ਇਕ ਨੂੰ ਮਾਰਿਆ ਚਾਕੂ ਤੇ ਦੂਜੇ ਨੂੰ ਕਾਰ ਨਾਲ ਕੁਚਲਿਆ, ਦੋ ਸਹੇਲੀਆਂ ਦਾ ਬੇਰਹਿਮੀ ਨਾਲ ਕਤਲ ਕਰਨ ਵਾਲੀ ਭਾਰਤੀ ਮੂਲ ਦੀ ਔਰਤ ਗ੍ਰਿਫ਼ਤਾਰ

ਹਿਊਸਟਨ (ਪੀਟੀਆਈ) : ਅਮਰੀਕਾ ਦੇ ਕੈਲੀਫੋਰਨੀਆ ਵਿਚ ਦੋ ਸਹੇਲੀਆਂ ਦੀ ਹਤਿਆ ਦੇ ਦੋਸ਼ ਵਿਚ ਇਕ ਭਾਰਤੀ ਮੂਲ ਦੀ ਔਰਤ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਦੋਸ਼ ਹੈ ਕਿ ਉਸਨੇ ਇਕ ਸਹੇਲੀ ਨੂੰ ਚਾਕੂ ਮਾਰਿਆ ਅਤੇ ਦੂਜੀ ਨੂੰ ਕਾਰ ਨਾਲ ਕੁਚਲਿਆ। 32 ਸਾਲਾ ਅਨਿਲਾ ਬੇਬੀ ਨੇ ਆਪਣੀਆਂ ਦੋ ਸਹੇਲੀਆਂ, ਐਨ ਮੈਰੀ ਮੈਥਿਊ ਅਤੇ ਅੰਜਨਾ ਹਰਿ ਦਾ ਕਰੀਬ 90 ਮਿੰਟਾਂ ਦੇ ਫਰਕ ਵਿਚ ਵੱਖ-ਵੱਖ ਹਮਲਿਆਂ ਵਿਚ ਕਤਲ ਕੀਤਾ, ਜੋ ਮੂਲ ਰੂਪ ਨਾਲ ਕੇਰਲ ਦੀ ਹੈ। ਇਹ ਕਤਲ 28 ਅਗਸਤ ਨੂੰ ਸੈਨ ਜੋਸ ਅਤੇ ਮਿਲਪਿਤਾਸ ਵਿਚ ਹੋਏ, ਜੋ ਕਿ ਕੈਲੀਫੋਰਨੀਆ ਦੇ ਦੋ ਸ਼ਹਿਰ ਹਨ ਅਤੇ 20 ਕਿਲੋਮੀਟਰ ਤੋਂ ਵੀ ਘੱਟ ਦੂਰੀ ’ਤੇ ਸਥਿਤ ਹਨ। ਜਾਂਚਕਾਰਾਂ ਨੇ ਦੋਵਾਂ ਕਤਲਾਂ ਦੀ ਜਾਂਚ ਕਰਨ ਦੇ ਬਾਅਦ ਅਨਿਲਾ ਬੇਬੀ ਨਾਲ ਸੰਬੰਧ ਪਾਇਆ।

ਬੇਬੀ ਨੂੰ ਉਸੇ ਦਿਨ ਗ੍ਰਿਫ਼ਤਾਰ ਕੀਤਾ ਗਿਆ ਅਤੇ ਸ਼ੁਰੂ ਵਿਚ ਉਸ ’ਤੇ ਮਿਲਪਿਤਾਸ ਕਤਲ ਦਾ ਦੋਸ਼ ਲਗਾਇਆ ਗਿਆ। ਹਾਲਾਂਕਿ, 8 ਸਤੰਬਰ ਨੂੰ ਇਸਤਗਾਸਾ ਨੇ ਮੈਥਿਊ ਦੇ ਕਤਲ ਦੇ ਮਾਮਲੇ ਵਿਚ ਵੀ ਦੋਸ਼ ਲਗਾਇਆ। ਪੁਲਿਸ ਹਾਦਸੇ ਦੇ ਉਦੇਸ਼ ਅਤੇ ਹਾਲਾਤਾਂ ਦੀ ਅਜੇ ਵੀ ਜਾਂਚ ਕਰ ਰਹੀ ਹੈ। ਉਸਨੂੰ ਵੀਰਵਾਰ ਨੂੰ ਸਾਂਤਾ ਕਲਾਰਾ ਕਾਉਂਟੀ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ ਅਤੇ 17 ਨਵੰਬਰ ਨੂੰ ਫਿਰ ਤੋਂ ਪੇਸ਼ ਹੋਣਾ ਹੈ, ਜਦੋਂ ਉਸਨੂੰ ਆਪਣਾ ਪੱਖ ਰੱਖਣ ਦਾ ਮੌਕਾ ਮਿਲੇਗਾ। ਜੇਕਰ ਉਸਨੂੰ ਦੋਸ਼ੀ ਪਾਇਆ ਜਾਂਦਾ ਹੈ, ਤਾਂ ਉਸਨੂੰ 50 ਸਾਲ ਤੋਂ ਲੈ ਕੇ ਉਮਰ ਕੈਦ ਤੱਕ ਦੀ ਸਜ਼ਾ ਹੋ ਸਕਦੀ ਹੈ।