Brain Tumor Symptoms : ਬ੍ਰੇਨ ਟਿਊਮਰ ਹੋਣ 'ਤੇ ਦਿਸਦੇ ਹਨ ਇਹ ਗੰਭੀਰ ਲੱਛਣ, ਆਮ ਸਮਝ ਕੇ ਨਾ ਕਰਿਓ ਇਗਨੋਰ

Brain Tumor Symptoms : ਲਾਈਫਸਟਾਈਲ ਡੈਸਕ, ਨਈ ਦੁਨੀਆ : ਬ੍ਰੇਨ ਟਿਊਮਰ ਇਕ ਗੰਭੀਰ ਬਿਮਾਰੀ ਹੈ, ਜਿਸ ਦੇ ਪ੍ਰਤੀ ਜੇਕਰ ਸਮੇਂ ਸਿਰ ਸਾਵਧਾਨੀ ਨਾ ਵਰਤੀ ਜਾਵੇ ਤਾਂ ਮਰੀਜ਼ ਦੀ ਮੌਤ ਵੀ ਹੋ ਸਕਦੀ ਹੈ। ਬ੍ਰੇਨ ਟਿਊਮਰ ਦੇ ਸ਼ੁਰੂਆਤੀ ਸੰਕੇਤ ਜਾਂ ਲੱਛਣ ਕਾਫੀ ਆਮ ਹੁੰਦੇ ਹਨ, ਜਿਨ੍ਹਾਂ ਨੂੰ ਲੋਕ ਆਮ ਤੌਰ 'ਤੇ ਨਜ਼ਰਅੰਦਾਜ਼ ਕਰਦੇ ਹਨ। ਇੱਥੇ ਜਾਣੋ ਬ੍ਰੇਨ ਟਿਊਮਰ ਕਿਉਂ ਹੁੰਦਾ ਹੈ ਤੇ ਇਸ ਦੇ ਲੱਛਣਾਂ ਦੀ ਪਛਾਣ ਕਿਵੇਂ ਕਰੀਏ?

ਕੀ ਹੁੰਦਾ ਹੈ ਬ੍ਰੇਨ ਟਿਊਮਰ ?

ਟਿਊਮਰ ਸਰੀਰ ਦੇ ਕਿਸੇ ਖਾਸ ਹਿੱਸੇ 'ਚ ਸੈੱਲਾਂ ਦੇ ਅਸਧਾਰਨ ਵਾਧੇ ਕਾਰਨ ਹੁੰਦਾ ਹੈ ਤੇ ਜਦੋਂ ਇਹ ਦਿਮਾਗ 'ਚ ਹੁੰਦਾ ਹੈ ਤਾਂ ਇਹ ਬ੍ਰੇਨ ਟਿਊਮਰ ਦਾ ਕਾਰਨ ਬਣਦਾ ਹੈ। ਬ੍ਰੇਨ ਟਿਊਮਰ ਦਾ ਸਫਲਤਾਪੂਰਵਕ ਇਲਾਜ ਕਰਨਾ ਡਾਕਟਰਾਂ ਲਈ ਅਜੇ ਵੀ ਵੱਡੀ ਚੁਣੌਤੀ ਹੈ, ਹਾਲਾਂਕਿ ਸਾਰੇ ਬ੍ਰੇਨ ਟਿਊਮਰ ਨੂੰ ਕੈਂਸਰ ਨਹੀਂ ਮੰਨਿਆ ਜਾਂਦਾ।

ਸਹੀ ਕਾਰਨ ਅਜੇ ਵੀ ਪਤਾ ਨਹੀਂ

ਬ੍ਰੇਨ ਟਿਊਮਰ ਦੇ ਸਹੀ ਕਾਰਨਾਂ ਬਾਰੇ ਅਜੇ ਤਕ ਕੋਈ ਜਾਣਕਾਰੀ ਨਹੀਂ ਹੈ। ਪਰ ਇਹ ਮੰਨਿਆ ਜਾਂਦਾ ਹੈ ਕਿ ਇਹ ਖ਼ਾਨਦਾਨੀ ਵਿਕਾਰ, ਰੇਡੀਏਸ਼ਨ ਥੈਰੇਪੀ ਜਾਂ ਕੀਟਨਾਸ਼ਕਾਂ ਦੇ ਸੰਪਰਕ ਕਾਰਨ ਹੋ ਸਕਦਾ ਹੈ। ਡਾਕਟਰ ਆਸ਼ੀਸ਼ ਭੰਗੇ, ਕੰਸਲਟੈਂਟ ਰੇਡੀਏਸ਼ਨ ਔਨਕੋਲੋਜਿਸਟ, ਨਾਗਪੁਰ ਦੇ ਅਨੁਸਾਰ ਜੇਕਰ ਸ਼ੁਰੂਆਤ 'ਚ ਪ੍ਰਮੁੱਖ ਲੱਛਣ ਦਿਖਾਈ ਦੇਣ ਤਾਂ ਤੁਰੰਤ ਡਾਕਟਰ ਨਾਲ ਸੰਪਰਕ ਕਰਨਾ ਚਾਹੀਦਾ ਹੈ।

ਇਹ ਹਨ ਸ਼ੁਰੂਆਤੀ ਲੱਛਣ

• ਬ੍ਰੇਨ ਟਿਊਮਰ ਕਾਰਨ ਮਰੀਜ਼ ਨੂੰ ਤੇਜ਼ ਸਿਰਦਰਦ ਹੁੰਦਾ ਹੈ। ਉਹ ਹਮੇਸ਼ਾ ਖ਼ੁਦ ਨੂੰ ਚਿੰਤਤ ਮਹਿਸੂਸ ਕਰਦਾ ਹੈ। ਇਸ ਵਿਚ ਮਰੀਜ਼ ਦੇ ਸਿਰਦਰਦ ਦੀ ਤੀਬਰਤਾ, ​​ਬਾਰੰਬਾਰਤਾ ਜਾਂ ਪੈਟਰਨ ਵੱਲ ਧਿਆਨ ਦਿੱਤਾ ਜਾਣਾ ਚਾਹੀਦਾ ਹੈ।
• ਮਰੀਜ਼ਾਂ ਦੀ ਅੱਖਾਂ ਦੀ ਰੋਸ਼ਨੀ ਘੱਟ ਜਾਂਦੀ ਹੈ। ਉਨ੍ਹਾਂ ਨੂੰ ਦੋਵੇਂ ਅੱਖਾਂ ਜਾਂ ਇਕ ਅੱਖ ਤੋਂ ਧੁੰਦਲਾ ਨਜ਼ਰ ਆਉਣ ਲੱਗਦਾ ਹੈ। ਜੋ ਵੀ ਚੀਜ਼ਾਂ ਅਸੀਂ ਸਾਹਮਣੇ ਦੇਖਦੇ ਹਾਂ, ਅਸੀਂ ਉਨ੍ਹਾਂ ਨੂੰ ਠੀਕ ਤਰ੍ਹਾਂ ਨਹੀਂ ਦੇਖ ਪਾਉਂਦੇ। ਸਰੀਰ ਦੇ ਨਰਵਸ ਸਿਸਟਮ 'ਤੇ ਦਬਾਅ ਪੈਂਦਾ ਹੈ।
• ਇਸ ਤੋਂ ਇਲਾਵਾ ਸਰੀਰ 'ਚ ਕਾਂਬਾ, ਹੱਥਾਂ ਜਾਂ ਲੱਤਾਂ 'ਚ ਕਾਂਬਾ ਛਿੜਨਾ, ਸਰੀਰ 'ਚ ਕੜਵੱਲ ਆਦਿ ਲੱਛਣ ਵੀ ਦੇਖਣ ਨੂੰ ਮਿਲਦੇ ਹਨ।
• ਲਗਾਤਾਰ ਮਤਲੀ ਅਤੇ ਉਲਟੀਆਂ ਵਰਗੀਆਂ ਸ਼ਿਕਾਇਤਾਂ ਹੋ ਸਕਦੀਆਂ ਹਨ। ਦਿਮਾਗ ਜਾਂ ਰੀੜ੍ਹ ਦੀ ਹੱਡੀ 'ਤੇ ਦਬਾਅ ਕਾਰਨ ਸਰੀਰ ਦੇ ਇਕ ਹਿੱਸੇ 'ਚ ਕਮਜ਼ੋਰੀ ਜਾਂ ਸੁੰਨ ਹੋਣਾ ਮਹਿਸੂਸ ਹੋ ਸਕਦਾ ਹੈ।
• ਮਰੀਜ਼ ਨੂੰ ਲਗਾਤਾਰ ਥਕਾਵਟ ਮਹਿਸੂਸ ਹੁੰਦੀ ਹੈ। ਖ਼ੁਦ ਨੂੰ ਊਰਜਾਵਾਨ ਮਹਿਸੂਸ ਨਹੀਂ ਹੁੰਦਾ। ਆਲਸ ਤੇ ਸਰੀਰ 'ਚ ਦਰਦ ਹੁੰਦਾ ਹੈ।