Cancer Prevention : ਇਨ੍ਹਾਂ ਆਦਤਾਂ ਕਾਰਨ ਵੱਧ ਰਿਹਾ ਹੈ ਕੈਂਸਰ ਦਾ ਖ਼ਤਰਾ, ਕਿਤੇ ਤੁਸੀਂ ਵੀ ਤਾਂ ਨਹੀਂ ਇਨ੍ਹਾਂ ਦੇ ਸ਼ਿਕਾਰ

ਜੇਐੱਨਐੱਨ ਨਵੀਂ ਦਿੱਲੀ : ਕੈਂਸਰ ਦਾ ਨਾਂ ਸੁਣਦੇ ਹੀ ਮਨ ਵਿੱਚ ਕਈ ਤਰ੍ਹਾਂ ਦੇ ਵਿਚਾਰ ਆਉਣ ਲੱਗ ਪੈਂਦੇ ਹਨ, ਜਿਨ੍ਹਾਂ ਲੋਕਾਂ ਨੂੰ ਕੈਂਸਰ ਹੈ, ਉਹ ਬਚ ਨਹੀਂ ਸਕਦੇ! ਪਰ ਅਜਿਹਾ ਨਹੀਂ ਹੈ, ਜੇਕਰ ਤੁਹਾਨੂੰ ਸਮੇਂ 'ਤੇ ਬਿਮਾਰੀ ਬਾਰੇ ਪਤਾ ਲੱਗ ਜਾਵੇ ਅਤੇ ਸਹੀ ਇਲਾਜ ਕਰਵਾਇਆ ਜਾਵੇ ਤਾਂ ਤੁਸੀਂ ਕੈਂਸਰ ਵਰਗੀ ਬਿਮਾਰੀ ਨੂੰ ਵੀ ਮਾਤ ਦੇ ਸਕਦੇ ਹੋ। ਤਾਂ ਆਓ ਜਾਣਦੇ ਹਾਂ ਇਸ ਬਿਮਾਰੀ ਦੇ ਲੱਛਣ ਕੀ ਹਨ ਅਤੇ ਇਹ ਕਿਉਂ ਹੁੰਦਾ ਹੈ?

ਕੈਂਸਰ ਦਾ ਖ਼ਤਰਾ ਕਿਉਂ ਹੈ?

ਮਾਹਿਰਾਂ ਦੇ ਅਨੁਸਾਰ, ਤੁਸੀਂ ਕੈਂਸਰ ਨੂੰ ਇਸ ਤਰੀਕੇ ਨਾਲ ਸਮਝ ਸਕਦੇ ਹੋ, ਜਿਵੇਂ ਕਿ ਸਰੀਰ ਵਿੱਚ ਕੁਝ ਸੈੱਲਾਂ ਦਾ ਬੇਲੋੜੇ ਢੰਗ ਨਾਲ ਬਣਨਾ ਅਤੇ ਲਗਾਤਾਰ ਵਧਦੇ ਰਹਿਣਾ। ਇਸ ਸਥਿਤੀ ਵਿੱਚ, ਸਰੀਰ ਦੇ ਅੰਦਰ ਇੱਕ ਤੋਂ ਵੱਧ ਗੰਢ ਬਣ ਸਕਦੀ ਹੈ। ਇਹ ਗੰਢਾਂ ਉਨ੍ਹਾਂ ਬੇਲੋੜੀਆਂ ਕੋਸ਼ਿਕਾਵਾਂ ਦਾ ਇੱਕ ਝੁੰਡ ਹਨ, ਜੋ ਲਗਾਤਾਰ ਵਧਦੀਆਂ ਹਨ ਅਤੇ ਸਰੀਰ ਨੂੰ ਨੁਕਸਾਨ ਪਹੁੰਚਾਉਂਦੀਆਂ ਹਨ।

ਕੈਂਸਰ ਦੇ ਲੱਛਣ

ਕੈਂਸਰ ਦੇ ਕੁਝ ਅਜਿਹੇ ਲੱਛਣ ਹਨ, ਜੋ ਹਰ ਕੈਂਸਰ ਦੇ ਮਰੀਜ਼ ਵਿੱਚ ਦੇਖੇ ਜਾਂਦੇ ਹਨ, ਚਾਹੇ ਉਸ ਨੂੰ ਕੋਈ ਵੀ ਕੈਂਸਰ ਹੋਵੇ।

- ਤੇਜ਼ੀ ਨਾਲ ਭਾਰ ਘਟਣਾ ਜਾਂ ਵਧਣਾ।

- ਨੀਂਦ ਨਾ ਆਉਣਾ ਅਤੇ ਹਰ ਸਮੇਂ ਥਕਾਵਟ ਮਹਿਸੂਸ ਕਰਨਾ।

- ਖੰਘ ਅਤੇ ਸਾਹ ਲੈਣ ਵਿੱਚ ਮੁਸ਼ਕਲ।

- ਚਮੜੀ ਦੇ ਰੰਗ ਵਿੱਚ ਅਚਾਨਕ ਤਬਦੀਲੀ, ਜਿਵੇਂ ਕਿ ਪੀਲਾਪਨ ।

- ਪਿਸ਼ਾਬ ਕਰਨ ਵਿੱਚ ਮੁਸ਼ਕਲ ।

- ਪਾਚਨ ਸ਼ਕਤੀ ਦਾ ਕਮਜ਼ੋਰ ਹੋਣਾ ਜਾਂ ਕੁਝ ਵੀ ਖਾਣ ਤੋਂ ਬਾਅਦ ਤਕਲੀਫ਼ ਮਹਿਸੂਸ ਹੋਣਾ।

ਜੇਕਰ ਤੁਸੀਂ ਲੰਬੇ ਸਮੇਂ ਤੱਕ ਉਪਰੋਕਤ ਲੱਛਣਾਂ ਵਿੱਚੋਂ ਕੋਈ ਵੀ ਮਹਿਸੂਸ ਕਰਦੇ ਹੋ, ਤਾਂ ਯਕੀਨੀ ਤੌਰ 'ਤੇ ਡਾਕਟਰ ਕੋਲ ਜਾਓ।

ਜੇਕਰ ਤੁਸੀਂ ਇਸ ਬਿਮਾਰੀ ਬਾਰੇ ਵੱਧ ਤੋਂ ਵੱਧ ਜਾਣਕਾਰੀ ਪ੍ਰਾਪਤ ਕਰਨਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਆਪਣੇ ਡਾਕਟਰ ਨੂੰ ਜ਼ਰੂਰ ਪੁੱਛਣਾ ਚਾਹੀਦਾ ਹੈ ਕਿ ਤੁਹਾਡੇ ਲਈ ਕਿਹੜੇ ਟੈਸਟ ਮਦਦਗਾਰ ਹੋ ਸਕਦੇ ਹਨ।

ਦਰਅਸਲ, ਡਾਕਟਰ ਚੰਗੀ ਤਰ੍ਹਾਂ ਜਾਣਦੇ ਹਨ ਕਿ ਕਿਸੇ ਵਿਅਕਤੀ ਦੇ ਅੰਦਰ ਕੈਂਸਰ ਦੇ ਵਧਣ ਦੇ ਕੀ ਕਾਰਨ ਹੋ ਸਕਦੇ ਹਨ। ਅਜਿਹੀ ਸਥਿਤੀ ਵਿੱਚ ਉਹ ਮਰੀਜ਼ ਦਾ ਮਾਰਗਦਰਸ਼ਨ ਵੀ ਕਰਦੇ ਹਨ।

ਇਕ ਅਧਿਐਨ ਮੁਤਾਬਕ ਨੌਜਵਾਨ ਕੈਂਸਰ ਦੀ ਸਮੱਸਿਆ ਨਾਲ ਜੂਝ ਰਹੇ ਹਨ। ਜੀਵਨਸ਼ੈਲੀ ਦੀਆਂ ਕੁਝ ਅਜਿਹੀਆਂ ਆਦਤਾਂ ਹਨ ਜੋ ਕੈਂਸਰ ਦਾ ਖ਼ਤਰਾ ਵਧਾਉਂਦੀਆਂ ਹਨ, ਜਿਵੇਂ :

ਸ਼ਰਾਬ ਜਾਂ ਸਿਗਰਟਨੋਸ਼ੀ - ਮਾਹਿਰਾਂ ਦਾ ਕਹਿਣਾ ਹੈ ਕਿ ਜੇਕਰ ਕੋਈ ਵਿਅਕਤੀ ਕਿਸੇ ਵੀ ਉਮਰ ਵਿੱਚ ਨਿਯਮਿਤ ਤੌਰ 'ਤੇ ਸ਼ਰਾਬ ਜਾਂ ਸਿਰਗਟ ਦਾ ਸੇਵਨ ਕਰਦਾ ਹੈ ਤਾਂ ਉਨ੍ਹਾਂ ਲੋਕਾਂ ਵਿੱਚ ਕੈਂਸਰ ਦਾ ਖ਼ਤਰਾ ਵੱਧ ਜਾਂਦਾ ਹੈ।

ਅਸੁਰੱਖਿਅਤ ਸਰੀਰਕ ਸਬੰਧ - ਅਸੁਰੱਖਿਅਤ ਸਰੀਰਕ ਸਬੰਧ ਵੀ ਕੈਂਸਰ ਦਾ ਕਾਰਨ ਬਣ ਸਕਦਾ ਹੈ।