ਸ੍ਰੀਲੰਕਾ ਸਰਕਾਰ ਦਾ ਵੱਡਾ ਫ਼ੈਸਲਾ: ਭਾਰਤ 'ਚ ਰਹਿ ਰਹੇ ਸ਼ਰਨਾਰਥੀਆਂ ਦੀ ਘਰ ਵਾਪਸੀ ਲਈ ਨਵੀਂ ਇਮੀਗ੍ਰੇਸ਼ਨ ਨੀਤੀ ਨੂੰ ਮਨਜ਼ੂਰੀ

ਕੋਲੰਬੋ (ਏਜੰਸੀ) : ਸ੍ਰੀਲੰਕਾ ਸਰਕਾਰ ਨੇ ਭਾਰਤ ਵਿਚ ਰਹਿ ਰਹੇ ਉਨ੍ਹਾਂ ਸ਼ਰਨਾਰਥੀਆਂ ਦੀ ਸਵੈਚਿੱਛਾ ਵਾਪਸੀ ਨੂੰ ਆਸਾਨ ਬਣਾਉਣ ਲਈ ਵਿਸ਼ੇਸ਼ ਪ੍ਰਵਾਸ ਪ੍ਰਬੰਧਨ ਨੂੰ ਮਨਜ਼ੂਰੀ ਦਿੱਤੀ ਹੈ, ਜੋ ਦਹਾਕਿਆਂ ਤੱਕ ਚੱਲੇ ਘਰੇਲੂ ਯੁੱਧ ਦੌਰਾਨ ਬਿਨਾਂ ਜਾਇਜ਼ ਯਾਤਰਾ ਦਸਤਾਵੇਜ਼ਾਂ ਦੇ ਸ੍ਰੀਲੰਕਾ ਛੱਡ ਕੇ ਚਲੇ ਗਏ ਸਨ।

ਇਸ ਦਾ ਜਾਣਕਾਰੀ ਮੰਗਲਵਾਰ ਨੂੰ ਜਾਰੀ ਮੰਤਰੀ ਮੰਡਲ ਦੀ ਇੱਕ ਸੂਚਨਾ ਵਿਚ ਦਿੱਤੀ ਗਈ ਹੈ। ਸੰਯੁਕਤ ਰਾਸ਼ਟਰ ਸ਼ਰਨਾਰਥੀ ਸੀਨਾ (ਯੂਐੱਨਐੱਚਸੀਆਰ) ਦੇ ਸਹਿਯੋਗ ਨਾਲ ਪਰਤਣ ਵਾਲੇ ਲੋਕਾਂ ਨੂੰ ਇਸ ਦਾ ਲਾਭ ਮਿਲੇਗਾ। ਇਸ ਪ੍ਰਬੰਧ ਦਾ ਮਕਸਦ ਉਨ੍ਹਾਂ ਸ਼ਰਨਾਰਥੀਆਂ ਦੇ ਸਾਹਮਣੇ ਆਉਣ ਵਾਲੀਆਂ ਕਾਨੂੰਨੀ ਮੁਸ਼ਕਲਾਂ ਨੂੰ ਦੂਰ ਕਰਨਾ ਹੈ, ਜੋ ਬਿਨਾਂ ਮਨਜ਼ੂਰੀ ਦੇ ਸ੍ਰੀਲੰਕਾ ਛੱਡ ਕੇ ਗਏ ਸਨ।

ਪ੍ਰਬੰਧ ਦੇ ਤਹਿਤ 1 ਅਗਸਤ 2006 ਤੋਂ ਪਹਿਲਾਂ ਬਿਨਾਂ ਪਾਸਪੋਰਟ ਦੇ ਦੇਸ਼ ਛੱਡ ਕੇ ਗਏ ਸ੍ਰੀਲੰਕਾਈ ਨਾਗਰਿਕਾਂ ਦੀ ਰਾਜ ਖੁਫੀਆ ਸੇਵਾ ਵੱਲੋਂ ਜਾਂਚ ਕੀਤੀ ਜਾਵੇਗੀ ਜਿਸਦਾ ਮਕਸਦ ਇਹ ਪਤਾ ਲਗਾਉਣਾ ਹੈ ਕਿ ਉਨ੍ਹਾਂ ਤੇ ਕਤਲ, ਦੇਸ਼ ਧਰੋਹ ਜਾਂ ਹੋਰ ਅਪਰਾਧਾਂ ਦੇ ਇਲਜ਼ਾਮ ਤਾਂ ਨਹੀਂ ਹਨ।