ਕੁੱਤੇ ਨੇ ਕੀਤਾ ਜਬਰ ਜਨਾਹ: ਬ੍ਰਿਟਿਸ਼ ਸੰਸਦ 'ਚ ਪੀੜਤਾਂ ਦੀ ਦਿਲ ਕੰਬਾਊ ਗਵਾਹੀ; ਪਾਕਿਸਤਾਨ ਦਾ ਅਸਲ ਚਿਹਰਾ ਬੇਨਕਾਬ

ਡਿਜੀਟਲ ਡੈਸਕ, ਨਵੀਂ ਦਿੱਲੀ: ਬ੍ਰਿਟੇਨ ਦੇ ਵੈਸਟਮਿੰਸਟਰ ਹਾਲ ਵਿੱਚ ਇਕੱਠੇ ਹੋਏ ਸੰਸਦ ਮੈਂਬਰਾਂ ਨੇ ਇਸ ਸੋਮਵਾਰ ਨੂੰ 'ਗਰੂਮਿੰਗ ਗੈਂਗ' ਤੋਂ ਬਚੇ ਲੋਕਾਂ ਦੀਆਂ ਦਿਲ ਦਹਿਲਾਉਣ ਵਾਲੀਆਂ ਗਵਾਹੀਆਂ ਸੁਣੀਆਂ। ਇਨ੍ਹਾਂ ਗਵਾਹੀਆਂ ਵਿੱਚ ਦੱਸਿਆ ਗਿਆ ਕਿ ਕਿਵੇਂ ਜ਼ਿਆਦਾਤਰ ਪਾਕਿਸਤਾਨੀ ਮੂਲ ਦੇ ਮਰਦਾਂ ਨੇ ਉਨ੍ਹਾਂ ਨੂੰ ਤਸਕਰੀ, ਜਬਰ ਜਨਾਹ ਅਤੇ ਤਸੀਹਿਆਂ ਦਾ ਸ਼ਿਕਾਰ ਬਣਾਇਆ। ਇਨ੍ਹਾਂ ਖੁਲਾਸਿਆਂ ਨੇ ਸੰਸਦ ਨੂੰ ਇੱਕ ਅਜਿਹੇ ਘਿਨਾਉਣੇ ਅਧਿਆਇ 'ਤੇ ਮੁੜ ਵਿਚਾਰ ਕਰਨ ਲਈ ਮਜਬੂਰ ਕਰ ਦਿੱਤਾ ਹੈ, ਜਿਸ ਨੂੰ ਦਹਾਕਿਆਂ ਦੀ ਸੰਸਥਾਗਤ ਨਾਕਾਮੀ ਕਾਰਨ ਅਣਗੌਲਿਆ ਕਰ ਦਿੱਤਾ ਗਿਆ ਸੀ।

ਇੱਕ ਪੀੜਤ ਦੀ ਰਿਕਾਰਡ ਕੀਤੀ ਗਵਾਹੀ ਪੜ੍ਹ ਕੇ ਸੁਣਾਈ, ਜਿਸ ਵਿੱਚ ਦੱਸਿਆ ਗਿਆ ਕਿ ਕਿਵੇਂ ਬਲਾਤਕਾਰੀਆਂ ਦੇ ਇੱਕ ਗਿਰੋਹ ਨੇ ਇੱਕ ਕਮਰੇ ਨੂੰ ਕੁੱਤਿਆਂ ਨਾਲ ਭਰ ਦਿੱਤਾ ਸੀ ਅਤੇ ਉਹ ਇਸ ਗੱਲ 'ਤੇ ਸ਼ਰਤਾਂ ਲਗਾ ਰਹੇ ਸਨ ਕਿ ਕੀ ਜਾਨਵਰ ਵੀ ਅਜਿਹਾ ਘਿਨਾਉਣਾ ਕਾਰਾ ਕਰ ਸਕਦੇ ਹਨ।

ਗੋਰੀਆਂ ਕੁੜੀਆਂ ਨੂੰ ਬਣਾਇਆ ਜਾਂਦਾ ਸੀ ਨਿਸ਼ਾਨਾ

ਇੱਕ ਪੀੜਤ ਔਰਤ ਨੇ ਦੱਸਿਆ ਕਿ ਅਪਰਾਧੀ ਲਗਭਗ ਪੂਰੀ ਤਰ੍ਹਾਂ 'ਗੋਰੀਆਂ ਕੁੜੀਆਂ' ਨੂੰ ਹੀ ਆਪਣਾ ਨਿਸ਼ਾਨਾ ਬਣਾਉਂਦੇ ਸਨ। ਇੱਕ ਹੋਰ ਲੜਕੀ ਦੀ ਗਵਾਹੀ ਬਹੁਤ ਪ੍ਰੇਸ਼ਾਨ ਕਰਨ ਵਾਲੀ ਸੀ, ਜਿਸ ਨੇ ਦੱਸਿਆ ਕਿ ਤਿੰਨ ਸਾਲਾਂ ਵਿੱਚ 600 ਤੋਂ 700 ਮਰਦਾਂ ਨੇ ਉਸ ਨਾਲ ਜਬਰ ਜਨਾਹ ਕੀਤਾ। ਇਹ ਭਿਆਨਕ ਦੌਰ ਉਦੋਂ ਸ਼ੁਰੂ ਹੋਇਆ ਜਦੋਂ ਉਹ ਮਹਿਜ਼ 13 ਸਾਲ ਦੀ ਸੀ।

ਛੋਟੀਆਂ ਬੱਚੀਆਂ ਦੀ ਖ਼ੌਫ਼ਨਾਕ ਦਾਸਤਾਨ

ਇੱਕ ਹੋਰ ਪੀੜਤ ਨੇ ਦੱਸਿਆ ਕਿ 12 ਸਾਲ ਦੀ ਉਮਰ ਵਿੱਚ ਉਸ ਨਾਲ ਹੋਈ ਦਰਿੰਦਗੀ ਦਾ ਖ਼ੌਫ਼ ਉਦੋਂ ਹੋਰ ਵੱਧ ਗਿਆ ਜਦੋਂ ਹਮਲਾਵਰਾਂ ਨੇ ਉਸ 'ਤੇ ਅਣਮਨੁੱਖੀ ਤਸ਼ੱਦਦ ਕੀਤਾ। ਕੁਝ ਪੀੜਤਾਂ ਨੇ ਇਹ ਵੀ ਇਲਜ਼ਾਮ ਲਗਾਇਆ ਕਿ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਕੁਝ ਪੁਲਿਸ ਅਧਿਕਾਰੀਆਂ ਨੇ ਵੀ ਉਨ੍ਹਾਂ ਦਾ ਸ਼ੋਸ਼ਣ ਕੀਤਾ। ਪੀੜਤਾਂ ਅਨੁਸਾਰ ਈਦ ਅਤੇ ਹੋਰ ਛੁੱਟੀਆਂ ਦੇ ਆਸ-ਪਾਸ ਹਾਲਾਤ ਹੋਰ ਵੀ ਵਿਗੜ ਜਾਂਦੇ ਸਨ ਅਤੇ ਪਾਰਟੀਆਂ ਵਧੇਰੇ ਹਿੰਸਕ ਹੋ ਜਾਂਦੀਆਂ ਸਨ।

ਬ੍ਰਿਟਿਸ਼ ਸੰਸਦ ਮੈਂਬਰਾਂ ਨੇ ਜਤਾਈ ਚਿੰਤਾ

ਸੰਸਦ ਮੈਂਬਰ ਨੇ ਇੱਕ ਪਟੀਸ਼ਨ ਨਾਲ ਇਸ ਬਹਿਸ ਦੀ ਸ਼ੁਰੂਆਤ ਕੀਤੀ, ਜਿਸ 'ਤੇ 2.6 ਲੱਖ ਲੋਕਾਂ ਨੇ ਦਸਤਖਤ ਕੀਤੇ ਸਨ। ਇਸ ਪਟੀਸ਼ਨ ਵਿੱਚ ਮੰਗ ਕੀਤੀ ਗਈ ਹੈ ਕਿ ਪੁਲਿਸ ਅਤੇ ਹੋਰ ਸੰਸਥਾਵਾਂ ਲਈ ਇਹ ਕਾਨੂੰਨੀ ਤੌਰ 'ਤੇ ਲਾਜ਼ਮੀ ਕੀਤਾ ਜਾਵੇ ਕਿ ਉਹ ਜਿਨਸੀ ਅਪਰਾਧੀਆਂ ਦੀ ਰਾਸ਼ਟਰੀਅਤਾ, ਨਸਲ ਅਤੇ ਧਰਮ ਦਾ ਰਿਕਾਰਡ ਰੱਖਣ।

ਸੰਸਦ ਮੈਂਬਰ ਸਾਰਾ ਚੈਂਪੀਅਨ ਨੇ ਕਿਹਾ ਕਿ ਰੋਦਰਹੈਮ (Rotherham) ਦੇ ਮਾਮਲੇ ਵਿੱਚ ਜੋ ਗਿਰੋਹ ਬੱਚਿਆਂ ਦਾ ਸ਼ੋਸ਼ਣ ਕਰ ਰਹੇ ਸਨ, ਉਹ ਮੁੱਖ ਤੌਰ 'ਤੇ ਪਾਕਿਸਤਾਨੀ ਮੂਲ ਦੇ ਸਨ। ਉਨ੍ਹਾਂ ਕਿਹਾ ਕਿ ਜੇਕਰ ਅਸੀਂ ਇਸ ਦੀ ਪਛਾਣ ਪਹਿਲਾਂ ਹੀ ਕਰ ਲਈ ਹੁੰਦੀ, ਤਾਂ ਸ਼ਾਇਦ ਇਸ ਸ਼ੋਸ਼ਣ ਨੂੰ ਰੋਕਿਆ ਜਾ ਸਕਦਾ ਸੀ।

ਇੱਕ ਪੀੜਤ ਨੇ ਗਵਾਹੀ ਦਿੰਦਿਆਂ ਕਿਹਾ ਕਿ ਅਪਰਾਧੀਆਂ ਵੱਲੋਂ ਅਜਿਹੀਆਂ ਟਿੱਪਣੀਆਂ ਕੀਤੀਆਂ ਜਾਂਦੀਆਂ ਸਨ ਜਿਸ ਨਾਲ ਗੋਰੀਆਂ ਅਤੇ ਈਸਾਈ ਕੁੜੀਆਂ ਨੂੰ ਘੱਟ ਅਹਿਮੀਅਤ ਵਾਲਾ ਦਿਖਾਇਆ ਜਾਂਦਾ ਸੀ। ਇਨ੍ਹਾਂ ਤੁਲਨਾਵਾਂ ਦੀ ਵਰਤੋਂ ਉਨ੍ਹਾਂ ਨਾਲ ਕੀਤੇ ਜਾ ਰਹੇ ਮਾੜੇ ਸਲੂਕ ਨੂੰ ਸਹੀ ਠਹਿਰਾਉਣ ਅਤੇ ਉਨ੍ਹਾਂ ਨੂੰ ਜ਼ਲੀਲ ਕਰਨ ਲਈ ਕੀਤੀ ਜਾਂਦੀ ਸੀ।