ਜਰਮਨੀ ਤੋਂ ਆਈ ਮੰਦਭਾਗੀ ਖ਼ਬਰ: ਟ੍ਰੈਕਿੰਗ ਦੌਰਾਨ ਭਾਰਤੀ ਵਿਦਿਆਰਥੀ ਦੀ ਡੁੱਬਣ ਨਾਲ ਮੌਤ, ਨਾਲ ਗਏ 4 ਸਾਥੀ ਵਿਦਿਆਰਥੀਆਂ 'ਤੇ ਲੱਗੇ ਗੰਭੀਰ ਇਲਜ਼ਾਮ

ਜਰਮਨੀ ਦੇ ਲੀਪਜ਼ਿਗ 'ਚ ਬੀਬੀਏ ਦੀ ਡਿਗਰੀ ਕਰ ਰਹੇ ਇੱਕ ਭਾਰਤੀ ਵਿਦਿਆਰਥੀ ਦੀ ਸ਼ੱਕੀ ਡੁੱਬਣ ਦੀ ਘਟਨਾ 'ਚ ਮੌਤ ਹੋ ਗਈ ਹੈ। ਵਿਦਿਆਰਥੀ ਮੰਗਲੁਰੂ ਦੇ ਮਾਰਾਕਾਡਾ-ਕੁੰਜਾਥਬੈਲ ਦਾ ਰਹਿਣ ਵਾਲਾ ਸੀ। ਮ੍ਰਿਤਕ ਦੀ ਪਛਾਣ 21 ਸਾਲਾ ਮੁਹੰਮਦ ਅਨੀਸ ਅਬੂਬਕਰ ਵਜੋਂ ਹੋਈ ਹੈ। ਦੋ ਭਾਰਤੀਆਂ ਸਮੇਤ ਚਾਰ ਵਿਦਿਆਰਥੀਆਂ ਨੂੰ ਪੁੱਛਗਿੱਛ ਲਈ ਪੁਲਿਸ ਹਿਰਾਸਤ 'ਚ ਲੈ ਲਿਆ ਗਿਆ ਹੈ। ਅਨੀਸ ਹਾਲੇ 'ਚ ਇੱਕ ਵਿਦਿਅਕ ਸੰਸਥਾ 'ਚ ਤੀਜੇ ਸਮੈਸਟਰ ਦਾ ਬੀਬੀਏ ਵਿਦਿਆਰਥੀ ਸੀ। ਉਹ ਮੰਗਲੁਰੂ 'ਚ ਆਪਣੀ ਪ੍ਰੀ-ਯੂਨੀਵਰਸਿਟੀ ਸਿੱਖਿਆ ਪੂਰੀ ਕਰਨ ਤੋਂ ਬਾਅਦ ਲਗਭਗ 18 ਮਹੀਨੇ ਪਹਿਲਾਂ ਜਰਮਨੀ ਚਲਾ ਗਿਆ ਸੀ।