ਲਾਈਵ ਪ੍ਰਸਾਰਣ ਦੌਰਾਨ ਵਾਪਰਿਆ ਹਾਦਸਾ: ‘ਇੱਕ ਦਿਨ ਸਾਰਿਆਂ ਨੇ ਮਰਨਾ ਹੈ...’ ਕਹਿੰਦੇ ਹੀ ਪਾਦਰੀ ’ਤੇ ਡਿੱਗਿਆ ਕਰਾਸ, ਇਕਵਾਡੋਰ ’ਚ ਦਰਦਨਾਕ ਮੌਤ

ਡਿਜੀਟਲ ਡੈਸਕ, ਕਿਊਟੋ। ਦੱਖਣੀ ਅਮਰੀਕੀ ਦੇਸ਼ ਇਕਵਾਡੋਰ ਦੇ ਗੁਆਯਾਕਿਲ ਸ਼ਹਿਰ ਦੇ ਇੱਕ ਚਰਚ ਵਿੱਚ ਪ੍ਰਾਰਥਨਾ ਸਭਾ ਦੌਰਾਨ ਪਾਦਰੀ ਦੇ ਉੱਪਰ ਲੱਕੜ ਦਾ ਕਰਾਸ ਡਿੱਗ ਗਿਆ। ਭਾਰੀ ਸਲੀਬ ਕਾਰਨ ਉਨ੍ਹਾਂ ਦੇ ਸਿਰ ’ਤੇ ਗੰਭੀਰ ਸੱਟ ਲੱਗੀ, ਜਿਸ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ।

ਫਾਦਰ ਪੈਟ੍ਰਿਸਿਓ ਅਲਫ੍ਰੇਡੋ ਸਾਂਚੇਜ਼ ਮੋਲੀਨਾਰੀ ਪ੍ਰਵਚਨ ਕਰ ਰਹੇ ਸਨ। ਉਨ੍ਹਾਂ ਨੇ ਸਪੈਨਿਸ਼ ਭਾਸ਼ਾ ਵਿੱਚ ਕਿਹਾ, “ਇੱਕ ਦਿਨ ਅਸੀਂ ਸਾਰਿਆਂ ਨੇ ਮਰਨਾ ਹੈ।” ਇਸੇ ਦੌਰਾਨ ਚਰਚ ਦੀ ਕੰਧ ’ਤੇ ਲੱਗਾ ਕਰਾਸ ਉਨ੍ਹਾਂ ਦੇ ਉੱਪਰ ਡਿੱਗ ਪਿਆ।

ਹਾਦਸੇ ਸਮੇਂ ਉਨ੍ਹਾਂ ਦੇ ਪ੍ਰਵਚਨ ਦਾ ਆਨਲਾਈਨ ਪ੍ਰਸਾਰਣ ਹੋ ਰਿਹਾ ਸੀ, ਜਿਸ ਕਾਰਨ ਇਹ ਪੂਰੀ ਘਟਨਾ ਕੈਮਰੇ ਵਿੱਚ ਕੈਦ ਹੋ ਗਈ।

ਇਸ ਘਟਨਾ ਸਬੰਧੀ ਚਰਚ ਵੱਲੋਂ ਜਾਰੀ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਐਮਰਜੈਂਸੀ ਮੈਡੀਕਲ ਸਟਾਫ ਵੀ ਪਾਦਰੀ ਨੂੰ ਨਹੀਂ ਬਚਾ ਸਕਿਆ। ਫਿਲਹਾਲ ਸਲੀਬ ਡਿੱਗਣ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ ਹੈ।

ਵੀਡੀਓ ਦੇਖਣ ਲਈ ਇੱਥੇ ਕਲਿੱਕ ਕਰੋ.....