Brain Tumor ਦਾ ਸੰਕੇਤ ਹੋ ਸਕਦਾ ਹੈ ਲਗਾਤਾਰ ਸਿਰਦਰਦ ਤੇ ਚੱਕਰ ਆਉਣਾ, PGI ਮਾਹਿਰ ਤੋਂ ਜਾਣੇ ਕਿਵੇਂ ਕਰੀਏ ਪਛਾਣ ਤੇ ਇਸ ਦਾ ਇਲਾਜ

ਪੰਜਾਬੀ ਜਾਗਰਣ ਟੀਮ, ਚੰਡੀਗੜ੍ਹ : ਅੱਜ ਵਿਸ਼ਵ ਬ੍ਰੇਨ ਟਿਊਮਰ ਦਿਵਸ (World Brain Tumor Day) ਹੈ। ਬ੍ਰੇਨ ਟਿਊਮਰ ਇਕ ਖ਼ਤਰਨਾਕ ਬਿਮਾਰੀ ਹੈ, ਪਰ ਸਮੇਂ ਸਿਰ ਇਲਾਜ ਮਰੀਜ਼ ਦੀ ਜਾਨ ਬਚਾ ਸਕਦਾ ਹੈ। ਇਹ ਗੱਲ ਪੀਜੀਆਈ ਦੇ ਐਂਡੋਸਕੋਪੀ ਨਿਊਰੋਸਰਜਨ ਡਾ. ਢੰਡਾਪਾਨੀ ਐੱਸਐੱਸ. ਦਾ। ਡਾ. ਢੰਡਾਪਾਨੀ ਦਾ ਕਹਿਣਾ ਹੈ ਕਿ ਪੀ.ਜੀ.ਆਈ. ਵਿਚ ਹਰ ਰੋਜ਼ ਅੱਠ ਤੋਂ 10 ਬ੍ਰੇਨ ਟਿਊਮਰ ਦੇ ਮਰੀਜ਼ਾਂ ਦੀ ਸਰਜਰੀ ਹੁੰਦੀ ਹੈ। ਪੀਜੀਆਈ ਚੰਡੀਗੜ੍ਹ ਹੀ ਅਜਿਹਾ ਮੈਡੀਕਲ ਇੰਸਟੀਚਿਊਟ ਹੈ ਜਿੱਥੇ 15 ਮਹੀਨੇ ਦੀ ਬੱਚੀ ਦੇ ਬ੍ਰੇਨ ਟਿਊਮਰ ਦੀ ਸਰਜਰੀ ਕੀਤੀ ਗਈ ਹੈ। ਸਾਲ 2021 ਵਿਚ ਪੀਜੀਆਈ ਦੇ ਐਡਵਾਂਸਡ ਨਿਊਰੋਸਾਇੰਸ ਵਿਭਾਗ ਦੇ ਡਾਕਟਰਾਂ ਨੇ ਇਹ ਚਮਤਕਾਰ ਕਰ ਦਿਖਾਇਆ ਸੀ।

ਪੀਜੀਆਈ ਦੇ ਐਂਡੋਸਕੋਪੀ ਨਿਊਰੋਸਰਜਨ ਡਾ. ਢੰਡਾਪਾਨੀ ਐੱਸਐੱਸ ਨੇ ਦੱਸਿਆ ਕਿ ਬ੍ਰੇਨ ਟਿਊਮਰ ਦੀ ਗਰੇਡਿੰਗ ਹੁੰਦੀ ਹੈ। ਹਾਈ ਗ੍ਰੇਡ (ਵੱਡਾ ਟਿਊਮਰ) ਅਤੇ ਘੱਟ ਗ੍ਰੇਡ (ਛੋਟਾ ਟਿਊਮਰ)। ਉਨ੍ਹਾਂ ਦੇ ਇਲਾਜ ਦਾ ਤਰੀਕਾ ਵੀ ਵੱਖ-ਵੱਖ ਹੁੰਦਾ ਹੈ। ਘੱਟ ਦਰਜੇ ਦੇ ਟਿਊਮਰ ਇਕੋ ਵਾਰ ਵਿਚ ਹਟਾ ਦਿੱਤੇ ਜਾਂਦੇ ਹਨ। ਘੱਟ ਟਿਊਮਰ ਦਾ ਇਲਾਜ ਕੀਮੋਥੈਰੇਪੀ ਅਤੇ ਟੀਕਿਆਂ ਨਾਲ ਕੀਤਾ ਜਾਂਦਾ ਹੈ। ਇਸ ਤੋਂ ਬਾਅਦ ਦੁਬਾਰਾ ਆਉਣ ਵਿਚ ਸਮਾਂ ਲੱਗਦਾ ਹੈ। ਇਸ ਤੋਂ ਬਾਅਦ ਮਰੀਜ਼ ਆਮ ਜੀਵਨ ਬਤੀਤ ਕਰਦਾ ਹੈ। ਜਦੋਂ ਕਿ ਹਾਈ ਗ੍ਰੇਡ ਟਿਊਮਰ ਜ਼ਿਆਦਾ ਘਾਤਕ ਹੁੰਦਾ ਹੈ, ਜਿਸ ਨੂੰ ਕੈਂਸਰ ਵੀ ਕਿਹਾ ਜਾਂਦਾ ਹੈ। ਉੱਚ ਦਰਜੇ ਦੇ ਟਿਊਮਰ ਦੇ ਇਲਾਜ ਵਿਚ ਲੰਬਾ ਸਮਾਂ ਲੱਗਦਾ ਹੈ ਅਤੇ ਸਰਜਰੀ ਦੀ ਲੋੜ ਹੁੰਦੀ ਹੈ। ਆਯੂਸ਼ਮਾਨ ਭਾਰਤ ਕਾਰਡ ਅਤੇ ਹਿਮਕੇਅਰ ਕਾਰਡ ਦੇ ਤਹਿਤ ਮਰੀਜ਼ਾਂ ਦਾ ਮੁਫਤ ਇਲਾਜ ਕੀਤਾ ਜਾਂਦਾ ਹੈ।

ਪੀਜੀਆਈ ਵਿਚ ਸਸਤਾ ਇਲਾਜ

ਡਾ. ਢੰਡਾਪਾਨੀ ਦਾ ਕਹਿਣਾ ਹੈ ਕਿ ਬ੍ਰੇਨ ਟਿਊਮਰ ਦੇ ਮਰੀਜ਼ਾਂ ਨੂੰ ਪ੍ਰਾਈਵੇਟ ਹਸਪਤਾਲਾਂ ਦੇ ਮੁਕਾਬਲੇ ਪੀਜੀਆਈ ਵਿਚ ਸਸਤਾ ਇਲਾਜ ਮਿਲਦਾ ਹੈ। ਪੀਜੀਆਈ ਵਿਚ ਰੇਡੀਓ ਸਰਜਰੀ ਦੀ ਸਹੂਲਤ ਹੈ। ਇਸ ਵਿਚ ਸਰਵਾਈਕਲ ਟਿਊਮਰ ਦਾ ਇਲਾਜ ਰੇਡੀਏਸ਼ਨ ਨਾਲ ਕੀਤਾ ਜਾਂਦਾ ਹੈ। ਇਹ ਸਹੂਲਤ ਸਿਰਫ਼ ਦਿੱਲੀ, ਮੁੰਬਈ, ਚੇਨਈ ਅਤੇ ਬੈਂਗਲੁਰੂ ਵਰਗੇ ਦੇਸ਼ ਦੇ ਵੱਡੇ ਹਸਪਤਾਲਾਂ ਵਿਚ ਉਪਲੱਬਧ ਹੈ। ਇਸ ਤੋਂ ਇਲਾਵਾ ਪੀਜੀਆਈ ਵਿਚ ਰੇਡੀਓ ਸਰਜਰੀ ਦਾ ਖ਼ਰਚਾ 75 ਹਜ਼ਾਰ ਰੁਪਏ ਤਕ ਹੈ, ਜਦੋਂ ਕਿ ਪ੍ਰਾਈਵੇਟ ਹਸਪਤਾਲਾਂ ਵਿਚ 2 ਤੋਂ 3 ਲੱਖ ਰੁਪਏ ਤਕ ਦਾ ਖ਼ਰਚਾ ਆਉਂਦਾ ਹੈ।

ਪੀਜੀਆਈ ਵਿਚ ਸਰਜਰੀ ਦੀ ਨਵੀਂ ਤਕਨੀਕ

ਪੀਜੀਆਈ ਵਿਚ, ਬ੍ਰੇਨ ਟਿਊਮਰ ਦੇ ਮਰੀਜ਼ਾਂ ਲਈ ਔਰਬਿਟਲ ਰਿਮ ਸਪੇਅਰਿੰਗ ਅਤੇ ਸਿੰਗਲ-ਪੀਸ ਫਰੰਟੋ ਔਰਬਿਟਲ ਕੀਹੀਲ ਤਕਨੀਕ ਦੀ ਵਰਤੋਂ ਕਰਕੇ ਸਰਜਰੀ ਕੀਤੀ ਜਾਂਦੀ ਹੈ। ਇਸ ਤਕਨੀਕ ਦੀ ਵਰਤੋਂ ਕਰਕੇ ਬੱਚੀ ਦੀ ਸਰਜਰੀ ਕੀਤੀ ਗਈ। ਹਾਈ ਗ੍ਰੇਡ ਟਿਊਮਰ ਲਈ, ਇਹ ਸਰਜਰੀ ਐਂਡੋਸਕੋਪੀ ਦੁਆਰਾ ਕੀਤੀ ਜਾਂਦੀ ਹੈ। ਐਡਵਾਂਸਡ ਨਿਊਰੋਸਾਇੰਸ ਸੈਂਟਰ ਅਗਲੇ ਸਾਲ ਤੋਂ ਸ਼ੁਰੂ ਹੋਵੇਗਾ

ਵੱਖ਼ਰੀ ਤਰ੍ਹਾਂ ਦਾ ਨਿਊਰੋਸਾਇੰਸ ਸੈਂਟਰ ਬਣੇਗਾ

ਬ੍ਰੇਨ ਟਿਊਮਰ ਦੇ ਮਰੀਜ਼ਾਂ ਦੇ ਇਲਾਜ ਲਈ ਪੀਜੀਆਈ ਵਿਚ ਇਕ ਵੱਖਰਾ ਐਡਵਾਂਸਡ ਨਿਊਰੋਸਾਇੰਸ ਸੈਂਟਰ ਤਿਆਰ ਕੀਤਾ ਜਾ ਰਿਹਾ ਹੈ, ਜਿਸ ਦਾ ਕੰਮ ਅੰਤਿਮ ਪੜਾਅ ਵਿਚ ਹੈ। ਇਹ ਅਗਲੇ ਸਾਲ ਤੋਂ ਸ਼ੁਰੂ ਹੋਵੇਗਾ, ਜਿੱਥੇ ਬ੍ਰੇਨ ਟਿਊਮਰ ਦੇ ਮਰੀਜ਼ਾਂ ਦਾ ਇਲਾਜ ਅਤੇ ਸਰਜਰੀ ਹੋਵੇਗੀ।

ਸਾਰੀ ਉਮਰ ਕਰੋ ਪਾਲਣਾ

ਡਾ: ਢੰਡਾਪਾਨੀ ਨੇ ਦੱਸਿਆ ਕਿ ਰੇਡੀਓ ਸਰਜਰੀ ਤੋਂ ਬਾਅਦ ਮਰੀਜ਼ ਇਕ ਮਹੀਨੇ ਅਤੇ ਕੀਮੋਥੈਰੇਪੀ ਵਾਲੇ ਮਰੀਜ਼ ਦੋ ਤੋਂ ਤਿੰਨ ਮਹੀਨੇ ਤਕ ਹਸਪਤਾਲ ਵਿਚ ਰਹਿੰਦੇ ਹਨ। ਇਸ ਦੇ ਨਾਲ ਹੀ, ਬ੍ਰੇਨ ਟਿਊਮਰ ਦੇ ਮਰੀਜ਼ਾਂ ਲਈ ਸਰਜਰੀ ਤੋਂ ਬਾਅਦ, ਉਨ੍ਹਾਂ ਦੀ ਸਾਰੀ ਉਮਰ ਫਾਲੋ-ਅਪ ਜਾਰੀ ਰਹਿੰਦਾ ਹੈ।

ਬ੍ਰੇਨ ਟਿਊਮਰ ਦੇ ਸ਼ੁਰੂਆਤੀ ਲੱਛਣ

- ਸਿਰ ਦਰਦ, ਚੱਕਰ ਆਉਣੇ ਅਤੇ ਉਲਟੀਆਂ ਆਉਣੀਆਂ

- ਕਮਜ਼ੋਰ ਨਜ਼ਰ, ਸੁਣਨ ’ਚ ਸਮੱਸਿਆ

- ਬੋਲਣ ਜਾਂ ਸਮਝਣ ਵਿਚ ਮੁਸ਼ਕਲ

- ਸਿਰ ਵਿਚ ਲਗਾਤਾਰ ਹਲਕਾ ਦਰਦ। ਦਰਦ ਸਮੇਂ ਦੇ ਨਾਲ ਵਧਦਾ ਹੈ।

- ਬਾਹਾਂ ਅਤੇ ਲੱਤਾਂ ਵਿਚ ਕਮਜ਼ੋਰੀ

- ਅਚਾਨਕ ਮੂਡ ਵਿਚ ਤਬਦੀਲੀ

- ਲਿਖਣ ਜਾਂ ਪੜ੍ਹਨ ਵਿਚ ਸਮੱਸਿਆ।