ਬਿਨਾਂ ਟਾਈਪ ਕੀਤੇ ਹੋਵੇਗਾ ਕੰਮ ! Chrome ਦੇ ਨਵੇਂ ਫੀਚਰ ਨਾਲ ਸਕ੍ਰੀਨ ਦੇਖ ਕੇ ਜਵਾਬ ਦੇਵੇਗਾ Gemini

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : ਕੁਝ ਸਾਲ ਪਹਿਲਾਂ Google ਨੇ ਸਿੱਧੇ ਸਕ੍ਰੀਨ ਤੋਂ ਸਰਚ ਸ਼ੁਰੂ ਕਰਨ 'ਚ ਮਦਦ ਕਰਨ ਲਈ 'Circle to Search' ਫੀਚਰ ਲਾਂਚ ਕੀਤਾ ਸੀ ਤੇ ਇਹ ਕੰਪਨੀ ਦੇ ਸਭ ਤੋਂ ਪਾਪੂਲਰ AI-ਪਾਵਰਡ ਟੂਲਸ 'ਚੋਂ ਇਕ ਬਣ ਗਿਆ ਹੈ। ਹੁਣ, Google Chrome 'ਚ Gemini ਦੇ ਨਾਲ 'Select from Screen' ਨਾਂ ਦਾ ਇਕ ਨਵਾਂ ਫੀਚਰ ਲੈ ਕੇ ਆ ਰਿਹਾ ਹੈ ਜੋ ਉਸੇ ਤਰ੍ਹਾਂ ਦਾ ਐਕਸਪੀਰੀਅੰਸ ਦਿੰਦਾ ਹੈ। ਇਹ ਨਵਾਂ ਫੀਚਰ ਯੂਜ਼ਰਜ਼ ਨੂੰ ਸਕ੍ਰੀਨ 'ਤੇ ਮੌਜੂਦ ਕੰਟੈਂਟ ਨੂੰ ਤੇਜ਼ੀ ਨਾਲ ਸਿਲੈਕਟ ਕਰਨ ਅਤੇ ਉਸ ਨੂੰ Gemini ਪ੍ਰੌਮਪਟ 'ਚ ਜੋੜਨ ਦੀ ਸੁਵਿਧਾ ਦਿੰਦਾ ਹੈ। ਮੈਨੁਅਲ ਤਰੀਕੇ ਨਾਲ ਜਾਣਕਾਰੀ ਪਾਉਣ ਦੀ ਬਜਾਏ, ਯੂਜ਼ਰਜ਼ ਆਪਣੀ ਸਕ੍ਰੀਨ ਦਾ ਇਕ ਹਿੱਸਾ ਚੁਣ ਸਕਦੇ ਹਨ ਤੇ ਅਸਿਸਟੈਂਸ ਲਈ ਉਸ ਨੂੰ ਸਿੱਧੇ Gemini ਨੂੰ ਭੇਜ ਸਕਦੇ ਹਨ। 'Select from Screen' ਟੂਲ ਨੂੰ Chrome ਵਰਜ਼ਨ 149 ਦੇ ਹਿੱਸੇ ਵਜੋਂ ਰੋਲ ਆਊਟ ਕੀਤਾ ਜਾ ਰਿਹਾ ਹੈ।

Chrome 'ਚ Gemini ਦੇ 'Select from Screen' ਫੀਚਰ ਨਾਲ ਸਰਚ ਕਰਨਾ ਆਸਾਨ ਹੋ ਗਿਆ ਹੈ

Chrome 'ਚ Gemini ਦੇ ਅਪਡੇਟਿਡ ਸਪੋਰਟ ਪੇਜ 'ਤੇ ਕੰਪਨੀ ਨੇ ਨਵੇਂ 'Select from Screen' ਫੀਚਰ ਬਾਰੇ ਜਾਣਕਾਰੀ ਦਿੱਤੀ ਹੈ। ਇਸ ਫੀਚਰ ਦੀ ਵਰਤੋਂ ਡੈਸਕਟਾਪ 'ਤੇ Google Chrome 'ਚ 'Ask Gemini' 'ਤੇ ਕਲਿੱਕ ਕਰ ਕੇ ਕੀਤੀ ਜਾ ਸਕਦੀ ਹੈ। ਇਹ ਨਵਾਂ 'Select from Screen' ਟੂਲ ਮੋਬਾਈਲ 'ਤੇ 'Circle to Search' ਦੀ ਤਰ੍ਹਾਂ ਹੀ ਕੰਮ ਕਰਦਾ ਹੈ ਤੇ ਯੂਜ਼ਰਜ਼ ਆਪਣੀ ਸਕ੍ਰੀਨ ਦੇ ਖ਼ਾਸ ਹਿੱਸਿਆਂ ਨੂੰ ਚੁਣ ਕੇ ਉਨ੍ਹਾਂ ਬਾਰੇ Gemini ਤੋਂ ਪੁੱਛ ਸਕਦੇ ਹਨ।

ਕੰਪਨੀ ਦਾ ਕਹਿਣਾ ਹੈ ਕਿ 'Select from Screen' ਕਈ ਸਥਿਤੀਆਂ 'ਚ ਕੰਮ ਆ ਸਕਦਾ ਹੈ ਜਿਵੇਂ ਕਿ ਸਕ੍ਰੀਨਜ਼ ਦੇ ਕੁਝ ਪੇਅਰਸ ਨੂੰ ਹਾਈਲਾਈਟ ਕਰਨਾ ਤੇ ਇਹ ਪੁੱਛਣਾ ਕਿ ਰਨਿੰਗ ਸਟਾਈਲ ਦੇ ਲਈ ਕਿਹੜਾ ਸਭ ਤੋਂ ਵਧੀਆ ਹੈ। ਇਸੇ ਤਰ੍ਹਾਂ ਕਲੀਅਰ ਐਕਸਪਲੇਨੇਸ਼ਨ ਪਾਉਣ ਲਈ ਕਿਸੇ ਡਾਇਗ੍ਰਾਮ ਦੇ ਪਾਰਟ ਨੂੰ ਕੈਪਚਰ ਕਰਨਾ, ਰੀਡਿਜ਼ਾਈਨ ਕਰਨ ਲਈ ਪੇਜ ਦਾ ਕੋਈ ਪਾਰਟ ਸਿਲੈਕਟ ਕਰਨਾ ਜਾਂ ਆਪਣੇ ਆਈਡੀਆ ਨੂੰ ਟ੍ਰਾਂਸਫਾਰਮ ਕਰਨਾ।

'Select from Screen' ਦੀ ਵਰਤੋਂ ਕਿਵੇਂ ਕਰੀਏ?

• ਆਪਣੇ ਕੰਪਿਊਟਰ 'ਤੇ Chrome ਖੋਲ੍ਹੋ।
• ਬ੍ਰਾਊਜ਼ਰ ਦੇ ਉੱਪਰ 'Ask Gemini' 'ਤੇ ਕਲਿੱਕ ਕਰੋ।
• ਪਲੱਸ (+) ਆਈਕਨ ਚੁਣ ਕੇ 'Add' ਮੇਨੂ 'ਤੇ ਕਲਿੱਕ ਕਰੋ।
• 'Select from Screen' ਫੀਚਰ ਚੁਣੋ।
• ਵੈੱਬ ਪੇਜ ਦੇ ਉਨ੍ਹਾਂ ਖ਼ਾਸ ਹਿੱਸਿਆਂ ਦੇ ਚਾਰੋਂ ਪਾਸੇ ਬਾਕਸ ਬਣਾਓ ਜਿਨ੍ਹਾਂ ਬਾਰੇ ਤੁਸੀਂ ਪੁੱਛਣਾ ਚਾਹੁੰਦੇ ਹੋ।
• ਟੈਕਸਟ ਬਾਕਸ ਵਿੱਚ ਕੋਈ ਸਵਾਲ ਜਾਂ ਰਿਕਵੈਸਟ ਪਾਓ।
• ਸਿਲੈਕਸ਼ਨ ਮੋਡ ਤੋਂ ਬਾਹਰ ਨਿਕਲਣ ਲਈ ESC ਪ੍ਰੈੱਸ ਕਰੋ।

ਯੂਜ਼ਰਜ਼ ਬਾਕਸ ਦੇ ਕਿਨਾਰੇ ਨੂੰ ਡ੍ਰੈਗ ਕਰ ਕੇ ਜਾਂ ਪੂਰੇ ਬਾਕਸ ਨੂੰ ਮੂਵ ਕਰਕੇ ਸਿਲੈਕਟਿਡ ਪੋਰਸ਼ਨ ਦਾ ਸਾਈਜ਼ ਅਤੇ ਜਗ੍ਹਾ ਬਦਲ ਸਕਦੇ ਹਨ। ਇਹ ਨਵਾਂ ਫੀਚਰ Chrome ਵਰਜ਼ਨ 149 ਦੇ ਨਾਲ ਉਪਲਬਧ ਲੱਗ ਰਿਹਾ ਹੈ।

ਜਿਨ੍ਹਾਂ ਯੂਜ਼ਰਜ਼ ਕੋਲ Chrome ਦਾ ਲੇਟੈਸਟ ਵਰਜ਼ਨ ਹੈ, ਉਨ੍ਹਾਂ ਨੂੰ ਨਵੇਂ ਫੀਚਰ ਦੀ ਵਰਤੋਂ ਕਰਨ ਲਈ ਬ੍ਰਾਊਜ਼ਰ ਨੂੰ ਰੀਸਟਾਰਟ ਕਰਨਾ ਪੈ ਸਕਦਾ ਹੈ। ਤੁਸੀਂ ਤਿੰਨ-ਡਾਟ ਮੇਨੂ > Settings > About Chrome 'ਤੇ ਜਾ ਕੇ Chrome ਦੇ ਲੇਟੈਸਟ ਅਪਡੇਟ ਨੂੰ ਚੈੱਕ ਕਰ ਸਕਦੇ ਹੋ।