਨਾਲ ਵਾਲ ਤੇਜ਼ੀ ਨਾਲ ਲੰਬੇ ਹੁੰਦੇ ਹਨ।

ਸਕੈਲਪ ਨੂੰ ਸਾਫ਼ ਰੱਖਦਾ ਹੈ- ਚਾਹ ਦਾ ਪਾਣੀ ਐਂਟੀਫੰਗਲ ਤੇ ਐਂਟੀਬੈਕਟੀਰੀਅਲ ਗੁਣਾਂ ਵਾਲਾ ਹੁੰਦਾ ਹੈ, ਜੋ ਡੈਂਡਰਫ ਤੇ ਇਨਫੈਕਸ਼ਨ ਨੂੰ ਘਟਾਕੇਸਕੈਲਪ ਨੂੰ ਹੈਲਦੀ ਬਣਾਉਂਦਾ ਹੈ।

ਨੈਚੁਰਲ ਕੰਡੀਸ਼ਨਰ- ਇਹ ਵਾਲਾਂ 'ਚ ਕੁਦਰਤੀ ਚਮਕ ਤੇ ਸਮੂਥਨੈੱਸ ਲਿਆਉਂਦਾ ਹੈ, ਜਿਸ ਨਾਲ ਵਾਲ ਘੱਟ ਉਲਝਦੇ ਹਨ ਤੇ ਖੁਸ਼ਕੀ ਵੀ ਘੱਟ ਹੁੰਦੀ ਹੈ।

ਚਾਹ ਪੱਤੀ ਨਾਲ ਹੇਅਰ ਵਾਸ਼ ਬਣਾਉਣ ਦਾ ਤਰੀਕਾ

ਬੇਸਿਕ ਚਾਹ ਹੇਅਰ ਵਾਸ਼- ਦੋ ਵੱਡੇ ਚਮਚ ਚਾਹ ਪੱਤੀ ਨੂੰ ਦੋ ਕੱਪ ਪਾਣੀ 'ਚ 5 ਤੋਂ 7 ਮਿੰਟ ਤਕ ਉਬਾਲੋ ਅਤੇ ਗੈਸ ਬੰਦ ਕਰ ਕੇ ਇਸ ਨੂੰ ਪੂਰੀ ਤਰ੍ਹਾਂ ਠੰਢਾ ਹੋਣ ਦਿਓ। ਛਾਣ ਕੇ ਇਕ ਬੋਤਲ 'ਚ ਭਰ ਲਓ। ਵਾਲ ਧੋਣ ਤੋਂ ਬਾਅਦ ਇਸ ਨੂੰ ਆਖਰੀ ਰਿੰਸ (Water Rinse) ਦੇ ਰੂਪ 'ਚ ਪਾਓ। 5 ਮਿੰਟ ਸਕੈਲਪ 'ਤੇ ਰਹਿਣ ਦਿਓ, ਫਿਰ ਵਾਲਾਂ ਨੂੰ ਪੂੰਝ ਲਓ।

ਚਾਹ ਪੱਤੀ ਤੇ ਨਿੰਬੂ ਹੇਅਰ ਵਾਸ਼- ਸ਼ੈਂਪੂ ਤੋਂ ਬਾਅਦ ਇਕ ਕੱਪ ਚਾਹ ਦਾ ਪਾਣੀ ਤੇ ਇਕ ਚਮਚ ਨਿੰਬੂ ਦਾ ਰਸ ਮਿਲਾ ਕੇ ਵਾਲਾਂ 'ਤੇ ਪਾਓ ਤੇ ਵਾਲਾਂ ਨੂੰ ਸੁੱਕਣ ਦਿਓ। ਨਿੰਬੂ ਐਕਸਟਰਾ ਆਇਲ ਹਟਾਉਂਦਾ ਹੈ, ਡੈਂਡਰਫ ਘਟਾਉਂਦਾ ਹੈ ਤੇ ਵਾਲਾਂ ਨੂੰ ਸ਼ਾਈਨੀ ਬਣਾਉਂਦਾ ਹੈ।

ਚਾਹ ਪੱਤੀ ਤੇ ਮੇਥੀ ਹੇਅਰ ਵਾਸ਼- ਇਕ ਚਮਚ ਮੇਥੀ ਜਿਸ ਨੂੰ ਰਾਤ ਭਰ ਭਿਓਂ ਕੇ ਸਵੇਰੇ ਪਾਣੀ 'ਚ ਉਬਾਲੋ ਅਤੇ ਛਾਣ ਕੇ ਇਸ ਵਿਚ ਇਕ ਕੱਪ ਚਾਹ ਦਾ ਪਾਣੀ ਮਿਲਾਓ। ਇਸ ਨੂੰ ਸ਼ੈਂਪੂ ਤੋਂ ਬਾਅਦ ਵਾਲਾਂ 'ਤੇ ਪਾਓ ਅਤੇ ਵਾਲਾਂ ਨੂੰ ਸੁੱਕਣ ਦਿਓ। ਮੇਥੀ ਵਾਲਾਂ ਦਾ ਟੁੱਟਣਾ ਰੋਕਦੀ ਹੈ, ਜੜ੍ਹਾਂ ਨੂੰ ਪੋਸ਼ਣ ਦਿੰਦੀ ਹੈ ਅਤੇ ਗ੍ਰੋਥ ਤੇਜ਼ ਕਰਦੀ।

ਚਾਹ ਪੱਤੀ ਹੇਅਰ ਵਾਸ਼ ਦੀ ਵਰਤੋਂ ਕਰਨ ਦੇ ਟਿਪਸ

• ਇਸ ਹੇਅਰ ਵਾਸ਼ ਦੀ ਹਫ਼ਤੇ 'ਚ ਦੋ ਵਾਰ ਵਰਤੋਂ ਕਰੋ।
• ਤਾਜ਼ਾ ਬਣਿਆ ਹੋਇਆ ਪਾਣੀ ਹੀ ਵਰਤੋਂ 'ਚ ਲਿਆਓ।
• ਬਹੁਤ ਜ਼ਿਆਦਾ ਹਲਕੇ ਰੰਗ ਦੇ ਵਾਲਾਂ 'ਤੇ ਰੋਜ਼ਾਨਾ ਵਰਤੋਂ ਨਾ ਕਰੋ ਨਹੀਂ ਤਾਂ ਰੰਗ ਗੂੜ੍ਹਾ ਲੱਗਣ ਲੱਗ ਪਵੇਗਾ।
• ਹਮੇਸ਼ਾ ਸਕੈਲਪ 'ਤੇ ਚੰਗੀ ਤਰ੍ਹਾਂ ਮਸਾਜ ਕਰੋ।