ਸਕਿਨ ਦੀ ਰੰਗਤ ਨਿਖਾਰਨ ਲਈ ਕਿਵੇਂ ਕਰੀਏ ਦਹੀਂ ਦੀ ਵਰਤੋਂ? 3 ਚੀਜ਼ਾਂ ਨੂੰ ਮਿਲਾਉਣ ਨਾਲ ਆਵੇਗਾ ਇੰਸਟੈਂਟ ਗਲੋਅ

ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ : ਕੀ ਤੁਸੀਂ ਜਾਣਦੇ ਹੋ ਕਿ ਤੁਹਾਡੀ ਰਸੋਈ ਵਿਚ ਹੀ ਇਕ ਅਜਿਹਾ 'ਸੁਪਰਹੀਰੋ' ਮੌਜੂਦ ਹੈ ਜੋ ਤੁਹਾਡੀ ਸਕਿਨ ਨੂੰ ਮਿੰਟਾਂ ਵਿਚ ਚਮਕਾ ਸਕਦਾ ਹੈ? ਜੀ ਹਾਂ, ਅਸੀਂ ਗੱਲ ਕਰ ਰਹੇ ਹਾਂ ਦਹੀਂ ਦੀ।

ਦਹੀਂ 'ਚ ਮੌਜੂਦ ਲੈਕਟਿਕ ਐਸਿਡ ਸਕਿਨ ਦੀ ਗੰਦਗੀ ਨੂੰ ਡੂੰਘਾਈ ਨਾਲ ਸਾਫ਼ ਕਰਦਾ ਹੈ, ਪਰ ਜੇਕਰ ਤੁਸੀਂ ਇਸ ਵਿਚ 3 ਖ਼ਾਸ ਚੀਜ਼ਾਂ ਮਿਲਾ ਦਿਓ ਤਾਂ ਤੁਹਾਡੇ ਚਿਹਰੇ 'ਤੇ ਇਕ ਅਜਿਹਾ ਇੰਸਟੈਂਟ ਗਲੋ ਆਵੇਗਾ ਕਿ ਲੋਕ ਤੁਹਾਡੇ ਤੋਂ ਤੁਹਾਡੀ ਖ਼ੂਬਸੂਰਤੀ ਦਾ ਰਾਜ਼ ਪੁੱਛਣਗੇ। ਆਓ ਜਾਣਦੇ ਹਾਂ ਉਹ 3 ਚੀਜ਼ਾਂ ਕਿਹੜੀਆਂ ਹਨ ਅਤੇ ਇਨ੍ਹਾਂ ਦੀ ਵਰਤੋਂ ਕਿਵੇਂ ਕਰਨੀ ਹੈ।

ਦਹੀਂ ਦੇ ਨਾਲ ਮਿਲਾਉਣ ਵਾਲੀਆਂ 3 ਚੀਜ਼ਾਂ

ਦਹੀਂ ਆਪਣੇ ਆਪ 'ਚ ਇਕ ਬਿਹਤਰੀਨ ਕਲੀਂਜ਼ਰ ਹੈ, ਪਰ ਜਦੋਂ ਇਸ ਦੇ ਨਾਲ ਇਨ੍ਹਾਂ ਤਿੰਨ ਨੈਚੁਰਲ ਚੀਜ਼ਾਂ ਨੂੰ ਮਿਲਾਇਆ ਜਾਂਦਾ ਹੈ ਤਾਂ ਇਹ ਇਕ ਪਾਵਰਫੁੱਲ ਫੇਸ ਪੈਕ ਬਣ ਜਾਂਦਾ ਹੈ:

ਵੇਸਣ: ਵੇਸਣ ਸਕਿਨ ਤੋਂ ਐਕਸਟਰਾ ਤੇਲ ਤੇ ਡੈੱਡ ਸਕਿਨ ਨੂੰ ਹਟਾਉਣ ਦਾ ਕੰਮ ਬਿਹਤਰੀਨ ਤਰੀਕੇ ਨਾਲ ਕਰਦਾ ਹੈ। ਇਹ ਸਕਿਨ ਨੂੰ ਟਾਈਟ ਵੀ ਕਰਦਾ ਹੈ।

ਹਲਦੀ: ਸਦੀਆਂ ਤੋਂ ਹਲਦੀ ਦੀ ਵਰਤੋਂ ਰੂਪ ਨਿਖਾਰਨ ਲਈ ਹੁੰਦੀ ਆ ਰਹੀ ਹੈ। ਇਸ ਵਿਚ ਮੌਜੂਦ ਗੁਣ ਚਿਹਰੇ ਦੇ ਦਾਗ-ਧੱਬਿਆਂ ਨੂੰ ਹਲਕਾ ਕਰਦੇ ਹਨ ਤੇ ਇਕ ਸੁਨਹਿਰੀ ਨਿਖਾਰ ਲਿਆਉਂਦੇ ਹਨ।

ਸ਼ਹਿਦ: ਸ਼ਹਿਦ ਤੁਹਾਡੀ ਸਕਿਨ ਨੂੰ ਕੁਦਰਤੀ ਤੌਰ 'ਤੇ ਨਮੀ ਦਿੰਦਾ ਹੈ। ਇਹ ਰੁੱਖੀ ਤੇ ਬੇਜਾਨ ਸਕਿਨ ਨੂੰ ਅੰਦਰੋਂ ਹਾਈਡ੍ਰੇਟ ਕਰ ਕੇ ਬਿਲਕੁਲ ਮੁਲਾਇਮ ਅਤੇ ਚਮਕਦਾਰ ਬਣਾ ਦਿੰਦਾ ਹੈ।

ਕਿਵੇਂ ਬਣਾਈਏ ਇਹ ਇੰਸਟੈਂਟ ਗਲੋਅ ਫੇਸ ਪੈਕ?

ਇਸ ਫੇਸ ਪੈਕ ਨੂੰ ਬਣਾਉਣਾ ਤੇ ਲਗਾਉਣਾ ਬਹੁਤ ਹੀ ਆਸਾਨ ਹੈ। ਬੱਸ ਇਨ੍ਹਾਂ ਆਸਾਨ ਸਟੈਪਸ ਨੂੰ ਫਾਲੋ ਕਰੋ:

• ਇਕ ਸਾਫ਼ ਕਟੋਰੀ 'ਚ 2 ਵੱਡੇ ਚਮਚ ਤਾਜ਼ਾ ਤੇ ਗਾੜ੍ਹਾ ਦਹੀਂ ਲਓ। ਧਿਆਨ ਰਹੇ ਕਿ ਦਹੀਂ ਜ਼ਿਆਦਾ ਖੱਟਾ ਨਾ ਹੋਵੇ।
• ਹੁਣ ਇਸ ਦਹੀਂ 'ਚ ਇਕ ਚਮਚ ਵੇਸਣ, ਸਿਰਫ਼ ਇਕ ਚੁਟਕੀ ਹਲਦੀ ਤੇ ਅੱਧਾ ਚਮਚ ਸ਼ਹਿਦ ਪਾ ਦਿਓ।
• ਇਨ੍ਹਾਂ ਸਾਰੀਆਂ ਚੀਜ਼ਾਂ ਨੂੰ ਚਮਚ ਦੀ ਮਦਦ ਨਾਲ ਬਹੁਤ ਚੰਗੀ ਤਰ੍ਹਾਂ ਫੈਂਟ ਲਓ, ਤਾਂ ਜੋ ਇਕ ਸਮੂਦ ਤੇ ਗਾੜ੍ਹਾ ਪੇਸਟ ਬਣ ਜਾਵੇ।
• ਆਪਣੇ ਚਿਹਰੇ ਨੂੰ ਸਾਦੇ ਪਾਣੀ ਨਾਲ ਧੋਅ ਕੇ ਪੂੰਝ ਲਓ। ਹੁਣ ਇਸ ਪੇਸਟ ਨੂੰ ਆਪਣੇ ਚਿਹਰੇ ਅਤੇ ਗਰਦਨ 'ਤੇ ਬਰਾਬਰ ਰੂਪ 'ਚ ਲਗਾਓ। ਅੱਖਾਂ ਦੇ ਆਸ-ਪਾਸ ਦੀ ਜਗ੍ਹਾ ਨੂੰ ਛੱਡ ਦਿਓ।
• ਕਰੀਬ 15 ਤੋਂ 20 ਮਿੰਟ ਤਕ ਆਰਾਮ ਕਰੋ ਅਤੇ ਪੈਕ ਨੂੰ ਆਪਣਾ ਕੰਮ ਕਰਨ ਦਿਓ। ਜਦੋਂ ਇਹ ਹਲਕਾ ਸੁੱਕ ਜਾਵੇ ਤਾਂ ਉਂਗਲੀਆਂ ਨੂੰ ਥੋੜ੍ਹਾ ਗਿੱਲਾ ਕਰੋ ਅਤੇ 2 ਮਿੰਟ ਤੱਕ ਚਿਹਰੇ ਦੀ ਹਲਕੇ ਹੱਥਾਂ ਨਾਲ ਮਸਾਜ ਕਰੋ।
• ਆਖ਼ਰ 'ਚ, ਠੰਢੇ ਜਾਂ ਸਾਦੇ ਪਾਣੀ ਨਾਲ ਆਪਣਾ ਚਿਹਰਾ ਚੰਗੀ ਤਰ੍ਹਾਂ ਧੋ ਲਓ ਅਤੇ ਇਕ ਮੁਲਾਇਮ ਤੌਲੀਏ ਨਾਲ ਥਪਥਪਾ ਕੇ ਪੂੰਝ ਲਓ। ਚਿਹਰਾ ਧੋਣ ਦੇ ਤੁਰੰਤ ਬਾਅਦ ਜਦੋਂ ਤੁਸੀਂ ਸ਼ੀਸ਼ੇ ਵਿੱਚ ਖ਼ੁਦ ਨੂੰ ਦੇਖੋਗੇ, ਤਾਂ ਤੁਸੀਂ ਆਪਣੀ ਸਕਿਨ ਵਿਚ ਇਕ ਗਜ਼ਬ ਦੀ ਤਾਜ਼ਗੀ ਅਤੇ ਚਮਕ ਮਹਿਸੂਸ ਕਰੋਗੇ।
• ਇਸ ਆਸਾਨ ਘਰੇਲੂ ਨੁਸਖ਼ੇ ਨੂੰ ਹਫ਼ਤੇ 'ਚ ਘੱਟੋ-ਘੱਟ ਦੋ ਵਾਰ ਜ਼ਰੂਰ ਅਜ਼ਮਾਓ। ਇਹ ਨਾ ਸਿਰਫ਼ ਤੁਹਾਡੀ ਸਕਿਨ ਦੀ ਰੰਗਤ ਨੂੰ ਸਾਫ਼ ਕਰੇਗਾ, ਬਲਕਿ ਤੁਹਾਨੂੰ ਇਕ ਹੈਲਦੀ ਅਤੇ ਜਵਾਨ ਲੁੱਕ ਵੀ ਦੇਵੇਗਾ।