ਫ਼ੌਜੀ ਅਭਿਆਸ ਦੌਰਾਨ ਵਾਪਰਿਆ ਵੱਡਾ ਹਾਦਸਾ: ਸਮੁੰਦਰ 'ਚ ਰੁੜ੍ਹੇ 17 ਜਵਾਨ, 12 ਦੀ ਮੌਤ; ਰਾਸ਼ਟਰੀ ਸੋਗ ਦਿਵਸ ਦਾ ਐਲਾਨ

ਡਿਜੀਟਲ ਡੈਸਕ, ਅਸਤਾਨਾ: ਕਜ਼ਾਕਿਸਤਾਨ ਵਿੱਚ ਸਮੁੰਦਰ ਵਿੱਚ ਰੁੜ੍ਹ ਜਾਣ ਕਾਰਨ 12 ਫ਼ੌਜੀ ਜਵਾਨਾਂ ਦੀ ਮੌਤ ਹੋ ਗਈ। ਅਧਿਕਾਰੀਆਂ ਨੇ ਵੀਰਵਾਰ ਨੂੰ ਦੱਸਿਆ ਕਿ ਇਹ ਹਾਦਸਾ ਜਲ ਸੈਨਾ ਦੇ ਸਿਖਲਾਈ ਅਭਿਆਸ ਦੌਰਾਨ ਵਾਪਰਿਆ।

ਕਜ਼ਾਕਿਸਤਾਨ ਵਿੱਚ ਸਮੁੰਦਰ ਵਿੱਚ ਰੁੜ੍ਹੇ 12 ਫ਼ੌਜੀ ਜਵਾਨ

ਸਰਕਾਰ ਨੇ ਟੈਲੀਗ੍ਰਾਮ ’ਤੇ ਦੱਸਿਆ ਕਿ ਜਵਾਨ ਪੱਛਮੀ ਮੈੰਗਿਸਤਾਊ ਖੇਤਰ ਵਿੱਚ ਜੰਗੀ ਅਭਿਆਸ ਵਿੱਚ ਹਿੱਸਾ ਲੈ ਰਹੇ ਸਨ। ਇਸ ਦੌਰਾਨ ਅਚਾਨਕ ਮੌਸਮ ਖ਼ਰਾਬ ਹੋ ਗਿਆ ਅਤੇ ਤੇਜ਼ ਹਵਾਵਾਂ ਚੱਲਣ ਲੱਗੀਆਂ।

ਇਸ ਕਾਰਨ 17 ਜਵਾਨ ਸਮੁੰਦਰ ਵਿੱਚ ਰੁੜ੍ਹ ਗਏ। ਇਨ੍ਹਾਂ ਵਿੱਚੋਂ 12 ਦੀ ਮੌਤ ਹੋ ਗਈ, ਜਦਕਿ ਤਿੰਨ ਜਵਾਨਾਂ ਨੂੰ ਬਚਾ ਲਿਆ ਗਿਆ ਹੈ। ਬਾਕੀ ਦੋ ਜਵਾਨਾਂ ਦੀ ਭਾਲ ਜਾਰੀ ਹੈ।

ਘਟਨਾ ਤੋਂ ਬਾਅਦ ਰਾਸ਼ਟਰਪਤੀ ਕਾਸਿਮ-ਜੋਮਾਰਟ ਤੋਕਾਏਵ ਨੇ ਸ਼ੁੱਕਰਵਾਰ ਨੂੰ ਰਾਸ਼ਟਰੀ ਸੋਗ ਦਿਵਸ ਐਲਾਨਿਆ ਹੈ।

(ਸਮਾਚਾਰ ਏਜੰਸੀ ਰਾਇਟਰਜ਼ ਦੇ ਇਨਪੁਟ ਨਾਲ)