'ਵੱਡੀਆਂ ਫ਼ਿਲਮਾਂ ਤਾਂ ਸਿਰਫ਼ 40-50 ਦਿਨਾਂ ਦੀ ਪਿਕਨਿਕ ਹਨ...', ਮਨੋਜ ਬਾਜਪੇਈ ਨੇ ਖੋਲ੍ਹਿਆ ਮੇਨਸਟ੍ਰੀਮ ਸਿਨੇਮਾ ਨੂੰ ਰਿਜੈਕਟ ਕਰਨ ਦਾ ਰਾਜ਼ !

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਇਕ ਸਮਾਂ ਸੀ ਜਦੋਂ ਮਨੋਜ ਬਾਜਪੇਈ 'ਵੀਰ-ਜ਼ਾਰਾ', 'ਰਾਜਨੀਤੀ' ਤੇ 'ਸਪੈਸ਼ਲ 26' ਵਰਗੀਆਂ ਕਮਰਸ਼ੀਅਲ ਮੇਨਸਟ੍ਰੀਮ ਹਿੰਦੀ ਫ਼ਿਲਮਾਂ 'ਚ ਨਜ਼ਰ ਆਉਂਦੇ ਸਨ। ਪਰ ਪਿਛਲੇ ਦਹਾਕੇ 'ਚ ਇਸ ਐਕਟਰ ਨੇ ਆਪਣਾ ਧਿਆਨ ਛੋਟੀਆਂ, ਇੰਡੀਪੈਂਡੈਂਟ ਫ਼ਿਲਮਾਂ 'ਚ ਕੰਮ ਕਰਨ ਵੱਲ ਲਗਾਇਆ ਹੈ। ਉਨ੍ਹਾਂ ਦੀ ਹਾਲੀਆ ਫ਼ਿਲਮ 'ਗਵਰਨਰ', ਉਨ੍ਹਾਂ ਦੀ ਤਾਰੀਫ਼ ਬਟੋਰਨ ਵਾਲੀ ਘੱਟ ਬਜਟ ਦੀਆਂ ਫ਼ਿਲਮਾਂ ਦੀ ਲਿਸਟ ਵਿਚ ਇਕ ਹੋਰ ਨਾਮ ਹੈ। ਤਜਰਬੇਕਾਰ ਐਕਟਰ ਨੇ ਇੰਡੀਪੈਂਡੈਂਟ ਫ਼ਿਲਮਾਂ ਲਈ ਆਪਣੇ ਪਿਆਰ ਅਤੇ ਉਨ੍ਹਾਂ ਨੂੰ ਵਾਪਸ ਮੇਨਸਟ੍ਰੀਮ ਸਿਨੇਮਾ ਵਿੱਚ ਲਿਆਉਣ ਲਈ ਕੀ ਜ਼ਰੂਰੀ ਹੈ, ਇਸ ਬਾਰੇ ਹਾਲ ਹੀ ਵਿੱਚ ਗੱਲ ਕੀਤੀ।

ਬਿੱਗ ਬਜਟ ਫ਼ਿਲਮਾਂ ਕਿਉਂ ਨਹੀਂ ਕਰਦੇ ਮਨੋਜ ਬਾਜਪੇਈ?

ਇਸ ਸਵਾਲ ਦੇ ਜਵਾਬ 'ਚ ਮਨੋਜ ਬਾਜਪੇਈ ਨੇ ਕਿਹਾ, 'ਮੇਰੇ ਕੋਲ ਬਿੱਗ ਬਜਟ ਫ਼ਿਲਮਾਂ ਬਹੁਤ ਆਉਂਦੀਆਂ ਹਨ। ਹਾਂ ਅਤੇ ਅਜਿਹਾ ਨਹੀਂ ਹੈ ਕਿ ਟੈਂਪਟੇਸ਼ਨ ਨਹੀਂ ਹੁੰਦੀ ਕਿ ਬਾਈ ਉਸ ਵਿਚ ਕੁਝ ਨਹੀਂ ਕਰੋ। ਤੁਹਾਨੂੰ ਜਾਣਾ ਹੈ। ਵਧੀਆ ਜਿਹੀ ਵੈਨ 'ਚ ਬੈਠਾਂਗਾ। ਚੰਗੀਆਂ-ਚੰਗੀਆਂ ਚੀਜ਼ਾਂ ਆਰਡਰ ਕਰਾਂਗਾ। ਕੋਈ ਸਟ੍ਰੈੱਸ ਲੈਣ ਦੀ ਜ਼ਰੂਰਤ ਨਹੀਂ ਹੈ? ਸੀਨ ਮਿਲੇਗਾ, ਪੜ੍ਹਾਂਗਾ। ਲਾਈਨਾਂ ਯਾਦ ਕਰ ਕੇ ਜਾ ਥੋੜ੍ਹੀ ਕਾਮੇਡੀ ਕਰ ਦੇਵਾਂਗਾ। 40 ਦਿਨ 50 ਦਿਨ ਜੋ ਹੈ, ਇਕ ਤਰੀਕੇ ਦੀ ਪਿਕਨਿਕ ਹੋਵੇਗੀ'।

ਕਿਉਂ ਕਰ ਰਹੇ ਹਨ ਛੋਟੇ ਬਜਟ ਦੀਆਂ ਫ਼ਿਲਮਾਂ?

ਮਨੋਜ ਬਾਜਪੇਈ ਨੇ ਛੋਟੇ ਬਜਟ ਦੀਆਂ ਫ਼ਿਲਮਾਂ ਨੂੰ ਕਰਨ ਪਿੱਛੇ ਦਾ ਕਾਰਨ ਦੱਸਦਿਆਂ ਕਿਹਾ, 'ਅਸਲ ਵਿਚ, ਜੇਕਰ ਮੈਂ ਤੁਹਾਨੂੰ ਕਹਾਂ ਤਾਂ ਤੁਸੀਂ ਯਕੀਨ ਨਹੀਂ ਕਰੋਗੇ, ਦਰਅਸਲ ਇੱਥੇ ਮੇਰਾ ਮਨ ਲੱਗਦਾ ਹੈ। ਮੈਨੂੰ ਆਪਣੀ ਪਰਫਾਰਮੈਂਸ 'ਚ ਬਹੁਤ ਮਜ਼ਾ ਆਉਂਦਾ ਹੈ ਜਦੋਂ ਮੈਂ ਕੁਝ ਅਜਿਹਾ ਕਰ ਰਿਹਾ ਹੁੰਦਾਂ ਕਿ ਮੇਰੇ ਆਸ-ਪਾਸ ਦੇ ਲੋਕ ਵੀ ਹੈਰਾਨ ਹੋ ਜਾਂਦੇ ਹਨ ਜਿਵੇਂ 'ਕੀ ਇਹ ਮਨੋਜ ਬਾਜਪੇਈ ਹੈ?' ਇਹ ਇਕ ਕਿੱਕ ਹੈ ਤਾਂ ਮੈਂ ਉਸ ਕਿੱਕ ਲਈ ਕਿਉਂ ਨਾ ਮੈਂ ਮਿਡਲ ਆਫ਼ ਦ ਰੋਡ ਸਿਨੇਮਾ ਜਾਂ ਇੰਡੀਪੈਂਡੈਂਟ ਸਿਨੇਮਾ ਕਰਾਂ'।

ਗਵਰਨਰ 'ਚ ਨਜ਼ਰ ਆਏ ਮਨੋਜ ਬਾਜਪੇਈ

ਮਨੋਜ ਦੀ ਹਾਲੀਆ ਫ਼ਿਲਮ 'ਗਵਰਨਰ' ਇਕ ਘੱਟ ਬਜਟ ਵਾਲੀ ਇੰਡੀਪੈਂਡੈਂਟ ਫ਼ਿਲਮ ਹੈ ਜਿਸ ਨੂੰ ਪਿਛਲੇ ਹਫ਼ਤੇ ਭਾਰਤ 'ਚ ਸੀਮਤ ਤੌਰ 'ਤੇ ਰਿਲੀਜ਼ ਕੀਤਾ ਗਿਆ। ਚਿਨਮਈ ਡੀ. ਮੰਡਲੇਕਰ ਦੇ ਨਿਰਦੇਸ਼ਨ 'ਚ ਬਣੀ ਇਸ ਫ਼ਿਲਮ 'ਚ ਮਨੋਜ ਬਾਜਪੇਈ ਨੇ ਰਿਜ਼ਰਵ ਬੈਂਕ ਆਫ਼ ਇੰਡੀਆ ਦੇ ਸਾਬਕਾ ਗਵਰਨਰ ਐੱਸ. ਵੇਂਕਿਟਰਮਨ ਦੀ ਭੂਮਿਕਾ ਨਿਭਾਈ ਹੈ। ਇਹ ਫ਼ਿਲਮ 1990 ਦੇ ਆਰਥਿਕ ਸੰਕਟ ਵਿੱਚੋਂ ਭਾਰਤ ਨੂੰ ਉਭਾਰਨ ਵਿੱਚ ਵੇਂਕਿਟਰਮਨ ਦੀ ਭੂਮਿਕਾ ਨੂੰ ਦਿਖਾਉਂਦੀ ਹੈ।