ਕੀ Osteoporosis ਨੂੰ ਰਿਵਰਸ ਕੀਤਾ ਜਾ ਸਕਦਾ ਹੈ ? ਜ਼ਿਆਦਾਤਰ ਔਰਤਾਂ ਹੁੰਦੀਆਂ ਨੇ ਸ਼ਿਕਾਰ, ਨਵੀਂ ਸਟੱਡੀ 'ਚ ਸਾਹਮਣੇ ਆਈ ਸਚਾਈ

ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ : ਜਿਉਂ-ਜਿਉਂ ਸਾਡੀ ਉਮਰ ਵਧਦੀ ਹੈ, ਸਾਡੀਆਂ ਹੱਡੀਆਂ 'ਚੋਂ ਕੈਲਸ਼ੀਅਮ ਦੀ ਮਾਤਰਾ ਘਟਣ ਲਗਦੀ ਹੈ ਤੇ ਇਹ ਕਮਜ਼ੋਰ ਹੋਣ ਲਗਦੀਆਂ ਹਨ, ਜਿਸ ਨਾਲ ਉਨ੍ਹਾਂ ਦੇ ਟੁੱਟਣ ਦੀ ਸੰਭਾਵਨਾ ਵਧ ਜਾਂਦੀ ਹੈ। ਇਨਐਕਟਿਵ ਲਾਈਫਸਟਾਈਲ ਹੱਡੀਆਂ ਨੂੰ ਹੋਰ ਵੀ ਕਮਜ਼ੋਰ ਬਣਾਉਂਦਾ ਹੈ ਤੇ ਬੋਨ ਡੈਂਸਿਟੀ ਘੱਟ ਹੁੰਦੀ ਜਾਂਦੀ ਹੈ। ਇਸ ਸਥਿਤੀ ਨੂੰ ਓਸਟੀਓਪੋਰੋਸਿਸ ਕਿਹਾ ਜਾਂਦਾ ਹੈ। ਇਹ ਔਰਤਾਂ 'ਚ ਜ਼ਿਆਦਾ ਪਾਈ ਜਾਂਦੀ ਹੈ।

ਲੋਕ ਅਕਸਰ ਹੈਰਾਨ ਹੁੰਦੇ ਹਨ ਕਿ ਕੀ ਓਸਟੀਓਪੋਰੋਸਿਸ ਨੂੰ ਰਿਵਰਸ ਕੀਤਾ ਜਾ ਸਕਦਾ ਹੈ ਜਾਂ ਨਹੀਂ, ਪਰ ਬਹੁਤ ਘੱਟ ਲੋਕ ਸਹੀ ਜਵਾਬ ਜਾਣਦੇ ਹਨ। ਆਓ ਜਾਣਦੇ ਹਾਂ ਸੱਚਾਈ ਕੀ ਹੈ। ਕੀ ਓਸਟੀਓਪੋਰੋਸਿਸ ਨੂੰ ਅਸਲ 'ਚ ਰਿਵਰਸ ਕੀਤਾ ਜਾ ਸਕਦਾ ਹੈ ਜਾਂ ਫਿਰ ਇਹ ਇਕ ਮਿੱਥ ਹੈ?

ਸਾਹਮਣੇ ਆਈ ਨਵੀਂ ਸਟੱਡੀ

ਤਾਜ਼ਾ ਖੋਜ ਅਨੁਸਾਰ ਓਸਟੀਓਪੋਰੋਸਿਸ ਨੂੰ ਰੋਕਿਆ ਜਾ ਸਕਦਾ ਹੈ ਤੇ ਸਿਹਤਮੰਦ ਖਾਣ-ਪੀਣ ਤੇ ਐਕਟਿਵ ਜੀਵਨਸ਼ੈਲੀ ਦੇ ਨਾਲ-ਨਾਲ ਸਹੀ ਕਸਰਤ ਤੇ ਸਿਖਲਾਈ ਰਾਹੀਂ ਵੀ ਇਸ ਨੂੰ ਰਿਵਰਸ ਕੀਤਾ ਜਾ ਸਕਦਾ ਹੈ। ਮਾਸਪੇਸ਼ੀਆਂ ਨੂੰ ਮਜ਼ਬੂਤ ​​ਕਰਨਾ ਤੇ ਭਾਰ ਵਧਾਉਣ ਨਾਲ ਹੱਡੀਆਂ ਮਜ਼ਬੂਤ ​​ਹੁੰਦੀਆਂ ਹਨ, ਜਿਸ ਨਾਲ ਫ੍ਰੈਕਚਰ ਦਾ ਖ਼ਤਰਾ ਘੱਟ ਜਾਂਦਾ ਹੈ। ਇਸ ਲਈ ਹੱਡੀਆਂ ਦੀ ਚੰਗੀ ਸਿਹਤ ਲਈ ਇਹ ਜ਼ਰੂਰੀ ਹੈ ਕਿ ਮਾਸਪੇਸ਼ੀਆਂ ਦੀ ਸਿਹਤ ਵੀ ਚੰਗੀ ਰਹੇ।

ਓਸਟੀਓਪੋਰੋਸਿਸ ਨੂੰ ਇਸ ਤਰ੍ਹਾਂ ਰੋਕੋ-

• ਸਰੀਰ ਦੀ ਮੂਵਮੈਂਟ ਬਣਾਈ ਰੱਖੋ। ਇਨਐਕਟਿਵ ਲਾਈਫਸਟਾਈਲ ਬੋਨ ਡੈਂਸਿਟੀ ਘਟਾਉਣ 'ਚ ਵੀ ਯੋਗਦਾਨ ਪਾਉਂਦੀ ਹੈ। ਕੁਝ ਲੋਕ ਵਧਦੀ ਉਮਰ ਦੇ ਨਾਲ ਤੁਰਨਾ ਤੇ ਹੋਰ ਕੰਮ ਕਰਨਾ ਬੰਦ ਕਰ ਦਿੰਦੇ ਹਨ, ਪਰ ਅਜਿਹਾ ਨਾ ਕਰੋ। ਸੈਰ ਲਈ ਜਾਓ, ਘਰੇਲੂ ਕੰਮ ਕਰੋ ਤੇ ਆਪਣੇ ਸਰੀਰ ਨੂੰ ਮੂਵ ਕਰਵਾਉਂਦੇ ਰਹੋ।
• ਉਮਰ ਦੇ ਅਨੁਸਾਰ ਸਟ੍ਰੈਂਥ ਟ੍ਰੇਨਿੰਗ ਤੇ ਵੇਟ ਬਿਅਰਿੰਗ ਐਕਸਰਸਾਈਜ਼ ਕਰੋ, ਇਸ ਨਾਲ ਬੋਨ ਡੈਂਸਿਟੀ 'ਚ ਸੁਧਾਰ ਹੁੰਦਾ ਹੈ।
• ਖਾਣ-ਪੀਣ ਠੀਕ ਰੱਖੋ। ਕੈਲਸ਼ੀਅਮ, ਵਿਟਾਮਿਨ ਡੀ, ਵਿਟਾਮਿਨ ਕੇ2, ਮੈਗਨੀਸ਼ੀਅਮ ਤੇ ਹੋਰ ਹੱਡੀਆਂ ਲਈ ਜ਼ਰੂਰੀ ਪੌਸ਼ਟਿਕ ਤੱਤਾਂ ਦਾ ਸੇਵਨ ਕਰੋ। ਇਸ ਨਾਲ ਪਾਚਨ ਤੰਤਰ ਮਜ਼ਬੂਤ ​​ਰਹੇਗਾ ਤੇ ਕੈਲਸ਼ੀਅਮ ਨੂੰ ਸੋਖਣ 'ਚ ਕੋਈ ਸਮੱਸਿਆ ਨਹੀਂ ਹੋਵੇਗੀ।
• ਸਪਲੀਮੈਂਟ ਲਓ। ਸਹੀ ਡਾਈਟ ਦੇ ਨਾਲ-ਨਾਲ ਡਾਕਟਰ ਦੇ ਨਿਰਦੇਸ਼ਾਂ ਅਨੁਸਾਰ ਕੈਲਸ਼ੀਅਮ ਤੇ ਵਿਟਾਮਿਨ ਡੀ ਦੇ ਸਪਲੀਮੈਂਟਸ ਲਓ।
• ਧੁੱਪੇ ਬੈਠੋ। ਇਸ ਨਾਲ ਸਰੀਰ ਕੁਦਰਤੀ ਵਿਟਾਮਿਨ ਡੀ ਪੈਦਾ ਕਰਦਾ ਹੈ, ਜੋ ਹੱਡੀਆਂ ਨੂੰ ਮਜ਼ਬੂਤ ​​ਬਣਾਉਂਦਾ ਹੈ।
• ਕੁਦਰਤੀ ਐਸਟ੍ਰੋਜਨ ਹਾਰਮੋਨ ਪੈਦਾ ਕਰਨ 'ਤੇ ਧਿਆਨ ਦਿਓ। ਇਸ ਨਾਲ ਹੱਡੀਆਂ ਦੀ ਰੀਮਾਡਲਿੰਗ ਤੇ ਸਟ੍ਰੈਂਥ ਬਣੀ ਰਹਿੰਦੀ ਹੈ।