ਜਾਪਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਯਾਸੂਓ ਫੁਕੂਦਾ ਦਾ 90 ਸਾਲ ਦੀ ਉਮਰ ’ਚ ਦੇਹਾਂਤ, ਟੋਕੀਓ ਤੋਂ ਬੀਜਿੰਗ ਤੱਕ ਸ਼ੋਕ ਦੀ ਲਹਿਰ

ਯਾਸੂਓ ਫੁਕੂਦਾ ਨੇ ਸਿਆਸਤ ’ਚ ਆਉਣ ਤੋਂ ਪਹਿਲਾਂ ਇਕ ਜਾਪਾਨੀ ਤੇਲ ਕੰਪਨੀ ’ਚ ਕੰਮ ਕੀਤਾ। 1976 ’ਚ ਜਦੋਂ ਉਨ੍ਹਾਂ ਦੇ ਪਿਤਾ ਪ੍ਰਧਾਨ ਮੰਤਰੀ ਬਣੇ ਤਾਂ ਉਸ ਤੋਂ ਠੀਕ ਪਹਿਲਾਂ ਉਨ੍ਹਾਂ ਨੇ ਉਨ੍ਹਾਂ ਦੇ ਨਿੱਜੀ ਸਕੱਤਰ ਦੇ ਤੌਰ ’ਤੇ ਕੰਮ ਕੀਤਾ। ਫੁਕੂਦਾ ਪਹਿਲੀ ਵਾਰ 1990 ’ਚ ਸੰਸਦ ਲਈ ਚੁਣੇ ਗਏ। ਸਾਲ 2000 ’ਚ ਉਨ੍ਹਾਂ ਨੂੰ ਤਤਕਾਲੀ ਪ੍ਰਧਾਨ ਮੰਤਰੀ ਯੋਸ਼ਿਰੋ ਮੋਰੀ ਦੇ ਮੰਤਰੀ ਮੰਡਲ ’ਚ ਮੁੱਖ ਕੈਬਨਿਟ ਸਕੱਤਰ ਦੇ ਤੌਰ ’ਤੇ ਆਪਣਾ ਪਹਿਲਾ ਮੰਤਰੀ ਦਾ ਅਹੁਦਾ ਮਿਲਿਆ। ਫੁਕੂਦਾ ਨੇ ਮਜ਼ਾਕ ’ਚ ਖ਼ੁਦ ਨੂੰ ਸਪੱਸ਼ਟੀਕਰਨ ਦੇਣ ਵਾਲਾ ਸਕੱਤਰ ਦੱਸਿਆ ਸੀ। ਆਪਣੇ ਪਿਤਾ ਦੀ ਤਰ੍ਹਾਂ ਹੀ ਉਨ੍ਹਾਂ ਵੀ ਏਸ਼ਿਆਈ ਦੇਸ਼ਾਂ ਨਾਲ ਦੋਸਤੀ ਵਧਾਉਣ ’ਤੇ ਬਹੁਤ ਜ਼ੋਰ ਦਿੱਤਾ।